ಅತ್ತ ವೈಯಕ್ತಿಕ ವಿಚಾರವನ್ನು ಎಳೆದುತಂದ ಸೋಮಶೇಖರ್ ವಿರುದ್ಧ ಸಾವಿರ ಕೋಟಿ ಒಡೆಯ ಕೆಜಿಎಫ್ ಬಾಬು ಅವರ ಇಬ್ಬರು ಪತ್ನಿಯರೂ ಕಿಡಿಕಾರಿದ್ದಾರೆ. ಬುಧವಾರ ಕುಟುಂಬ ಸಮೇತ ಸುದ್ದಿಗೋಷ್ಠಿ ನಡೆಸಿದ ಕೆಜಿಎಫ್ ಬಾಬು, ರಾಜಕೀಯ ಅಂದ್ರೆ ಹೀಗೀರುತ್ತೆ ಅಂತಾ ಗೊತ್ತಿದ್ದರೆ ನಾನು ರಾಜಕೀಯಕ್ಕೇ ಬರುತ್ತಿರಲಿಲ್ಲ. ನಾನು ರಾಜಕೀಯಕ್ಕೆ ಬಂದು ತಪ್ಪು ಮಾಡಿಬಿಟ್ಟೆ ಎಂದು ಕೆಜಿಎಫ್ ಬಾಬು ಬಿಕ್ಕಿ ಬಿಕ್ಕಿ ಕಣ್ಣೀರಿಟ್ಟಿದ್ದಾರೆ. ಇವರ ಜತೆಗೆ ಪತ್ನಿರೂ ಅಳುತ್ತಾ, ನಮ್ಮ ಗಂಡ ತುಂಬಾ ಒಳ್ಳೆಯವರು. ಹಳೆಯದ್ದನ್ನೆಲ್ಲ ಈಗ ಕೆದಕಬೇಡಿ ಎಂದು ಗೋಳಾಡಿದರು. ಸಚಿವರೇ ನಿಮ್ಮ ಮನೆಯಲ್ಲಿ ಹೆಣ್ಣು ಮಕ್ಕಳು ಇಲ್ವಾ? ನಿಮಗೆ ಅಕ್ಕ-ತಂಗಿಯರು ಇಲ್ವಾ..? ಎಂದು ಪ್ರಶ್ನಿಸಿದರು.
