ಕೋವಿಡ್ ನಿಯಮ ಮರೆತು ಮಧ್ಯರಾತ್ರಿ ಪಾರ್ಟಿ! 37 ಜನರ ಬಂಧನ

ಕೊಲ್ಕತ : ಪಶ್ಚಿಮ ಬಂಗಾಳದ ರಾಜಧಾನಿ ಕೊಲ್ಕತದಲ್ಲಿ, ಕೋವಿಡ್​ ನಿಯಮಾವಳಿಗಳನ್ನು ಗಾಳಿಗೆ ತೂರಿ ಫೈವ್​ ಸ್ಟಾರ್ ಹೋಟೆಲ್​ನಲ್ಲಿ ಪಾರ್ಟಿ ಮಾಡುತ್ತಿದ್ದ 37 ಜನರನ್ನು ಪೊಲೀಸರು ಬಂಧಿಸಿದ್ದಾರೆ.

ರಾಜ್ಯದಲ್ಲಿ ರಾತ್ರಿ 9 ಗಂಟೆಯಿಂದ ಬೆಳಗಿನ ಜಾವ 5 ಗಂಟೆವರೆಗೆ ಜನಸಂಚಾರ ಮತ್ತು ಹೊರಾಂಗಣ ಚಟುವಟಿಕೆಗಳ ಮೇಲೆ ನಿರ್ಬಂಧ ಚಾಲ್ತಿಯಲ್ಲಿದೆ. ಆದರೆ, ಬಂಧಿತರು ಮಧ್ಯರಾತ್ರಿಯ ವೇಳೆ ದ ಪಾರ್ಕ್​ ಎಂಬ ಫೈವ್​ ಸ್ಟಾರ್​ ಹೋಟೆಲ್​ನ ಎರಡನೇ ಮತ್ತು ಮೂರನೇ ಮಹಡಿಗಳಲ್ಲಿ ಡಿಜೆ ಸಂಗೀತದೊಂದಿಗೆ ಪಾರ್ಟಿ ಮಾಡುತ್ತಿದ್ದರು ಎನ್ನಲಾಗಿದೆ.

ಇದನ್ನೂ ಓದಿ: ಜನಸಂಖ್ಯೆ ನಿಯಂತ್ರಿಸಲು ಸಜ್ಜಾಯ್ತು ಈ ರಾಜ್ಯ! 2026 ರೊಳಗೆ ಜನನ ದರ ಇಳಿಸುವ ಗುರಿ

ಮಧ್ಯರಾತ್ರಿ 1.15 ಕ್ಕೆ ಕೊಲ್ಕತ ಪೊಲೀಸರು ನಡೆಸಿದ ದಾಳಿಯಲ್ಲಿ 37 ಜನರನ್ನು ಬಂಧಿಸಲಾಗಿದೆ. ಎರಡು ಕಾರುಗಳನ್ನು ಜಪ್ತಿಪಡಿಸಿಕೊಳ್ಳಲಾಗಿದೆ. ಪಾರ್ಟಿಯ ಸ್ಥಳದಿಂದ ಗಾಂಜಾ, ಮದ್ಯದ ಬಾಟಲಿಗಳು ಮತ್ತು ಅತಿಥಿಗಳ ಪಟ್ಟಿ ಮುಂತಾದವನ್ನು ವಶ ಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/tourists-head-to-explore-dodda-alada-mara/

https://www.vijayavani.net/thief-targets-twowheelers-parked-in-front-of-houses-caught/