ಪ್ರೇಮಿಗಳ ದಿನದಂದು ಈತ ಮಾಡಿದ ಕೀಟಲೆಗೆ ಯುವತಿಯರಿಂದ ಬಿತ್ತು ಗೂಸಾ! ವಿಡಿಯೋ ವೈರಲ್​

ಪುಣೆ: ಚುಡಾಯಿಸಿದ ಯುವಕನಿಗೆ ಇಬ್ಬರು ಯುವತಿಯರು ಸೇರಿ ಹಿಗ್ಗಾಮುಗ್ಗಾ ಥಳಿಸಿರುವ ಘಟನೆ ಮಹಾರಾಷ್ಟ್ರದ ಕಲ್ಯಾಣ ವಲಯದ ಅಂಬಿವಲ್ಲಿ ರೈಲು ನಿಲ್ದಾಣ ಸಮೀಪ ಇರುವ ವಡವಲಿ ಗ್ರಾಮದಲ್ಲಿ ಕಳೆದ ಮಂಗಳವಾರ (ಫೆ.14) ಪ್ರೇಮಿಗಳ ದಿನದಂದು ನಡೆದಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ವೈರಲ್​ ಆಗಿದೆ.

ಯುವತಿಯರಿಬ್ಬರು ರಸ್ತೆ ಮೇಲೆ ನಡೆದು ಹೋಗುವಾಗ ಯುವಕನೊಬ್ಬ ಇಬ್ಬರನ್ನು ಟೀಕಿಸಿದ್ದಾನೆ. ಅಲ್ಲದೆ, ಅವರ ಮುಂದೆ ಕೆಟ್ಟ ಪದಗಳನ್ನು ಬಳಸಿದ್ದಾನೆ. ಇದರಿಂದ ಆಕ್ರೋಶಗೊಂಡ ಯುವತಿಯರು ಯುವಕನನ್ನು ಎಳೆದಾಡಿ, ಹತ್ತಿರದ ಟೇಬಲ್​ ಒಂದರಲ್ಲಿ ಕೂರಿಸಿ, ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.

ತಪ್ಪಾಯ್ತು, ಕ್ಷಮಿಸಿ ಬಿಟ್ಟುಬಿಡಿ ಅಂತಾ ಕೇಳಿಕೊಂಡರು ಬಿಡದ ಯುವತಿಯರು ಪೊರಕೆಯಿಂದ ಯುವಕನಿಗೆ ಬಾರಿಸಿದ್ದಾರೆ. ಸ್ಥಳೀಯರೊಬ್ಬರು ತಮ್ಮ ಮೊಬೈಲ್​ನಲ್ಲಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದು, ಸಿಕ್ಕಾಪಟ್ಟೆ ವೈರಲ್​ ಆಗಿದೆ.

ಘಟನೆಗೆ ಪೊಲೀಸರು ಸಹ ಪ್ರತಿಕ್ರಿಯಿಸಿದ್ದು, ಯಾವುದೇ ಪ್ರಕರಣ ದಾಖಲಾಗಿಲ್ಲ ಎಂದು ತಿಳಿಸಿದ್ದಾರೆ. ಆದರೆ, ವಿಡಿಯೋ ಆಧರಿಸಿ ತನಿಖೆ ನಡೆಸಲಾಗುವುದು ಎಂದು ಹೇಳಿದ್ದಾರೆ. ಇತ್ತೀಚೆಗೆ ಯುವತಿಯರನ್ನು ಚುಡಾಯಿಸುವಂತಹ ಪ್ರಕರಣಗಳು ಹೆಚ್ಚಾಗಿದ್ದು, ಪೊಲೀಸರು ಕ್ರಮ ಕೈಗೊಳ್ಳಬೇಕು ಎನ್ನುತ್ತಾರೆ ಈ ಭಾಗದ ಸ್ಥಳೀಯರು. (ಏಜೆನ್ಸೀಸ್​)

https://www.vijayavani.net/shah-rukh-khans-manager-owns-rs-50-crores-assets-her-salary-is-this-many-crores/

https://www.vijayavani.net/bengaluru-bbmp-mantri-mall-mantri-square-mall-bbmp-officers-bbmp-raid/

https://www.vijayavani.net/inmate-dies-due-to-heartattack-on-the-way-to-hospital/