ನನ್ನನ್ನು ಮನೆಗೆ ಒಳಗೆ ಬಿಡ್ತಿಲ್ಲ, ನನ್ನ ವಸ್ತುಗಳನ್ನು ಕೊಡ್ತಿಲ್ಲ! ಪತ್ನಿ ವಿರುದ್ಧ ಜಯಂ ರವಿ ಪೊಲೀಸರಿಗೆ ದೂರು

ಹೈದ್ರಾಬಾದ್​: ಕಾಲಿವುಡ್ ನಟ ಜಯಂ ರವಿ ಇತ್ತೀಚೆಗಷ್ಟೇ ತಮ್ಮ ಪತ್ನಿ ಆರತಿಗೆ ವಿಚ್ಛೇದನ ನೀಡುವುದಾಗಿ ಘೋಷಿಸಿದ್ದು ಗೊತ್ತೇ ಇದೆ. ಆದರೆ ಪತಿ ತನಗೆ ತಿಳಿಯದಂತೆ ಇಂತಹ ಹೇಳಿಕೆ ನೀಡಿದ್ದಾರೆ ಎಂದು ಆರತಿ ಸಾಮಾಜಿಕ ಜಾಲತಾಣದಲ್ಲಿ ಭಾವನಾತ್ಮಕವಾದ ಟಿಪ್ಪಣಿಯನ್ನು ಹಂಚಿಕೊಂಡಿದ್ದಾರೆ.

ಮದುವೆಯಾದ 15 ವರ್ಷಗಳ ನಂತರ ಇಬ್ಬರ ನಡುವೆ ಭಿನ್ನಾಭಿಪ್ರಾಯ ಮೂಡಿದೆಯಂತೆ. ಸದ್ಯ ಇಬ್ಬರ ವಿಚ್ಛೇದನ ಪ್ರಕರಣ ನ್ಯಾಯಾಲಯದಲ್ಲಿ ಬಾಕಿ ಇರುವಾಗಲೇ..ತಮ್ಮ ಅನುಮತಿ ಇಲ್ಲದೇ ವಿಚ್ಛೇದನ ನೋಟಿಸ್ ನೀಡಿದ್ದಾರೆ. ಈ ಬಗ್ಗೆ ಮಾತನಾಡಲು ರವಿ ಅವರನ್ನು ಭೇಟಿ ಮಾಡಲು ಯತ್ನಿಸಿದರೂ ಅವಕಾಶ ನೀಡುವುದಿಲ್ಲ ಎಂದಿದ್ದಾರೆ.

ಮಾಧ್ಯಮಗಳಿಗೆ ಜಯಂ ರವಿ ಹೇಳಿದ್ದು ಹೀಗೆ.. “ನಾನು ಒಂದೇ ಒಂದು ಮಾತನ್ನು ಹೇಳಲು ಬಯಸುತ್ತೇನೆ. ದಯವಿಟ್ಟು ನನ್ನ ವೈಯಕ್ತಿಕ ಜೀವನ ನನ್ನ ವೈಯಕ್ತಿಕ ಜೀವನವಾಗಲಿ. ಸುಳ್ಳು ಪ್ರಚಾರಕ್ಕೆ ಬೇರೆಯವರನ್ನು ಎಳೆದು ತರಬೇಡಿ. ನನ್ನ ವೈಯಕ್ತಿಕ ಜೀವನದಲ್ಲಿ ಬೇರೊಬ್ಬರನ್ನು ತರಬೇಡಿ ಎಂದಿದ್ದಾರೆ.

ಜಯಂ ರವಿ ಇತ್ತೀಚೆಗೆ ಪತ್ನಿ ಆರತಿ ವಿರುದ್ಧ ಪೊಲೀಸ್ ದೂರು ದಾಖಲಿಸಿದ್ದಾರೆ.  ಪತ್ನಿ ಆರತಿ ವಿರುದ್ಧ ಅಡ್ಯಾರ್ ಅವರು ತಮ್ಮ ಆಪ್ತ ಸಹಾಯಕರ ಮೂಲಕ ಎರಡು ದಿನಗಳ ಹಿಂದೆ ದೂರು ದಾಖಲಿಸಿದ್ದಾರಂತೆ. 

ಆರತಿ ಮನೆಯಿಂದ ಹೊರ ಹಾಕಿರುವಂತೆ ತೋರುತ್ತಿದೆ, ಚೆನ್ನೈನಲ್ಲಿರುವ ಆರತಿ ಮನೆಯಲ್ಲಿದ್ದ ವಸ್ತುಗಳನ್ನು ವಾಪಸ್ ಕೊಡಿಸಿ ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ಪೊಲೀಸರು ಪ್ರಕರಣವನ್ನು ನೀಲಂಗರ ಠಾಣೆಗೆ ವರ್ಗಾಯಿಸಿ ತನಿಖೆ ನಡೆಸುತ್ತಿದ್ದಾರೆ.

ಜಯಂ ರವಿ ತಮಿಳಿನಲ್ಲಿ ಬ್ಯಾಕ್ ಟು ಬ್ಯಾಕ್ ಚಿತ್ರಗಳ ಮೂಲಕ ನಾಯಕನಾಗಿ ಒಳ್ಳೆಯ ಹೆಸರು ಮಾಡಿದ್ದಾರೆ. ಕಾಲಿವುಡ್ ಇಂಡಸ್ಟ್ರಿಯಲ್ಲಿ ಮಾತ್ರವಲ್ಲ, ತೆಲುಗಿನಲ್ಲೂ ಈ ಹೀರೋಗೆ ಒಳ್ಳೆಯ ಫಾಲೋಯಿಂಗ್ ಇದೆ. 

https://www.vijayavani.net/shrinidhi-shetty-10th-marks-card-viral

https://www.vijayavani.net/actress-divorce-urmila-matondkar-getting-divorce-from-husband