250 ಮಿಲಿಯನ್ ಜಿಮೇಲ್ ಖಾತೆಗಳಿಗೆ ಅಪಾಯ; ಜಿಮೇಲ್ ಬಳಕೆದಾರರಿಗೆ ಎಚ್ಚರಿಕೆ ನೀಡಿದ ಗೂಗಲ್| Google Alert

Google Alert: ವಿಶ್ವದಾದ್ಯಂತ ತನ್ನ ಜಿಮೇಲ್​​ ಬಳಕೆದಾರರಿಗೆ ಎಚ್ಚರಿಕೆ ನೀಡಿರುವ ಗೂಗಲ್, 250 ಮಿಲಿಯನ್ ಜಿಮೇಲ್ ಖಾತೆಗಳು ಅಪಾಯದಲ್ಲಿದ್ದು, ಹ್ಯಾಕರ್​​ಗಳ ದಾಳಿಯಿಂದ ಜಾಗರೂಕರಾಗಿರುವಂತೆ ಸೂಚಿಸಿದೆ. ತಮ್ಮ ಖಾತೆಗಳ ಸುರಕ್ಷತೆಯನ್ನು ಹೆಚ್ಚಿಸಲು ತಕ್ಷಣವೇ ಪಾಸ್​ವರ್ಡ್ ಚೇಂಜ್ ಮಾಡುವಂತೆ ಸೂಚನೆ ನೀಡಿದೆ.

ಜೊತೆಗೆ ಎರಡು-ಹಂತದ ಪರಿಶೀಲನೆಯನ್ನು (2SV) ಸಕ್ರಿಯಗೊಳಿಸಲು ಒತ್ತಾಯಿಸಿದೆ. ಸೈಬರ್ ದಾಳಿಯ ಸಂಖ್ಯೆಯಲ್ಲಿ ಗಣನೀವಾಗಿ ಹೆಚ್ಚಳವಾದ ಹಿನ್ನೆಲೆಯಲ್ಲಿ ಈ ಎಚ್ಚರಿಕೆಯನ್ನು ನೀಡಲಾಗಿದೆ ಎಂದು ಕಂಪನಿ ಸ್ಪಷ್ಟಪಡಿಸಿದೆ.

ಈ ಕುರಿತು ಮಾಹಿತಿ ನೀಡಿರುವ ಗೂಗಲ್, ಶೈನಿಹಂಟರ್ಸ್ ಎಂಬ ಅಂತರರಾಷ್ಟ್ರೀಯ ಹ್ಯಾಕರ್ ಗುಂಪು ಈ ದಾಳಿಗಳ ಹಿಂದೆ ಇದೆ ಎಂದು ಶಂಕಿಸಿದೆ. 2020 ರಿಂದ ಸಕ್ರಿಯವಾಗಿರುವ ಈ ಗುಂಪು AT & T, ಮೈಕ್ರೋಸಾಫ್ಟ್, ಸ್ಯಾಂಟ್ಯಾಂಡರ್ ಮತ್ತು ಟಿಕೆಟ್‌ಮಾಸ್ಟರ್‌ನಂತಹ ಕಂಪನಿಗಳ ಡೇಟಾ ಕದಿಯುವುದರಲ್ಲಿ ಭಾಗಿಯಾಗಿದೆ. ಬಳಕೆದಾರರನ್ನು ನಕಲಿ ಲಾಗಿನ್ ಪುಟಗಳಿಗೆ ಲಾಗಿನ್ ಮಾಡಿಸಿ ಪಾಸ್‌ವರ್ಡ್‌ಗಳು ಮತ್ತು ಭದ್ರತಾ ಕೋಡ್‌ಗಳನ್ನು ಕದಿಯಲು ಫಿಶಿಂಗ್ ಅನ್ನು ಬಳಸುತ್ತಾರೆ ಎಂದು ಹೇಳಿದೆ.

ಇದನ್ನೂ ಓದಿ: ಲಿವ್​-ಇನ್ ರಿಲೇಷನ್​ಶಿಪ್​ ಕಿರಿಕಿರಿ! ಅದೊಂದು ಕಾರಣಕ್ಕೆ ಸಿಟ್ಟು, ಮಾಜಿ ಪ್ರೇಯಸಿಗೆ ಬೆಂಕಿಯಿಟ್ಟ ಕ್ಯಾಬ್​ ಚಾಲಕ | Live-In-Partner

