ಅಪ್ಪನ ಪಾರ್ಥಿವ ಶರೀರವನ್ನು ಸೇನಾ ಸಮವಸ್ತ್ರ ಹಾಕಿಕೊಂಡು ಸ್ವೀಕರಿಸಿದ ಮಗ!

Published on:

13 Jul 2021, 6:37 am

ಬೆಳಗಾವಿ: ನಾಗಾಲ್ಯಾಂಡ್ನಲ್ಲಿ ಸಂಭವಿಸಿದ ಅಪಘಾತದಲ್ಲಿ ಗೋಕಾಕ್ ತಾಲೂಕಿನ ಶಿವಾಪುರ ಗ್ರಾಮದ ಯೋಧ ಮಂಜುನಾಥ ಗೌಡನ್ನವರ ಹುತಾತ್ಮರಾದರು. ಸ್ವಗ್ರಾಮಕ್ಕೆ ಬಂದ ಪಾರ್ಥಿವ ಶರೀರವನ್ನು ಹುತಾತ್ಮ ಯೋಧನ ಪುಟ್ಟ ಮಗ ಸೇನೆಯ ಸಮವಸ್ತ್ರಧಾರಿಯಾಗಿಯೇ ಸ್ವೀಕರಿಸಿದ್ದು, ನೆರೆದಿದ್ದವರ ಮನಕಲಕುವಂತಿತ್ತು.

ನಾಗಾಲ್ಯಾಂಡ್ನಲ್ಲಿ ಕರ್ತವ್ಯ ನಿರತರಾಗಿದ್ದ ವೇಳೆ ಭಾನುವಾರ ಅಪಘಾತ ಸಂಭವಿಸಿ ಯೋಧ ಮಂಜುನಾಥ ಗೌಡನ್ನವರ ಮೃತಪಟ್ಟಿದ್ದರು. ಅವರ ಪಾರ್ಥಿವ ಶರೀರ ಗ್ರಾಮಕ್ಕೆ ಬರುತ್ತಿದ್ದಂತೆ ಕುಟುಂಬಸ್ಥರ ಅಕ್ರಂದನ ಮುಗಿಲು ಮುಟ್ಟಿತ್ತು.