ಬೆಳ್ಳಂಬೆಳಗ್ಗೆ ಭೀಕರ ಅಪಘಾತ: ಶುಕ್ರವಾರದ ಸಂತೆಯಲ್ಲಿ ಕುರಿ ಮಾರಲೆಂದು ಹೋಗುತ್ತಿದ್ದ ತಂದೆ-ಮಗ ಸಾವು

ಕೋಲಾರ: ಮಾಲೂರು ತಾಲೂಕಿನ ಹುಳದೇನಹಳ್ಳಿ ಬಳಿ ಶುಕ್ರವಾರ ಬೆಳ್ಳಂಬೆಳಗ್ಗೆ ಗೂಡ್ಸ್​ ವಾಹನ ಮತ್ತು ಟ್ರ್ಯಾಕ್ಟರ್​ ನಡುವೆ ಭೀಕರ ಅಪಘಾತ ಸಂಭವಿಸಿದ್ದು, ತಂದೆ-ಮಗ ಸ್ಥಳದಲ್ಲೇ ದುರಂತ ಅಂತ್ಯ ಕಂಡಿದ್ದಾರೆ.

ಚಿಕ್ಕಬಳ್ಳಾಪುರ ಮೂಲದ ಹನುಮಂತು(45) ಮತ್ತು ಇವರ ಪುತ್ರ ಭುವನ್(12) ಮೃತ ದುರ್ದೈವಿಗಳು. 14 ವರ್ಷದ ಮತ್ತೊಬ್ಬ ಮಗ ಸೇರಿ ಮೂವರು ಪ್ರಾಣಾಪಯದಿಂದ ಪಾರಾಗಿದ್ದಾರೆ. ತಂದೆ-ಮಕ್ಕಳು ಕುರಿಗಳನ್ನು ಬಂಗಾರಪೇಟೆ ಶುಕ್ರವಾರದ ಸಂತೆಯಲ್ಲಿ ಮಾರಲೆಂದು ಗೂಡ್ಸ್​ ವಾಹನದಲ್ಲಿ ಹೋಗುತ್ತಿದ್ದರು.

ಬಂಗಾರಪೇಟೆ ಶುಕ್ರವಾರದ ಸಂತೆಗೆ ಹೋಗಲೆಂದು ಕುರಿಗಳ ಸಮೇತ ತೊರಹಳ್ಳಿಯ ಮಾವನ ಮನೆಗೆ ಬಂದಿದ್ದ ತಂದೆ-ಮಕ್ಕಳು ಇಂದು ಬೆಳಗ್ಗೆ ಸಂತೆಗೆ ತೆರಳುತ್ತಿದ್ದರು. ಮಾರ್ಗಮಧ್ಯೆ ಚಪ್ಪಡಿ ಕಲ್ಲು ತುಂಬಿಕೊಂಡು ಬರುತ್ತಿದ್ದ ಟ್ರ್ಯಾಕ್ಟರ್​ ಮತ್ತು ಕುರಿ ತುಂಬಿದ್ದ ಗೂಡ್ಸ್​ ವಾಹನದ ನಡುವೆ ಅಪಘಾತ ಸಂಭವಿಸಿದೆ. ಡಿಕ್ಕಿ ಹೊಡೆದ ರಭಸಕ್ಕೆ ವಾಹನದ ಮುಂಭಾಗ ಜಖಂಗೊಂಡಿವೆ. ಮಾಸ್ತಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/a-kerala-young-man-was-kidnapped-accusud-arrest-by-hassan-police/

https://www.vijayavani.net/a-dowry-casecomplaint-against-husband-and-father-in-law/

https://www.vijayavani.net/a-vijeta-anantakumar-said-jds-is-still-a-very-strong-political-force/

https://www.vijayavani.net/a-ks-eshwarappa-press-meet/