40 ದಿನಗಳಲ್ಲಿ 1,338 ಕಿ.ಮೀ ಪ್ರಯಾಣ ಪೂರ್ಣಗೊಳಿಸಿ ಅಯೋಧ್ಯೆ ತಲುಪಿದ 73 ವರ್ಷದ ವೃದ್ಧ! Ayodhya

Ayodhya :  1990 ರಲ್ಲಿ ಹಿರಿಯ ಬಿಜೆಪಿ ನಾಯಕ ಎಲ್.ಕೆ. ಅಡ್ವಾಣಿ ನೇತೃತ್ವದಲ್ಲಿ ನಡೆದ ಸೋಮನಾಥ-ಅಯೋಧ್ಯಾ ರಥಯಾತ್ರೆಯ ಸಮಯದಲ್ಲಿ ತೆಗೆದುಕೊಂಡ ಪ್ರತಿಜ್ಞೆಯನ್ನು ಈಡೇರಿಸಲು ಮೆಹ್ಸಾನಾದ ಜಯಂತಿಲಾಲ್ ಹರ್ಜೀವಂದಾಸ್ ಪಟೇಲ್ 40 ದಿನಗಳ ಪಾದಯಾತ್ರೆಯ ನಂತರ ಅಯೋಧ್ಯೆಯನ್ನು ತಲುಪಿದ್ದಾರೆ. ಈ ಕುರಿತಾದ ಕೆಲವು ಫೋಟೋಗಳು ಸೋಶಿಯಲ್​​  ಮೀಡಿಯಾದಲ್ಲಿ ವೈರಲ್​​ ಆಗುತ್ತಿವೆ. 

ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಮಾಧ್ಯಮ ಕೇಂದ್ರ ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ, ಮೆಹ್ಸಾನಾ ಜಿಲ್ಲೆಯ ಮೋದಿಪುರ ಗ್ರಾಮದ ನಿವಾಸಿ ಜಯಂತಿಲಾಲ್ ಹರ್ಜೀವಂದಾಸ್ ಪಟೇಲ್ ಅವರು 1990 ರಲ್ಲಿ ಹಿರಿಯ ಬಿಜೆಪಿ ನಾಯಕ ಎಲ್.ಕೆ. ಅಡ್ವಾಣಿ ನೇತೃತ್ವದ ಸೋಮನಾಥ-ಅಯೋಧ್ಯ ರಥಯಾತ್ರೆಯ ಸಮಯದಲ್ಲಿ ತೆಗೆದುಕೊಂಡ ಪ್ರತಿಜ್ಞೆಯನ್ನು ತೆಗೆದುಕೊಂಡಿದ್ದರು. 

 ಇದನ್ನೂ ಓದಿ:  ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುವ 5 ಆಹಾರಗಳು ಯಾವವು ಗೊತ್ತಾ? cancer

ಪಟೇಲ್ ತಮ್ಮ ತವರು ರಾಜ್ಯ ಗುಜರಾತ್‌ನಲ್ಲಿಯೂ ಯಾತ್ರೆಯಲ್ಲಿ ಭಾಗವಹಿಸಿದ್ದರು. ಅವರು ಆಗಸ್ಟ್ 30 ರಂದು ತಮ್ಮ ಪ್ರಯಾಣವನ್ನು ಪ್ರಾರಂಭಿಸಿದರು. ಪ್ರತಿದಿನ 33 ರಿಂದ 35 ಕಿಲೋಮೀಟರ್ ನಡೆದುಕೊಂಡು ಹೋಗಿ ರಾತ್ರಿ ವಿಶ್ರಾಂತಿ ಪಡೆಯುತ್ತಿದ್ದರು, ದಾರಿಯುದ್ದಕ್ಕೂ ದೇವಾಲಯಗಳು, ಸಾರ್ವಜನಿಕ ಉದ್ಯಾನವನಗಳು ಮತ್ತು ಅತಿಥಿ ಗೃಹಗಳಲ್ಲಿ ತಂಗುತ್ತಿದ್ದರು. 

 40 ದಿನಗಳ ಪಾದಯಾತ್ರೆಯ  ಮೂಲಕವಾಗಿ 1,338 ಕಿ.ಮೀ ಪ್ರಯಾಣ ಪೂರ್ಣಗೊಳಿಸಿದ 73 ವರ್ಷದ ವೃದ್ಧ ಜಯಂತಿಲಾಲ್ ಹರ್ಜೀವಂದಾಸ್ ಪಟೇಲ್ ಅಯೋಧ್ಯೆಯನ್ನು ತಲುಪುವ ಮೂಲಕವಾಗಿ ಪಟೇಲ್ ತಮ್ಮ ದಶಕಗಳಷ್ಟು ಹಳೆಯದಾದ ಸಂಕಲ್ಪವನ್ನು ಈಡೇರಿಸಿಕೊಂಡಿದ್ದಾರೆ.

ಅಯೋಧ್ಯೆಯನ್ನು ತಲುಪಿದ ನಂತರ, ಅವರು ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರದ ಪ್ರಧಾನ ಕಾರ್ಯದರ್ಶಿ ಚಂಪತ್ ರಾಯ್ ಅವರನ್ನು ಭೇಟಿ ಮಾಡಲು ಕರಸೇವಕಪುರಂಗೆ ಭೇಟಿ ನೀಡಿದರು.  

https://www.vijayavani.net/woman-tortured-in-a-film-on-the-pretext-of-exorcism-in-ujjain