ಜೂನ್‌ನಲ್ಲಿ ಗೂಗಲ್ ತನ್ನ ಬ್ಲಾಗ್ ಪೋಸ್ಟ್‌ನಲ್ಲಿ, ಶೈನಿಹಂಟರ್ಸ್ ಗುಂಪು ಹೊಸ ಡೇಟಾ ಸೋರಿಕೆ ವೇದಿಕೆಯನ್ನು ಪ್ರಾರಂಭಿಸಲು ಪ್ರಯತ್ನಿಸುತ್ತಿದೆ. ಇದು ಹೆಚ್ಚಿನ ಡೇಟಾ ಉಲ್ಲಂಘನೆಗೆ ಕಾರಣವಾಗಬಹುದು ಎಂದು ಎಚ್ಚರಿಸಿತ್ತು. ಆಗಸ್ಟ್ 8 ರಂದು ಈ ಕುರಿತು ಬಾಧಿತ ಗ್ರಾಹಕರಿಗೆ ತಮ್ಮ ಭದ್ರತಾ ಸೆಟ್ಟಿಂಗ್‌ಗಳನ್ನು ತಕ್ಷಣ ನವೀಕರಿಸಲು ಸಲಹೆ ನೀಡುವ ವಿಶೇಷ ಇಮೇಲ್‌ಗಳನ್ನು ಕಳುಹಿಸಿದೆ.

ಎರಡು ಹಂತದ ಪರಿಶೀಲನೆ (2SV) ಏಕೆ?

ಗೂಗಲ್‌ನ ಎಚ್ಚರಿಕೆಯ ಪ್ರಕಾರ ಟೂ-ಸ್ಟೆಪ್ ವೆರಿಫಿಕೇಷನ್ (2SV) ಅನ್ನು ಸಕ್ರಿಯಗೊಳಿಸುವುದರಿಂದ ಇಮೇಲ್ ಖಾತೆಗೆ ಹೆಚ್ಚುವರಿ ರಕ್ಷಣೆ ದೊರೆಯುತ್ತದೆ. ಹ್ಯಾಕರ್‌ಗಳು ನಿಮ್ಮ ಪಾಸ್‌ವರ್ಡ್ ತಿಳಿದಿದ್ದರೂ, ಸೆಕ್ಯೂರಿಟಿ ಕೋಡ್ ಇಲ್ಲದೆ ಖಾತೆಗೆ ಲಾಗಿನ್ ಆಗುವುದು ಅಸಾಧ್ಯವಾಗುತ್ತದೆ. ಈ ಕೋಡ್ ಸಾಮಾನ್ಯವಾಗಿ ನಿಮ್ಮ ಮೊಬೈಲ್ ಅಥವಾ ವಿಶ್ವಾಸಾರ್ಹ ಡಿವೈಸ್‌ಗೆ ಕಳುಹಿಸಲಾಗುತ್ತದೆ.

ಯುಕೆಯ ಆಕ್ಷನ್ ಫ್ರಾಡ್ ಪ್ರಕಾರ, 2SV ಸಕ್ರಿಯಗೊಳಿಸಿದರೆ ಹ್ಯಾ ಕರ್‌ಗಳಿಗೆ ನಿಮ್ಮ ಖಾತೆಗೆ ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ. ಕೆಲವೇ ನಿಮಿಷಗಳಲ್ಲಿ ಪೂರ್ಣಗೊಳ್ಳುವ ಈ ಸರಳ ಕ್ರಮವು ನಿಮ್ಮ ಇಮೇಲ್ ಖಾತೆಯನ್ನು ಸುರಕ್ಷಿತವಾಗಿಡುತ್ತದೆ.

ಇದು ಕೇವಲ ಜಿಮೇಲ್‌ಗೆ ಮಾತ್ರ ಸೀಮಿತವಲ್ಲ, ಬ್ಯಾಂಕಿಂಗ್, ಆನ್‌ಲೈನ್ ಶಾಪಿಂಗ್, ಸೋಷಿಯಲ್ ಮೀಡಿಯಾ ಖಾತೆಗಳಂತಹ ಎಲ್ಲಾ ಪ್ರಮುಖ ಸೇವೆಗಳಲ್ಲಿಯೂ ಟೂ-ಫ್ಯಾಕ್ಟರ್ ಆಥೆಂಟಿಕೇಷನ್ (2FA) ಅಥವಾ ಮಲ್ಟಿ-ಫ್ಯಾಕ್ಟರ್ ಆಥೆಂಟಿಕೇಷನ್ (MFA) ಲಭ್ಯವಿದೆ ಎಂದು ತಜ್ಞರು ಸೂಚಿಸುತ್ತಾರೆ. (ಏಜೆನ್ಸೀಸ್)

https://www.vijayavani.net/idiots-dont-understand-phrases-mahua-moitra-tong-to-bjp-leaders