ರಷ್ಯಾ ಕಚ್ಚಾತೈಲ ಬ್ಯಾರೆಲ್​ಗೆ 70 ಡಾಲರ್​

ಕಿಯೆವ್​/ಮಾಸ್ಕೋ: ಭಾರತಕ್ಕೆ ಕಚ್ಚಾತೈಲವನ್ನು ಪ್ರತಿ ಬ್ಯಾರೆಲ್​ಗೆ 70 ಡಾಲರ್​ಗೂ ಕಡಿಮೆ ಬೆಲೆಯಲ್ಲಿ ಪೂರೈಸಲು ರಷ್ಯಾ ಮುಂದಾಗಿದೆ. ಇನ್ನೊಂದೆಡೆ ರಷ್ಯಾದ ಕಚ್ಚಾತೈಲ ಆಮದನ್ನು ಹಂತ ಹಂತವಾಗಿ ನಿಷೇಧಿಸುವುದಕ್ಕೆ ಯುರೋಪ್​ ರಾಷ್ಟ್ರಗಳು ಯೋಜನೆ ರೂಪಿಸಿವೆ.

ರಷ್ಯಾ ಮತ್ತು ಭಾರತದ ತೈಲ ಕಂಪನಿಗಳು ಈ ಸಂಬಂಧ ೆಬ್ರವರಿಯ ಕೊನೆಯ ಭಾಗದಲ್ಲಿ ಮಾತುಕತೆ ನಡೆಸಿದ್ದು, 40 ದಶಲಕ್ಷ ಬ್ಯಾರೆಲ್​ಗಿಂತ ಹೆಚ್ಚು ತೈಲ ಖರೀದಿಗೆ ಒಪ್ಪಂದ ಮಾಡಿಕೊಂಡಿವೆ. ರಷ್ಯಾದಿಂದ ಅತಿ ಹೆಚ್ಚು ವಿನಾಯಿತಿ ದರದಲ್ಲಿ ತೈಲ ಖರೀದಿಸಲು ಭಾರತ ಪ್ರಯತ್ನಿಸುತ್ತಿದೆ. ಒಪೆಕ್​ ಹಾಗೂ ತೈಲ ಉತ್ಪಾದಕ ರಾಷ್ಟ್ರಗಳ ಜತೆಗಿನ ವಹಿವಾಟಿನ ಅಪಾಯವನ್ನು ಮನಗಂಡು ಭಾರತದ ಕಂಪನಿಗಳು ಈ ಕ್ರಮಕ್ಕೆ ಮುಂದಾಗಿವೆ. ಜಾಗತಿಕವಾಗಿ ಪ್ರತಿ ಬ್ಯಾರೆಲ್​ ಕಚ್ಚಾ ತೈಲ ದರ 105 ಡಾಲರ್​ ಆಸುಪಾಸಿನಲ್ಲಿದೆ. ಭಾರತವು ತನ್ನ ತೈಲ ಬೇಡಿಕೆ ಪೂರೈಸಿಕೊಳ್ಳಲು ಶೇಕಡ 85ರಷ್ಟು ಆಮದು ಮಾಡಿಕೊಳ್ಳುತ್ತದೆ. ಇದರಲ್ಲಿ ಸಣ್ಣ ಪಾಲನ್ನು ರಷ್ಯಾದಿಂದ ಖರೀದಿಸಲಾಗುತ್ತಿದೆ. ರಷ್ಯಾಕ್ಕೆ ಆದಾಯ ತಂದುಕೊಡುವ ಪ್ರಮುಖ ಮೂಲವಾಗಿ ಕಚ್ಚಾ ತೈಲ ರೂಪುಗೊಂಡಿದೆ. ಯುರೋಪ್​ ರಾಷ್ಟ್ರಗಳ ರ್ನಿಬಂಧ ಕಾರಣ ತೈಲ ರ್ತು ಪ್ರಮಾಣ ರಷ್ಯಾದಲ್ಲಿ ಶೇಕಡ 17 ಕುಸಿತ ಕಂಡಿದೆ. ಭಾರತದ ಸರ್ಕಾರಿ ಸ್ವಾಮ್ಯದ ತೈಲ ಕಂಪನಿಗಳು ತಿಂಗಳಿಗೆ 15 ದಶಲಕ್ಷ ಬ್ಯಾರೆಲ್​ ಖರೀದಿಸುತ್ತಿವೆ. ಭಾರತದ ಕಂಪನಿಗಳು ಕೇಳುತ್ತಿರುವ ಬೆಲೆಗೆ ಕಚ್ಚಾ ತೈಲ ಒದಗಿಸಲು ರಷ್ಯಾ ಕಂಪನಿ ಒಪ್ಪಿದರೆ ಶ್ರೀಘ್ರವೇ ಇದು ಭಾರತಕ್ಕೆ ತಲುಪಲಿದೆ.

