ಮಗನ ಸಾವಿನ ನೋವಿನಲ್ಲೇ ಸುದ್ದಿಗಾರರೊಂದಿಗೆ ಮಾತನಾಡಿದ ತಾಯಿ ತಾಯಿ ಶಿವಮ್ಮ, ನನ್ನ ಮಗ ವಾಸು ಆತ್ಮಹತ್ಯೆಗೂ ಮನುಕುಮಾರ್ ಪಿಎಸ್ಐ ಆಯ್ಕೆಗೂ ಯಾವುದೇ ಸಂಬಂಧವಿಲ್ಲ. ನನ್ನ ಮಗ ಮನುಕುಮಾರ್ ತುಂಬಾ ಚೆನ್ನಾಗಿ ಓದುತ್ತಿದ್ದ. ಅವನು ಓದಿದ ಕಡೆಯೆಲ್ಲ ಹಲವು ಬಹುಮಾನ ತೆಗೆದುಕೊಂಡಿದ್ದ. ವಾಸು ಆತ್ಮಹತ್ಯೆಗೂ ಮನುಕುಮಾರ್ಗೂ ಸಂಬಂಧವಿಲ್ಲ. ನಾನು ಬಡವರು. ಒಂದು ಎಕರೆ ಜಮೀನಿದೆ. ಹೀಗಿರುವಾಗ ಹಣ ಕೊಟ್ಟು ಪಿಎಸ್ಐ ಕೆಸಲ ಪಡೆಯಲು ಹೇಗೆ ಸಾಧ್ಯ? ಪಿಎಸ್ಐ ಆಗಿ ಆಯ್ಕೆಯಾದ ಬಗ್ಗೆ ತಮ್ಮನನ್ನು ವಾಸು ಸರಿಯಾಗಿ ವಿಚಾರಿಸಿಯೂ ಇರಲಿಲ್ಲ. ಹೀಗಿರುವಾಗ ವಾಸು ಸಾವಿಗೂ, ಮನುಕುಮಾರ್ ಆಯ್ಕೆಗೂ ಸಂಬಂಧವೇನು? ನನ್ನ ಮಗ ಹಣ ಕೊಟ್ಟು ಖಂಡಿತ ಕೆಲಸ ಪಡೆದಿಲ್ಲ. ಆ ಶಕ್ತಿಯೂ ನಮಗಿಲ್ಲ ಎಂದು ಕಣ್ಣೀರಿಟ್ಟರು. ಮಗ ವಾಸು ಮತ್ತು ಸೊಸೆ ನಡುವೆ ಸಣ್ಣಪುಟ್ಟ ಜಗಳಗವಾಗಿತ್ತು. ಆದರೆ ಆತನ ಸಾವಿಗೆ ಕಾರಣ ಏನೆಂದು ತಿಳಿದಿಲ್ಲ ಎಂದರು. (ದಿಗ್ವಿಜಯ ನ್ಯೂಸ್, ಹಾಸನ)
