ಇರಾಕ್​ನ ಯುಎಸ್​ ಏರ್​ಬೇಸ್​, ರಾಯಭಾರ ಕಚೇರಿ ಮೇಲೆ ರಾಕೆಟ್​ ದಾಳಿ

ಬಾಗ್ದಾದ್​: ಇರಾಕ್​ನಲ್ಲಿರೋ ಯುಎಸ್​ ಏರ್​ ಬೇಸ್​ ಮೇಲೆ ರಾಕೆಟ್ ದಾಳಿ ನಡೆದಿದ್ದು, ರಾಯಭಾರ ಕಚೇರಿ ಸಮೀಪ ಮಾರ್ಟರ್​ ರೌಂಡ್ಸ್​ ಬಿದ್ದಿರುವುದಾಗಿ ಶನಿವಾರ ವರದಿಯಾಗಿದೆ.

ಇರಾಕ್​ ರಾಜಧಾನಿ ಬಾಗ್ದಾದ್​ನ್​ ಗ್ರೀನ್​ಜೋನ್​ನಲ್ಲಿರುವ ಅಮೆರಿಕ ರಾಯಭಾರ ಕಚೇರಿ ಬಳಿ ಶನಿವಾರ ಸಂಜೆ ಮಾರ್ಟರ್​ ರೌಂಡ್ಸ್​ ದಾಳಿ ನಡೆದಿದ್ದು, ಒಂದು ಕ್ಷಿಪಣಿ ಕಚೇರಿಯ ಒಳಗೆ ಬಿದ್ದಿದ್ದರೆ ಮತ್ತೊಂದು ಸಮೀಪ ಬಿದ್ದಿದೆ ಎಂದು ಇರಾಕ್​ ಮಿಲಿಟರಿ ಮೂಲಗಳು ತಿಳಿಸಿವೆ.

ಒಂದು ಜೋಡಿ ಕತ್ಯುಶಾ ರಾಕೆಟ್​ ಬಾಗ್ದಾದ್​ ಉತ್ತರ ಭಾಗದಲ್ಲಿರುವ ಅಮೆರಿಕ ಸೇನೆಯ ಬಲಾಡ್ ಏರಬೇಸ್ ಮೇಲೆ ದಾಳಿ ನಡೆಸಿರುವುದಾಗಿಯೂ ಇರಾಕ್​ ಸೇನಾ ಮೂಲಗಳು ತಿಳಿಸಿದ್ದು, ಸಾವು ನೋವಿನ ಬಗ್ಗೆ ಈವರೆಗೂ ಯಾವುದೇ ಮಾಹಿತಿ ತಿಳಿದುಬಂದಿಲ್ಲ.

ಇರಾನ್​ನ​ ಬಾಗ್ದಾದ್​ ಏರ್​ಪೋರ್ಟ್​ನಲ್ಲಿ ಶುಕ್ರವಾರ ಅಮೆರಿಕ ಸೇನಾ ನಡೆಸಿದ ವೈಮಾನಿಕ ದಾಳಿಯಲ್ಲಿ ಇರಾನ್​ನ ಪ್ರಮುಖ ಕ್ಯೂಡ್ಸ್​ ಪೋರ್ಸ್​ನ ಮುಖ್ಯಸ್ಥ ಜನರಲ್​ ಕಾಸಿಂ ಸೊಲೆಮಾನ್​ ಹತ್ಯೆಯಾದ ದಿನದ ಬೆನ್ನಲ್ಲೇ ಇರಾಕ್​ ಅಮೆರಿಕ ಸೇನಾ ಪಡೆ ಮತ್ತು ರಾಯಭಾರ ಕಚೇರಿಯನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಿದೆ. (ಏಜೆನ್ಸೀಸ್​)