ಕಳೆದ ವರ್ಷ ನಡೆಸಿದ್ದ ಆನೆ ಗಣತಿ ವರದಿ ಬಹಿರಂಗಗೊಂಡಿದ್ದು, ಶಿವಮೊಗ್ಗ ವನ್ಯಜೀವಿ ವಿಭಾಗದಲ್ಲಿ ಒಟ್ಟು 127 ಆನೆಗಳನ್ನು ಗಣಗುರುತಿಸಲಾಗಿದೆ. ಶೆಟ್ಟಿಹಳ್ಳಿ ಅಭಯಾರಣ್ಯ ವ್ಯಾಪ್ತಿಯ ಮಲೇಶಂಕರ, ಆಯನೂರು, ಮೂಗುಡ್ತಿ ವಲಯದಲ್ಲಿ ಆನೆಗಳ ಸಂಚಾರ ಹೆಚ್ಚಿರುವುದು ದೃಢಪಟ್ಟಿದೆ. ಈ ಗಣತಿಯಲ್ಲಿ ಸಕ್ರೆಬೈಲು ಆನೆಬಿಡಾರದ ಗಜಪಡೆಯನ್ನಾಗಲೀ, ಬೇರೆಡೆ ಸೇರೆ ಹಿಡಿದು ಕ್ರಾಲ್ನಲ್ಲಿ ಇರಿಸಲಾಗಿರುವ ಆನೆಗಳನ್ನಾಗಲೀ ಪರಿಗಣಿಸಿಲ್ಲ. ಅಭಯಾರಣ್ಯದಲ್ಲಿ ನೇರವಾಗಿ ಕಂಡು ಬಂದ ಹಾಗೂ ಬೇರೆ ಅಂಶಗಳನ್ನು ಪರಿಗಣಿಸಿ 127 ಎಂಬ ಸಂಖ್ಯೆಯನ್ನು ನಮೂದಿಸಲಾಗಿದೆ.
ವಿವಿಧ ಅಂಶಗಳನ್ನು ಆಧರಿಸಿ ಆನೆಗಳ ಗಣತಿ ನಡೆಸಲಾಗಿದೆ. ನೇರವಾಗಿ ಕಣ್ಣಿಗೆ ಕಂಡ ಆನೆಗಳ ಜತೆಗೆ, ಆನೆಗಳು ಮುರಿದರಬಹುದಾದ ಮರಗಳು, ಕಂಡು ಬಂದ ಹೆಜ್ಜೆ ಗುರುತುಗಳು, ಲದ್ದಿ ಮುಂತಾದವನ್ನು ಪರಿಗಣಿಸಿ 127 ಆನೆಗಳಿವೆ ಎಂದು ವರದಿ ಮಾಡಲಾಗಿದೆ. ಶಿವಮೊಗ್ಗ ವನ್ಯಜೀವಿ ವಿಭಾಗ ಆನೆಗಳ ಕಾರಿಡಾರ್ನೊಂದಿಗೆ ಸಂಪರ್ಕ ಹೊಂದಿದೆ.