ಯುರೋಪ್​ ರ್ನಿಬಂಧ ಕ್ರಮ: ರಷ್ಯಾದಿಂದ ಕಚ್ಚಾತೈಲ ಆಮದನ್ನು ಹಂತ ಹಂತವಾಗಿ ನಿಷೇಧಿಸುವ ಯೋಜನೆಯನ್ನು ಸಿದ್ಧಪಡಿಸಲಾಗಿದ್ದು, ಯುರೋಪ್​ನ 27 ರಾಷ್ಟ್ರಗಳು ಅದಕ್ಕೆ ಒಪ್ಪಿಗೆ ಸೂಚಿಸಿವೆ. ಯೂಕ್ರೇನ್​ ಮೇಲೆ ರಷ್ಯಾ ಸಮರ ಸಾರಿದ್ದನ್ನು ತಡೆಯಲು ಈ ಉಪಕ್ರಮ ತೆಗೆದುಕೊಳ್ಳುತ್ತಿರುವುದಾಗಿ ಯುರೋಪ್​ ಹೇಳಿದೆ. ಈ ಯೋಜನೆಯನ್ನು ಎಲ್ಲ ಸರ್ಕಾರಗಳು ಒಪ್ಪಿಕೊಂಡರೆ ಜಗತ್ತಿನ ಅತಿದೊಡ್ಡ ಗಾತ್ರದ ರ್ನಿಬಂಧ ರಷ್ಯಾ ಮೇಲೆ ಜಾರಿ ಆಗಲಿದೆ. ಇಂಧನ ಕ್ಷೇತ್ರದ ಮಟ್ಟಿಗೆ ಇದು ದೊಡ್ಡದಾಗಿದ್ದು, ದಾಖಲೆ ಬರೆಯಲಿದೆ. ಬುಧವಾರ ಬ್ರೆಂಟ್​ ಕಚ್ಚಾ ತೈಲ ದರ ಪ್ರತಿ ಬ್ಯಾರೆಲ್​ಗೆ ಶೇಕಡ 2 ಏರಿಕೆ ಆಗಿದ್ದು 107.11 ಡಾಲರ್​ ಆಗಿದೆ.ಕಳೆದ ಒಂದು ವರ್ಷದ ಅವಧಿಯಲ್ಲಿ ಶೇಕಡ 37.5 ಬೆಲೆ ಏರಿದಂತಾಗಿದೆ.

1 ಲಕ್ಷ ಟನ್​ ಆಹಾರ ಲೂಟಿ

ಯೂಕ್ರೇನ್​ ಮೇಲೆ ದಾಳಿ ಮಾಡುತ್ತಿರುವ ರಷ್ಯಾ, ಕಳೆದ ಎರಡು ವರ್ಷದ ಅವಧಿಯಲ್ಲಿ ಲುಹಾನ್​ಸ್ಕ್​ ಪ್ರಾಂತ್ಯದಿಂದ 1 ಲಕ್ಷ ಟನ್​ ಆಹಾರ ಧಾನ್ಯವನ್ನು ಕೊಳ್ಳೆ ಹೊಡೆದಿದೆ. ಲುಹಾನ್​ಸ್ಕ್​ ಪ್ರಾಂತ್ಯದಲ್ಲಿ ರಷ್ಯನ್ನರು ಅತಿಕ್ರಮಣ ಮಾಡಿದ್ದು, ಕೃಷಿ ಭೂಮಿಯಲ್ಲಿ ಹೊಸ ಬಿತ್ತನೆ ಮಾಡಿಲ್ಲ ಎಂದು ಸೆಂಟರ್​ ಾರ್​ ಸಿವಿಲ್​ ಲಿರ್ಬಟೀಸ್​ನ ಮುಖ್ಯಸ್ಥರಾದ ಒಲೆಕ್ಸಾಂಡ್ರಾ ಮಾಟ್​ವಿಚುಕ್​ ಆರೋಪಿಸಿದ್ದಾರೆ.