ಜನವರಿ 4ರಂದು ಮ್ಯಾಟ್ರಿಮೋನಿಯಲ್ ವೆಬ್ಸೈಟ್ನಲ್ಲಿ ಪ್ರಿಯಾಂಕಾ ಎಂಬಾಕೆ ಪರಿಚಯವಾಗಿ ಮೊಬೈಲ್ ನಂಬರ್ ವಿನಿಮಯ ಮಾಡಿಕೊಂಡು ಚಾಟಿಂಗ್ ಶುರು ಮಾಡಿದ್ದರು. ಜ.15ರಂದು ಕರೆ ಮಾಡಲು ಆರಂಭಿಸಿ ಪರಿಸ್ಪರ ಸಂಭಾಷಣೆ ಮಾಡುತ್ತಿದ್ದರು. ಆತ್ಮೀಯವಾಗಿ ಮಾತನಾಡಿಕೊಂಡು ಮದುವೆ ಆಗುವುದಾಗಿ ಹೇಳುತ್ತಿದ್ದ ಪ್ರಿಯಾಂಕಾ, ಕೆಲ ದಿನಗಳ ಬಳಿಕ ‘ಕಷ್ಟಕ್ಕೆ ಸಿಲುಕೊಂಡಿದ್ದೇನೆ. ಆದರಿಂದ ಮದುವೆ ಮಾಡಿಕೊಳ್ಳಲು ಸಾಧ್ಯವಿಲ್ಲ’ ಎಂದು ಅಳಲು ತೋಡಿಕೊಂಡಿದ್ದಳು. ಅದಕ್ಕೆ ರಘು, ‘ಏನಾಯಿತು’ ಎಂದು ಕೇಳಿದಾಗ ‘ಷೇರು ಮಾರ್ಕೆಟ್ನಲ್ಲಿ ಹಣ ಹೂಡಿಕೆ ಮಾಡಿ ಒಳ್ಳೆಯ ಲಾಭ ಗಳಿಸುತ್ತಿದ್ದೇನೆ. ಆದರೆ, ನನ್ನ ಬಳಿ ಸದ್ಯ ಹಣ ಇಲ್ಲ. ನೀವು ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭಾಂಶ ಪಡೆದು ನಂತರ ಮದುವೆ ಮಾಡಿಕೊಳ್ಳೋಣ’ ಎಂದಿದ್ದಳು. ಅದಕ್ಕೆ ರಘು, ‘ನನಗೆ ಷೇರು ಮಾರ್ಕೆಟ್ ಬಗ್ಗೆ ಯಾವುದೇ ಜ್ಞಾನ ಇಲ್ಲ’ವೆಂದು ಹೇಳಿದಾಗ ‘ನೀವು ಹೂಡಿಕೆ ಮಾಡಿ.. ಅದರ ನಿರ್ವಹಣೆ ನಾನು ನೋಡಿಕೊಳ್ಳುತ್ತೇನೆ’ ಎಂದು ಭರವಸೆ ನೀಡಿದ್ದಳು.
