ಒಡಿಶಾದ ಬೋಲಂಗಿರ್ನಲ್ಲಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಮುಖ್ಯ ಶಾಖೆಯಲ್ಲಿ ನಗದು ಎಣಿಕೆ ನಡೆಯುತ್ತಿದೆ. ಭಾನುವಾರ ಬೆಳಗ್ಗೆ ಎಸ್ಬಿಐನ ಪ್ರಾದೇಶಿಕ ವ್ಯವಸ್ಥಾಪಕ ಭಗತ್ ಬೆಹೆರಾ ನೇತೃತ್ವ ತಂಡ 176 ಬ್ಯಾಗ್ಗಳಲ್ಲಿನ ನಗದು ಎಣಿಕೆ ಕಾರ್ಯ ಆರಂಭಿಸಿದೆ. ಅವುಗಳಲ್ಲಿ 140 ಬ್ಯಾಗ್ ನಗದನ್ನು ಎಣಿಸಲಾಗಿದೆ. ಬ್ಯಾಂಕಿನ 50 ಅಧಿಕಾರಿಗಳು, 25 ಯಂತ್ರಗಳನ್ನು ಬಳಸಿ ನಗದು ಎಣಿಕೆ ಮಾಡಲಾಗುತ್ತಿದೆ. ಬೌದ್ ಡಿಸ್ಟಿಲರಿ ಪ್ರೖೆವೇಟ್ ಲಿಮಿಟೆಡ್, ಅದರ ಪ್ರವರ್ತಕರು ಮತ್ತು ಇತರರ ವಿರುದ್ಧ ಆದಾಯ ತೆರಿಗೆ ದಾಳಿ ಐದನೇ ದಿನ ಪೂರೈಸಿದೆ. ತೆರಿಗೆ ವಂಚನೆ ಆರೋಪದ ಮೇಲೆ ಡಿ. 6ರಂದು ದಾಳಿ ಆರಂಭಿಸಲಾಗಿತ್ತು. ರಾಂಚಿ ಮತ್ತು ಇತರ ಸ್ಥಳಗಳಲ್ಲಿ ಧೀರಜ್ ಸಾಹುಗೆ ಸಂಬಂಧಿಸಿದ ಸ್ಥಳಗಳಲ್ಲಿ ಸಹ ಶೋಧ ಕಾರ್ಯ ನಡೆಯುತ್ತಿದೆ. ಸಂಸದ ಸಾಹು ಮನೆಯಲ್ಲಿ ಏನೇನು ಪತ್ತೆಯಾಗಿದೆ ಎಂಬುದು ಈವರೆಗೆ ಸ್ಪಷ್ಟವಾಗಿಲ್ಲ.
