ನೆಕ್ಲೇಸ್ನಂಥ ಆಭರಣದೊಳಗೆ 70 ಗ್ರಾಂ ತೂಕದ ಸಣ್ಣ ಚಾಕುವೊಂದನ್ನು ಅಳವಡಿಸಲಾಗಿರುತ್ತದೆ. ಮಹಿಳೆ ಈ ಆಭರಣದಿಂದ ಚಾಕುವನ್ನು ತೆಗೆಯುತ್ತಿದ್ದಂತೆ ಮೊದಲೇ ಫೀಡ್ ಮಾಡಲಾಗಿರುವ ಮೂರು ಮೊಬೈಲ್ಫೋನ್ ನಂಬರ್ಗಳಿಗೆ ಆ ಕ್ಷಣದಲ್ಲಿ ಆಕೆ ಇರುವ ಸ್ಥಳದ ಮಾಹಿತಿ ಸಹಿತ ಸಂದೇಶ ರವಾನೆ ಆಗುತ್ತದೆ. ಆಗ ಸಂಬಂಧಿತರು ಹಾಗೂ ಪೊಲೀಸರು ರಕ್ಷಣೆಗೆ ಧಾವಿಸಬಹುದು. ಯಾರಾದರೂ ಕದಿಯಲು ಮುಂದಾದಾಗ, 'ಇರು.. ನನಗೇನೂ ಮಾಡಬೇಡ, ಸರ ತಾನೇ? ನಾನೇ ಬಿಚ್ಚಿ ಕೊಡುತ್ತೇನೆ' ಎಂದು ಅಥವಾ ಯಾರಾದರೂ ಲೈಂಗಿಕ ಶೋಷಣೆಗೆ ಮುಂದಾದಲ್ಲಿ ಸರದ ಆಮಿಷ ತೋರಿ, ಚಾಕು ತೆಗೆದರೆ ಸಾಕು.. ಬಚಾವಾಗಬಹುದು. ರೇಡಿಯೊ ತರಂಗಾಂತರ ಹಾಗೂ ಬ್ಲೂಟೂತ್ ತಂತ್ರಜ್ಞಾನದ ಮೂಲಕ ಇದು ಕಾರ್ಯನಿರ್ವಹಿಸುತ್ತದೆ. 1500 ರೂಪಾಯಿಯಲ್ಲಿ ಸಿಗಬಹುದಾದ ಈ ಸ್ಮಾರ್ಟ್ ನೈಫ್ ವಿನ್ಯಾಸಕ್ಕೆ ಒಂದು ತಿಂಗಳ ಕಾಲ ತಗುಲಿತು ಎನ್ನುತ್ತಾರೆ ಶಾಲಿನಿ, ದೀಕ್ಷಾ. (ಏಜೆನ್ಸೀಸ್)
