ಸ್ಯಾಂಡಲ್ವುಡ್ ನಟ ಧ್ರುವ ಸರ್ಜಾ 2012ರಲ್ಲಿ "ಅದ್ಧೂರಿ' ಮೂಲಕ ನಾಯಕನಾಗಿ ಪದಾರ್ಪಣೆ ಮಾಡಿದರೂ, ಈ 14 ವರ್ಷಗಳಲ್ಲಿ ನಾಯಕನಾಗಿ ನಟಿಸಿರುವ ಸಿನಿಮಾಗಳ ಸಂಖ್ಯೆ ಕೇವಲ ಆರು. "ಅದ್ಧೂರಿ', "ಬಹದ್ದೂರ್', "ಭರ್ಜರಿ', "ಪೊಗರು', "ಮಾರ್ಟಿನ್', "ಕೆಡಿ' ಬಳಿಕ ಇದೀಗ "ಕ್ರಿಮಿನಲ್' ಶೂಟಿಂಗ್ನಲ್ಲಿ ಅವರು ಬಿಜಿಯಾಗಿದ್ದಾರೆ. ಅವರು ಎಷ್ಟೇ ವೇಗವಾಗಿ ಸಿನಿಮಾಗಳನ್ನು ಮಾಡಿದರೂ, ಕಾರಣಾಂತರಗಳಿಂದ ಬಿಡುಗಡೆ ತಡವಾಗುತ್ತಿತ್ತು. ಜತೆಗೆ ಒಂದು ಸಿನಿಮಾ ರಿಲೀಸ್ ಆಗುವವರೆಗೂ ಧ್ರುವ ಮತ್ತೊಂದು ಚಿತ್ರದಲ್ಲಿ ತೊಡಗುತ್ತಿರಲಿಲ್ಲವಾದ ಕಾರಣ, ಉಳಿದ ಚಿತ್ರಗಳೂ ತಡವಾಗುತ್ತಾ ಬಂದವು. ಆದರೆ, ಈಗ ಧ್ರುವ ಎಚ್ಚೆತ್ತುಕೊಂಡಿದ್ದಾರೆ. ವರ್ಷಕ್ಕೆರಡು ಸಿನಿಮಾ ಮಾಡಲೇಬೇಕು ಅಂತ ದೃಢ ನಿರ್ಧಾರ ಮಾಡಿದ್ದಾರೆ. ಈ ವರ್ಷ ಅವರು ನಟಿಸಿರುವ "ಕೆಡಿ' ಬಿಡುಗಡೆಯಾಗಿದ್ದು, ಮತ್ತೊಂದು ಸಿನಿಮಾ "ಕೆರೆಬೇಟೆ' ಖ್ಯಾತಿಯ ರಾಜಗುರು ನಿರ್ದೇಶಿಸುತ್ತಿರುವ "ಕ್ರಿಮಿನಲ್' ಕೂಡ ಇದೇ ದಸರಾ ಅಥವಾ ದೀಪಾವಳಿಗೆ ತೆರೆಗೆ ಬರುವ ನಿರೀೆ ಇದೆ. ಹಾಗೇ ಇದೇ ಆಗಸ್ಟ್ನಲ್ಲಿ ದುನಿಯಾ ಸೂರಿ ಹಾಗೂ ಡಿಸೆಂಬರ್ನಲ್ಲಿ "777 ಚಾರ್ಲಿ' ನಿರ್ದೇಶಕ ಕಿರಣ್ ರಾಜ್ ಆ್ಯಕ್ಷನ್&ಕಟ್ ಹೇಳಲಿರುವ ಎರಡು ಚಿತ್ರಗಳು ಸೆಟ್ಟೇರಲಿವೆ ಎನ್ನಲಾಗಿದೆ.
_1782913471411.webp?w=480&auto=format%2Ccompress&fit=max)
