2 ಎಲೆಕ್ಟ್ರಿಕ್​ ವಾಹನಗಳಿಗೆ ಭಾರತ್ ಎನ್‌ಸಿಎಪಿ 5 ಸ್ಟಾರ್ ರೇಟಿಂಗ್: ಪಂಚ್​.ಇವಿ; ನೆಕ್ಸಾನ್​.ಇವಿಗೆ ಸಚಿವರ ಅಭಿನಂದನೆ

ನವದೆಹಲಿ: ಎಲೆಕ್ಟ್ರಿಕ್ ವಾಹನಗಳ ವಿಭಾಗದಲ್ಲಿ 5 ಸ್ಟಾರ್​ ಭಾರತ್ ನ್ಯೂ ಕಾರ್ ಅಸೆಸ್‌ಮೆಂಟ್ ಪ್ರೋಗ್ರಾಂ (ಭಾರತ್ ಎನ್‌ಸಿಎಪಿ) ರೇಟಿಂಗ್‌ ಪಡೆದ ಮೊದಲ ವಾಹನಗಳಾಗಿ ಟಾಟಾ ಮೋಟಾರ್ಸ್‌ನ ಪಂಚ್​.ಇವಿ ಮತ್ತು ನೆಕ್ಸಾನ್​.ಇವಿ ಹೊರಹೊಮ್ಮಿವೆ.

ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವ ನಿತಿನ್ ಗಡ್ಕರಿ ಅವರು ಎಕ್ಸ್​ ಸೋಷಿಯಲ್ ಮೀಡಿಯಾ ಪೋಸ್ಟ್‌ನಲ್ಲಿ ಈ ಎರಡೂ ವಾಹನಗಳಿಗೆ ಅಭಿನಂದನೆಗಳನ್ನು ಕೋರಿದ್ದಾರೆ. "ಪಂಚ್​.ಇವಿ ಮತ್ತು ನೆಕ್ಸಾನ್​.ಇವಿ 5-ಸ್ಟಾರ್ ಭಾರತ್ ಎನ್‌ಸಿಎಪಿ ರೇಟಿಂಗ್ ಸಾಧಿಸಿದ್ದಕ್ಕೆ ಅಭಿನಂದನೆಗಳು, ಭಾರತೀಯ ವಾಹನ ಮಾರುಕಟ್ಟೆಯಲ್ಲಿ 5-ಸ್ಟಾರ್ ರೇಟಿಂಗ್ ಪಡೆದ ಮೊದಲ ಎಲೆಕ್ಟ್ರಿಕ್​ ವಾಹನಗಳಿವು" ಎಂದು ಅವರು ಹೇಳಿದ್ದಾರೆ.

ಎಲೆಕ್ಟ್ರಿಕ್ ವಾಹನಗಳು ಭಾರತದಲ್ಲಿ ಚಲನಶೀಲತೆಯ ಭವಿಷ್ಯವನ್ನು ಮುನ್ನಡೆಸುತ್ತಿರುವಂತೆ, ಸುರಕ್ಷಿತ ವಾಹನಗಳನ್ನು ಆಯ್ಕೆ ಮಾಡುವಲ್ಲಿ ಗ್ರಾಹಕರಿಗೆ ಒಂದು ಅಮೂಲ್ಯವಾದ ಸಾಧನವಾಗಿ ಭಾರತ್ ಎನ್‌ಸಿಎಪಿ ರೇಟಿಂಗ್ ಕಾರ್ಯನಿರ್ವಹಿಸುತ್ತದೆ. ಇದು ವಾಹನಕ್ಕೆ ಒದಗಿಸಲಾದ ಉನ್ನತ ಮಟ್ಟದ ಸುರಕ್ಷತೆಗೆ ಸಾಕ್ಷಿಯಾಗಿದೆ ಎಂದು ಗಡ್ಕರಿ ಹೇಳಿದ್ದಾರೆ. ಭಾರತ್-ಎನ್‌ಸಿಎಪಿ ಅತ್ಯುತ್ತಮ ಜಾಗತಿಕ ಮಾನದಂಡವಾಗಿದೆ. ಭಾರತ್-ಎನ್‌ಸಿಎಪಿ ವಾಹನ ರೇಟಿಂಗ್ ವ್ಯವಸ್ಥೆಯನ್ನು ರಸ್ತೆ ಸುರಕ್ಷತೆ ಮತ್ತು ವಾಹನ ಸುರಕ್ಷತಾ ಮಾನದಂಡಗಳ ಕಡ್ಡಾಯ ನಿಯಮಗಳನ್ನು ಮೀರಿ ಮುನ್ನಡೆಸಲು ವಿನ್ಯಾಸಗೊಳಿಸಲಾಗಿದೆ ಎಂದು ಅವರು ಕಳೆದ ವರ್ಷ ಹೇಳಿದ್ದರು.

https://www.vijayavani.net/74-increase-in-palm-oil-imports-commodity-stockpile-to-meet-domestic-demand

https://www.vijayavani.net/budget-presentation-likely-by-mid-july-consultation-to-begin-by-june-17