ಜಿಎಸ್​ಟಿ ಫೇಕ್ ಇನ್ವಾಯ್ಸ್ 350 ಕೇಸ್ - 25 ಜನರ ಬಂಧನ

ನವದೆಹಲಿ: ಒಂದು ದೇಶ ಒಂದು ತೆರಿಗೆ ಖ್ಯಾತಿಯ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್​ಟಿ)ಯ ವ್ಯವಸ್ಥೆಯಲ್ಲಿ ಫೇಕ್ ಇನ್ವಾಯ್ಸ್ ಮೂಲಕ ತೆರಿಗೆ ವಂಚಿಸುವ ಪ್ಯಯತ್ನ ನಡೆಯುತ್ತಿದೆ. ಇತ್ತೀಚೆಗೆ ಇಂತಹ 350 ಕೇಸ್​ಗಳನ್ನು ತೆರಿಗೆ ವಂಚನೆ ವ್ಯಾಪ್ತಿಯಲ್ಲಿ ದಾಖಲಿಸಿಕೊಳ್ಳಲಾಗಿದ್ದು, 25 ಜನರನ್ನು ಬಂಧಿಸಲಾಗಿದೆ ಎಂದು ಡೈರೆಕ್ಟೋರೇಟ್ ಜನರಲ್ ಆಫ್ ಜಿಎಸ್​ಟಿ ಇಂಟೆಲಿಜೆನ್ಸ್ (ಡಿಜಿಜಿಐ ) ಮೂಲಗಳು ತಿಳಿಸಿವೆ.

ಜಿಎಸ್​ಟಿ, ಆದಾಯ ತೆರಿಗೆ ವಂಚಿಸುವ ಮೂಲಕ ಕಂಪನಿಯ ಹಣವನ್ನು ಬೇರೆ ಉದ್ದೇಶಗಳಿಗೆ ಬಳಸಿಕೊಳ್ಳುವುದಕ್ಕಾಗಿ ಫೇಕ್ ಇನ್ವಾಯ್ಸ್ ಗಳನ್ನು ಸೃಷ್ಟಿಸಲಾಗುತ್ತಿದೆ. ಅಷ್ಟೇ ಅಲ್ಲ ಇವುಗಳನ್ನು ಲೆಕ್ಕ ಪುಸ್ತಕದಲ್ಲಿನ ದತ್ತಾಂಶ ಹೆಚ್ಚಿಸಲು, ಬ್ಯಾಂಕುಗಳಿಂದ ಸಾಲ ಪಡೆಯುವುದಕ್ಕೆ ಅದೇ ರೀತಿ ಹಣವನ್ನು ಬೇರೆಡೆ ವರ್ಗಾಯಿಸುವುದಕ್ಕೆ, ರಫ್ತುದಾರರು ಜಿಎಸ್​ಟಿ ರೀಫಂಡ್ ಪಡೆಯಲು ಬಳಸುತ್ತಿರುವುದು ಬೆಳಕಿಗೆ ಬಂದಿದೆ. 1,100ಕ್ಕೂ ಹೆಚ್ಚು ಸಂಸ್ಥೆಗಳು ಈ ರೀತಿ ಅಕ್ರಮ ತೋರಿವೆ.

ಇದನ್ನೂ ಓದಿ: ತನ್ನ ಮೊಮ್ಮಗಳಿಗೆ ತಾನೇ ಜನ್ಮ ನೀಡಿದ 51 ವರ್ಷದ ಮಹಿಳೆ: ವಿರಳ ಘಟನೆ ಹಿಂದಿದೆ ಮನಕಲಕುವ ಕತೆ!

ತೆರಿಗೆ ಪಾವತಿ ದಾಖಲಾತಿಯಲ್ಲಿ ವ್ಯತ್ಯಾಸ ಕಂಡು ಬಂದ ಕಾರಣ ಸರ್ಕಾರ ಹೊಸ ಜಿಎಸ್​ಟಿ ನೋಂದಣಿ ನಿಯಮವನ್ನು ಬಿಗಿಗೊಳಿಸಿದೆ. ಹೊಸ ಪರಿಷ್ಕೃತ ನಿಯಮಗಳೂ ಜಾರಿಗೆ ಬಂದಿರುವ ಕಾರಣ ತೆರಿಗೆ ವಂಚನೆ ಸುಲಭವಿಲ್ಲ. ಎಲ್ಲ ಹಣಕಾಸಿನ ವಹಿವಾಟುಗಳನ್ನೂ ಜಿಎಸ್​ಟಿ ನೋಂದಣಿ ಸಂಖ್ಯೆಯನ್ನು ಉಲ್ಲೇಖಿಸಿಯೇ ಮಾಡಬೇಕು. ಅಕ್ಟೋಬರ್ 1 ರಿಂದ ಅನ್ವಯವಾಗುವಂತೆ 500 ಕೋಟಿ ರೂಪಾಯಿಗೂ ಅಧಿಕ ವಹಿವಾಟಿನ ವ್ಯಾಪಾರೋದ್ಯಮಗಳು ಇ-ಇನ್ವಾಯಿಸ್ ಅಳವಡಿಸಿಕೊಳ್ಳಬೇಕಾದ್ದನ್ನು ಸರ್ಕಾರ ಕಡ್ಡಾಯಗೊಳಿಸಿದೆ. (ಏಜೆನ್ಸೀಸ್)

https://www.vijayavani.net/one-person-can-order-aadhaar-pvc-cards-online-for-whole-family-using-his-mobile-number/