ಕೋಲಾರ ಜಿಲ್ಲೆಯಲ್ಲಿ 2988 ಮೇಲ್ಮನವಿ ಅರ್ಜಿಗಳು ಬಾಕಿಯಿದ್ದು, ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯಲ್ಲಿ ಅತಿ ಹೆಚ್ಚು 1836 ಅರ್ಜಿಗಳು ಮೇಲ್ಮನವಿಯಲ್ಲಿ ಬಾಕಿಯಿರುತ್ತದೆ. ಅಂತೆಯೇ ಕಂದಾಯ ಇಲಾಖೆಯಲ್ಲಿ 623, ನಗರಾಭಿವೃದ್ಧಿಯಲ್ಲಿ 123, ಸಮಾಜ ಕಲ್ಯಾಣ ಇಲಾಖೆಯಲ್ಲಿ 80, ಗೃಹ ಇಲಾಖೆಯಲ್ಲಿ 72, ಅರಣ್ಯ ಇಲಾಖೆಯಲ್ಲಿ 51, ಶಿಕ್ಷಣ ಇಲಾಖೆಯಲ್ಲಿ 30, ಕೃಷಿ ಇಲಾಖೆಯಲ್ಲಿ 20, ಇಂಧನ ಇಲಾಖೆಯಲ್ಲಿ 20, ಜಲಸಂಪನ್ಮೂಲ ಇಲಾಖೆಯಲ್ಲಿ 16 ಸೇರಿದಂತೆ ವಿವಿಧ ಇಲಾಖೆಗಳಲ್ಲಿ ಬಾಕಿಯಿರುವ ಮೇಲ್ಮನವಿಗಳನ್ನು ವಿಚಾರಣೆಗೆ ಒಳಪಡಿಸಲಾಗುತ್ತಿದೆ. ಸಾಧ್ಯವಾದಷ್ಟು ಪ್ರಥಮ ಮೇಲ್ಮನವಿ ಪ್ರಾಧಿಕಾರದಲ್ಲೇ ನಿಯಮಾನುಸಾರ ಮಾಹಿತಿ ಒದಗಿಸಿ ಆಯೋಗದ ಮೇಲಿನ ಒತ್ತಡವನ್ನು ಕಡಿಮೆ ಮಾಡಬೇಕು ಎಂದು ತಿಳಿಸಿದರು.
