ಯೇಸುವಿಗೆ ಮಾನವೀಯತೆಗಿಂತ ಮಿಗಿಲಾದುದು ಕಟ್ಟಳೆ ಅಲ್ಲ ಎಂಬುದು ಸ್ಪಷ್ಟವಿತ್ತು. ಯೇಸು ಫರಿಸಾಯರಿಗೆ ಕೇಳುವ ಪ್ರಶ್ನೆಯೂ ಅತ್ಯಂತ ಸಮಂಜಸವಾದುದು: ಸಬ್ಬತ್ ದಿನದಂದು ನಿಮ್ಮ ಎತ್ತು ಅಥವಾ ನಿಮ್ಮ ಮಗು ಬಾವಿಗೆ ಬಿದ್ದರೆ, ಅದು ಸಬ್ಬತ್ ದಿನ ಅಂದ ಮಾತ್ರಕ್ಕೆ ನೀವು ಸುಮ್ಮನಿರುವಿರೇ? ಹಾಗೆ ಮಾಡಿದರೆ ನಿಮ್ಮ ಎತ್ತು ಅಥವಾ ನಿಮ್ಮ ಮಗು ಸಾಯುವುದಿಲ್ಲವೇ? ಆದರೂ ಆ ಸಂದರ್ಭದಲ್ಲಿ ಸಬ್ಬತ್ ನೀವು ಪಾಲಿಸಬೇಕಲ್ಲವೇ? ನಿಮಗೊಂದು ನ್ಯಾಯ ಇತರರಿಗೊಂದು ನ್ಯಾಯ ಯಾಕೆ? ಇತರರನ್ನು ಪ್ರತಿ ಸಂದಿಗ್ಧ ಸಂದರ್ಭದಲ್ಲೂ ನೀವು ಸಬ್ಬತ್ ಪಾಲಿಸಲು ಒತ್ತಡವನ್ನು ಹೇರುವಿರಾದರೆ, ನೀವು ಕೂಡ ಅದೇ ಪದ್ಧತಿಯನ್ನು ಪಾಲಿಸುವುದು ಸಾಧು ತಾನೇ? ಇಲ್ಲವಾದಲ್ಲಿ ನೀವು ಆಷಾಢಭೂತಿಗಳಾಗುವುದಿಲ್ಲವೇ? ಇಂಥ ಮಾರ್ವಿುಕ ಪ್ರಶ್ನೆಗಳಿಗೆ ಯಹೂದ್ಯ ಪುರೋಹಿತವರ್ಗದಲ್ಲಿ ಉತ್ತರವಿರಲಿಲ್ಲ.
