80 ಲಕ್ಷ ಸಿಮ್ ಲಕ್ಷಾಂತರ ನಂಬರ್ ಬಂದ್

ನವದೆಹಲಿ: ದೇಶದಲ್ಲಿ ಪಿಡುಗಾಗಿ ಹಬ್ಬುತ್ತಿರುವ ಸೈಬರ್ ಅಪರಾಧಗಳಿಗೆ ಕಡಿವಾಣ ಹೇರಲು ಸಂಕಲ್ಪ ಮಾಡಿರುವ ಕೇಂದ್ರ ಸರ್ಕಾರ, ಅದಕ್ಕಾಗಿ ಕಠಿಣ ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಇದುವರೆಗೆ ಅದು 80 ಲಕ್ಷಕ್ಕೂ ಅಧಿಕ ಸಿಮ್ ಕಾರ್ಡ್​ಗಳನ್ನು ನಿಷ್ಕ್ರಿಯಗೊಳಿಸಿದೆ ಮತ್ತು ಲಕ್ಷಾಂತರ ಮೊಬೈಲ್ ಸಂಖ್ಯೆಗಳನ್ನು ಬ್ಲಾಕ್ ಮಾಡಿದೆ.

ಸೈಬರ್ ಅಪರಾಧಗಳು ಮತ್ತು ವಂಚನೆಗಳು ತುಂಬಿರುವ ಜಗತ್ತಿನಲ್ಲಿ ಬಳಕೆದಾರರು ಸುರಕ್ಷಿತವಾಗಿ ರಲು ಇದು ನೆರವಾಗಲಿದೆ. ಹುಸಿ ದಾಖಲೆಪತ್ರಗಳನ್ನು ಹಾಜರುಪಡಿಸಿ ಪಡೆದ ಸಿಮ್ ಕಾರ್ಡ್​ಗಳನ್ನು ನಿಷ್ಕ್ರಿಯಗೊಳಿಸಲಾಗಿದೆ. ದೂರಸಂಪರ್ಕ ಇಲಾಖೆ (ಡಿಒಟಿ), ಕೃತಕ ಬುದ್ಧಿಮತ್ತೆ (ಎಐ) ಸಾಧನಗಳನ್ನು ಬಳಸಿ ನಕಲಿ ಸಿಮ್ ಕಾರ್ಡ್​ಗಳನ್ನು ಗುರುತಿಸಿದೆ ಹಾಗೂ ಕಾನೂನು ಬಾಹಿರ ಚಟುವಟಿಕೆಗಳಿಗೆ ಬಳಕೆಯಾಗದಂತೆ ಅಂಥ ಸಿಮ್​ಗಳನ್ನು ನಿಷ್ಕ್ರಿಯಗೊಳಿಸಿದೆ.

6.78 ಲಕ್ಷ ಸಂಖ್ಯೆ

ನಕಲಿ ಸಿಮ್ಳಲ್ಲದೆ, ಸೈಬರ್ ಅಪರಾಧಗಳಲ್ಲಿ ನೇರವಾಗಿ ಒಳಗೊಂಡಿರುವ 6.78 ಲಕ್ಷ ಮೊಬೈಲ್ ಸಂಖ್ಯೆಗಳನ್ನೂ ಸರ್ಕಾರ ಬ್ಲಾಕ್ ಮಾಡಿದೆ. ಡಿಜಿಟಲ್ ವಂಚನೆ ವಿರುದ್ಧದ ವಿಶಾಲ ಕಾರ್ಯಾಚರಣೆಯ ಭಾಗವಾಗಿ ಸರ್ಕಾರ ಈ ಕ್ರಮಗಳನ್ನು ಕೈಗೊಂಡಿದೆ. ಜನರಿಗೆ ಸುರಕ್ಷಿತ ದೂರಸಂಪರ್ಕ ಸೇವೆಗಳನ್ನು ಒದಗಿಸುವುದಕ್ಕೆ ಸರ್ಕಾರದ ಬದ್ಧತೆಯನ್ನು ಇದು ತೋರಿಸುತ್ತದೆ. ನಕಲಿ ದಾಖಲೆಪತ್ರಗಳನ್ನು ಬಳಸಿ ಮೊಬೈಲ್ ನಂಬರ್​ಗಳನ್ನು ಪತ್ತೆ ಮಾಡಲು ಡಿಒಟಿ ಎಐ ಆಧಾರಿತ ಸಾಧನಗಳನ್ನು ಬಳಸಿಕೊಂಡಿದೆ. ಇದರಿಂದ 78.33 ಲಕ್ಷ ನಕಲಿ ಮೊಬೈಲ್ ಸಂಖ್ಯೆಗಳನ್ನು ಗುರುತಿಸಲು ಸಾಧ್ಯವಾಗಿದ್ದು ಈಗ ಅವುಗಳನ್ನು ನಿಷ್ಕ್ರಿಯಗೊಳಿಸಲಾಗಿದೆ. ಇಲಾಖೆ ತನ್ನ ಅಧಿಕೃತ ಎಕ್ಸ್ ಖಾತೆಯಲ್ಲಿ ಈ ಮಾಹಿತಿಗಳನ್ನು ಹಂಚಿಕೊಂಡಿದೆ.

ವಾಟ್ಸಾಪ್ ವಿರುದ್ಧ ಕ್ರಮ

ಹಣಕಾಸು ವಂಚನೆ ಮತ್ತು ಡಿಜಿಟಲ್ ಹಗರಣ ಗಳಿಗೆ ದುರ್ಬಳಕೆ ಮಾಡಿಕೊಳ್ಳುತ್ತಿದ್ದ ಅನೇಕ ಅಂತಾರಾಷ್ಟ್ರೀಯ ವಾಟ್ಸಾಪ್ ಸಂಖ್ಯೆಗಳ ವಿರುದ್ಧವೂ ಕೇಂದ್ರ ಸರ್ಕಾರ ಕಠಿಣ ಕ್ರಮ ಕೈಗೊಂಡಿದೆ.

3,500 ಕೋಟಿ ರೂ. ರಕ್ಷಣೆ

ಸೈಬರ್​ಕ್ರೖೆಂ ಹೆಲ್ಪ್​ಲೈನ್ ಸಂಖ್ಯೆ 1930, ದೂರುಗಳನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಿದ್ದರಿಂದ 10 ಲಕ್ಷ ಜನರ 3,500 ಕೋಟಿ ರೂ.ಗಳನ್ನು ರಕ್ಷಿಸಲು ಸಾಧ್ಯವಾಗಿದೆ.

https://www.vijayavani.net/whale-swims-from-pacific-to-indian-ocean