24 ಗಂಟೆಯಲ್ಲಿ ತ್ರಿಶತಕ ಬಾರಿಸಿದ ಕೊವಿಡ್​-19; ಕಲಬುರಗಿಯಲ್ಲೇ ಹೆಚ್ಚು

ಬೆಂಗಳೂರು: ರಾಜ್ಯದಲ್ಲಿ ಕಳೆದ 24 ಗಂಟೆಯಲ್ಲಿ (ಜೂ.7ರ ಸಂಜೆ 5ಗಂಟೆಯಿಂದ ಜೂ.8ರ ಸಂಜೆ 5ರವರೆಗೆ) ಒಟ್ಟು 308 ಹೊಸ ಕೊವಿಡ್​-19 ಪ್ರಕರಣಗಳು ಪತ್ತೆಯಾಗಿದ್ದು, ಸೋಂಕಿತರ ಒಟ್ಟು ಸಂಖ್ಯೆ 5760ಕ್ಕೆ ಏರಿದೆ. ಹಾಗೇ ಕಳೆದ 24ಗಂಟೆಯಲ್ಲಿ 387 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಹೊಂದಿದ್ದು ಸಮಾಧಾನ ತಂದಿದೆ.

ರಾಜ್ಯದಲ್ಲಿ ಕೊವಿಡ್​ನಿಂದ ಮೃತಪಟ್ಟವರ ಸಂಖ್ಯೆ 64ಕ್ಕೆ ಏರಿದ್ದು, ಒಟ್ಟು ಡಿಸ್​ಚಾರ್ಜ್ ಆದವರು 64 ಮಂದಿ. ಸಕ್ರಿಯ ಕರೊನಾ ಪ್ರಕರಣಗಳು 3175. ಇಂದು ಪತ್ತೆಯಾದ 308 ಹೊಸ ಪ್ರಕರಣಗಳಲ್ಲಿ 277 ಮಂದಿ ಅಂತಾರಾಜ್ಯ ಪ್ರಯಾಣಿಕರು ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

ಇಂದಿನಿಂದ ರಾಜ್ಯ ಅನ್​ಲಾಕ್​ ಆಗಿದೆ. ಬಹುತೇಕ ದೇವಸ್ಥಾನ, ಮಾಲ್​ಗಳೆಲ್ಲ ತೆರೆದಿವೆ. ಮತ್ತೊಂದು ಕಡೆ ಕೊವಿಡ್​-19 ಸೋಂಕಿತರ ಸಂಖ್ಯೆಯೂ ಹೆಚ್ಚುತ್ತಲೇ ಇದೆ.

ಇಂದು ಕಲಬುರಗಿಯಲ್ಲಿ 99 ಪ್ರಕರಣಗಳು ಪತ್ತೆಯಾಗಿದ್ದು ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 700ರ ಗಡಿ ದಾಟಿದೆ. ಕಳೆದ 24 ಗಂಟೆಯಲ್ಲಿ ಯಾದಗಿರಿಯಲ್ಲಿ 66, ಬೀದರ್​ನಲ್ಲಿ 48, ಉಡುಪಿ 45, ಬೆಂಗಳೂರು ನಗರ 18, ಬಳ್ಳಾರಿ 8, ಗದಗ 6, ಶಿವಮೊಗ್ಗ 4, ಧಾರವಾಡ 4, ಹಾಸನ 3, ದಕ್ಷಿಣ ಕನ್ನಡ 3, ಬಾಗಲಕೋಟೆ 2, ಕೊಪ್ಪಳ ಮತ್ತು ರಾಮನಗರದಲ್ಲಿ ತಲಾ ಒಂದು ಕೊವಿಡ್​-19 ಕೇಸ್​ಗಳು ಪತ್ತೆಯಾಗಿವೆ.

https://www.vijayavani.net/cop-hits-people-in-chhattisgarh-containment-zone-for-violating-norms-videos-go-viral/