ರೂಬಿಕ್​ ಕ್ಯೂಬ್​ನಲ್ಲಿ ಅರಳಿತು ನರೇಂದ್ರ ಮೋದಿ ಭಾವಚಿತ್ರ; ಪ್ರಧಾನಿ ಜನ್ಮದಿನಕ್ಕೆ ಬಾಲಕನಿಂದ ವಿಶೇಷ ಶುಭಾಶಯ

ಪಿರಿಯಾಪಟ್ಟಣ: ಇಂದು ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರ 73ನೇ ಜನ್ಮದಿನಕ್ಕೆ ದೇಶ-ವಿದೇಶಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ಈ ಮಧ್ಯೆ ಮೈಸೂರಿನ ಬಾಲಕನೊಬ್ಬ ರೂಬಿಕ್​ ಕ್ಯೂಬ್​ಗಳಲ್ಲಿ ಪ್ರಧಾನಿಗಳ ಭಾವಚಿತ್ರವನ್ನು ಮೂಡಿಸಿರುವುದು ಇದೀಗ ಅನೇಕರ ಗಮನಸೆಳೆದಿದೆ.

ಇದನ್ನೂ ಓದಿ:  ಜನಹಿತ ಕಾಪಾಡುವಲ್ಲಿ ವಿಫಲ

ರೂಬಿಕ್​ ಕ್ಯೂಬ್​ಗಳಲ್ಲಿ ಪ್ರಧಾನಿಗಳ ಭಾವಚಿತ್ರ ಅರಳಿಸಿದ ಬಾಲಕ, ಪ್ರಧಾನಿ ನರೇಂದ್ರ ಮೋದಿ ಅವರ 73ನೇ ಜನ್ಮದಿನಕ್ಕೆ ವಿಶೇಷವಾಗಿ ಶುಭಾಶಯ ಕೋರಿದ್ದಾರೆ. ಬಾಲಕನ ಕೈಚಳಕಕ್ಕೆ ಮನಸೋತ ಅನೇಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ತಾವು ಕೂಡ ಪ್ರಧಾನಿಗಳ ಹುಟ್ಟುಹಬ್ಬಕ್ಕೆ ಶುಭಾಶಯ ತಿಳಿಸಿದ್ದಾರೆ.

ಪ್ರಧಾನಿಗಳ ಭಾವಚಿತ್ರವನ್ನು ರೂಬಿಕ್​ ಕ್ಯೂಬ್​ನಲ್ಲಿ ಅರಳಿಸಿದ 12 ವರ್ಷದ ಬಾಲಕ ಪ್ರಣವ್, ಮೈಸೂರು ಜಿಲ್ಲೆಯ ಪಿರಿಯಾಪಟ್ಟಣ ತಾಲೂಕಿನವರು ಎಂದು ಹೇಳಲಾಗಿದೆ. 300ಕ್ಕೂ ಅಧಿಕ ಸಂಖ್ಯೆಯ ರೂಬಿಕ್​ ಕ್ಯೂಬ್​ಗಳನ್ನು ಬಳಸಿ ಭಾವಚಿತ್ರವನ್ನು ನಿರ್ಮಿಸಿದ್ದಾರೆ.

https://www.vijayavani.net/what-atlee-says-about-jawan-2