ಬ್ಯಾನ್ ಮಾಡಿದ್ದ ಸಿಬಿಐ: ಸಿಬಿಐ ಅಧಿಕಾರಿಗಳು 2019 ಮಾರ್ಚ್ನಲ್ಲಿ ಕಾರ್ವಿ ಗ್ರೂಪ್ಅನ್ನು ಬ್ಯಾನ್ ಮಾಡಿದ್ದರು. ಇದಾದ ಬಳಿಕ ಗ್ರಾಹಕರು ಹೂಡಿಕೆ ಮಾಡಿದ ಹಣ ಹಾಗೂ ಬ್ಯಾಂಕ್ಗಳಲ್ಲಿ ಪಡೆದ ಸಾಲ ಹಿಂತಿರುಗಿಸಲು ಕಂಪನಿ ಸಮಯಾವಕಾಶ ಕೇಳಿತ್ತು. ಆದರೆ, ಸೂಕ್ತ ಸಮಯವಕಾಶದ ಒಳಗೆ ಬ್ಯಾಂಕ್ಗೆ ಸಾಲ ಮರುಪಾವತಿಸದ ಹಿನ್ನೆಲೆಯಲ್ಲಿ ಬ್ಯಾಂಕ್, ಹೈದ್ರಾಬಾದ್ನಲ್ಲಿ ಕಂಪನಿ ವಿರುದ್ಧ ದೂರು ನೀಡಿತ್ತು. ಕಾರ್ವಿ ಸ್ಟಾಕ್ ಬ್ರೋಕಿಂಗ್ ಲಿ. ದೇಶಾದ್ಯಂತ 250ಕ್ಕೂ ಹೆಚ್ಚು ಶಾಖೆಗಳನ್ನು ಹೊಂದಿದೆ. ಕಂಪನಿಯ ಮುಖ್ಯಸ್ಥ ಪಾರ್ಥಸಾರಥಿಯನ್ನು ಹೈದರಾಬಾದ್ ಪೊಲೀಸರು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ. ಕಾರ್ವಿ ಸ್ಟಾಕ್ ಬ್ರೋಕಿಂಗ್ ಲಿ.ಕಂಪನಿಯು ಬೆಂಗಳೂರಿನಲ್ಲಿ 11 ಬ್ರಾ್ಯಂಚ್ ಹೊಂದಿತ್ತು. ಕರ್ನಾಟಕದ ಹಲವಾರು ಜಿಲ್ಲೆಗಳಲ್ಲಿ ಕಂಪನಿ ಶಾಖೆಗಳನ್ನು ಹೊಂದಿತ್ತು. ಬ್ಯಾನ್ ಆದ ಬಳಿಕ ಬಸವನಗುಡಿಯಲ್ಲಿ 1 ಶಾಖೆ ಮಾತ್ರ ಇತ್ತು ಎನ್ನಲಾಗಿದೆ.
