ಅಪ್ಪನನ್ನೇ ಹೊರಹಾಕಿದ ಮಗಳಿಗೆ ತಕ್ಕಪಾಠ!

ಚಿಕ್ಕಬಳ್ಳಾಪುರ: ಮನೆಗಾಗಿ ತಂದೆಯನ್ನೇ ಮನೆಯಿಂದ ಹೊರಹಾಕಿದ್ದ ಮಗಳಿಗೆ ಇಲ್ಲಿನ ಅಧಿಕಾರಿಗಳು ತಕ್ಕಪಾಠ ಕಲಿಸಿದ್ದಾರೆ.

ಶಾಂತಿನಗರದ ನಿವಾಸಿ ವೆಂಕಟರೋಣಪ್ಪ (72) ಅವರನ್ನು ಅಂಗನವಾಡಿ ಶಿಕ್ಷಕಿಯಾಗಿರುವ ಪುತ್ರಿ ಸುಬ್ಬುಲಕ್ಷ್ಮೀ ಬೀದಿಗೆ ತಳ್ಳಿದ್ದಳು. ಈ ಬಗ್ಗೆ ವಿಚಾರಣೆ ನಡೆಸಿದ ಉಪ ವಿಭಾಗಾಧಿಕಾರಿ ಡಿ.ಎಚ್.ಅಶ್ವಿನ್, ದಾಖಲೆಗಳ ಪ್ರಕಾರ ಮನೆಯನ್ನು ವೆಂಕಟರೋಣಪ್ಪಗೆ ಬಿಟ್ಟು ಕೊಡಬೇಕು. ಹಾಗೆಯೇ ಪ್ರತಿ ತಿಂಗಳು 5000 ರೂ. ನೀಡಬೇಕು ಎಂದು ಆದೇಶ ನೀಡಿದ್ದಾರೆ. ಇದರಂತೆ ತಹಸೀಲ್ದಾರ್ ಅನಿಲ್ ಪೊಲೀಸರೊಂದಿಗೆ ಬಂದು ಮಗಳಿಂದ ವೃದ್ಧನಿಗೆ ಮನೆ ಬಿಡಿಸಿಕೊಟ್ಟಿದ್ದಾರೆ.