250 ರೂ. ವೆಚ್ಚದಲ್ಲಿ ಮಿನಿ ಕೂಲರ್ ತಯಾರಿಕೆ, ಇದಕ್ಕೆ ವಿದ್ಯುತ್ ಬೇಕಿಲ್ಲ! ಜೀನಿಯಸ್ ಆದ ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿನಿ ​| Mini Cooler

Mini Cooler: ಬೇಸಿಗೆ ಕಾಲದಲ್ಲಿ ವಿಪರೀತ ಸೆಕೆ. ತಾಪಮಾನ ಗರಿಷ್ಠತೆಯನ್ನು ಮುಟ್ಟುವ ಸಮಯ. ಹೀಗಿರುವಾಗ ಮನೆ ಅಥವಾ ಇತರೆ ಸ್ಥಳಗಳಲ್ಲಿ ಬೀಸಣಿಕೆ, ಫ್ಯಾನ್​ ಅಥವಾ ಎಸಿ ಇರಲೇಬೇಕು. ಇಲ್ಲದಿದ್ದರೆ, ಬೆವರಿನ ಹನಿಗಳು ಮುಡಿಯಿಂದ ಕೆಳಗಿಳಿಯಲು ಶುರುವಾಗುತ್ತದೆ. ಈ ಸಮಯದಲ್ಲಿ ವಿದ್ಯುತ್ ಸಂಪರ್ಕ ಕೂಡ ಹೆಚ್ಚಾಗಿ ಕಡಿತಗೊಳ್ಳುತ್ತದೆ. ಕಾರಣ, ಲೋಡ್​ ಶೆಡ್ಡಿಂಗ್ ಸಮಸ್ಯೆ. ಇದರಿಂದ ಬಹುತೇಕ ಹಳ್ಳಿ-ಪಟ್ಟಣಗಳಲ್ಲಿ ಕರೆಂಟ್ ಸಂಪರ್ಕ ಇರುವುದೇ ಇಲ್ಲ. ದಿನದ ಅರ್ಧ ದಿನ ವಿದ್ಯುತ್ ಇಲ್ಲ ಎಂದರೂ ಅಚ್ಚರಿಯಿಲ್ಲ.

ಇದನ್ನೂ ಓದಿ: ಗ್ರಾಮೀಣ ಕ್ಷೇತ್ರದ ಅಭಿವೃದ್ಧಿಯಲ್ಲಿ ಹೊಸ ಇತಿಹಾಸ ಬರೆದಿದ್ದೇನೆ : ಸಚಿವೆ ಲಕ್ಷ್ಮೀ ಹೆಬ್ಬಾಳಕರ್

ಇಂತಹ ಸಮಸ್ಯೆಯನ್ನು ಎದುರಿಸಿದ ಉತ್ತರ ಪ್ರದೇಶದ ಬ್ರಹೈಚ್​ನ 10ನೇ ತರಗತಿ ವಿದ್ಯಾರ್ಥಿನಿಯೊಬ್ಬಳು, ಪದೇ ಪದೇ ಕರೆಂಟ್ ಹೋಗುವುದರಿಂದ ಓದಲು ಕಷ್ಟವಾಗುತ್ತಿದೆ ಎಂದು ತನ್ನ ಮಿದುಳಿಗೆ ಕೆಲಸ ಕೊಟ್ಟಿದ್ದಾಳೆ. ಯುವ ಪ್ರತಿಭೆಯ ಚತುರತೆಯಿಂದ ವಿದ್ಯುತ್ ಸಂಪರ್ಕವಿಲ್ಲದ ಮಿನಿ ಕೂಲರ್​ ಒಂದು ತಯಾರಾಗಿದೆ. ಕೇವಲ 250 ರೂ. ವೆಚ್ಚದಲ್ಲಿ ಇದನ್ನು ಪೂರ್ಣಗೊಳಿಸಿದ ವಿದ್ಯಾರ್ಥಿನಿ, ಎರಡರಿಂದ ಮೂರು ದಿನಗಳಲ್ಲಿ ಈ ಕೂಲರ್​ನ ತಯಾರಿಸಿ, ಎಲ್ಲರ ಮುಂದೆ ಪರಿಚಯಿಸಿದ್ದಾಳೆ.

ವಿದ್ಯುತ್ ಇಲ್ಲದೆ ಒಂದಷ್ಟು ಗಂಟೆಗಳ ಕಾಲ ಕಾರ್ಯನಿರ್ವಹಿಸುವ ಈ ಕೂಲರ್​, ಫ್ಯಾನ್​ನಂತೆಯೇ ವೇಗದಲ್ಲಿ ಗಾಳಿ ಬೀಸುತ್ತದೆ ಎಂದು ಬಾಲಕಿ ಹೇಳಿದ್ದಾಳೆ. ಸೃಜನಶೀಲ ವಿದ್ಯಾರ್ಥಿನಿ ಪಮ್ಮಿಯನ್ನು ಶ್ಲಾಘಿಸಿದ ಗ್ರಾಮಸ್ಥರು, ಆಗಾಗ್ಗೆ ಕಡಿತಗೊಳ್ಳುವ ವಿದ್ಯುತ್ ಸಂಪರ್ಕ ಸಮಸ್ಯೆಗೆ ಇದು ಅತ್ಯುತ್ತಮ ಪರಿಹಾರ ಎಂದು ಮೆಚ್ಚಿದ್ದಾರೆ.

ಇದನ್ನೂ ಓದಿ: ವಿಧಾನ ಪರಿಷತ್‌ಗೆ ನಾಮ ನಿರ್ದೇಶನ, ಅಲ್ಪಸಂಖ್ಯಾತರಿಂದ ಹಕ್ಕೊತ್ತಾಯ, ಕಾಂಗ್ರೆಸ್ ನಾಯಕರಿಗೆ ಮನವಿ, ಕಷ್ಟಕಾಲದಲ್ಲಿ ‘ಕೈ’ ಹಿಡಿದವರ ‘ಕೈ’ ಬಿಡಬೇಡಿ

ಅವಶ್ಯಕತೆಯಿಂದ ನಾವೀನ್ಯತೆ ಕಡೆಗೆ

ಬಹ್ರೈಚ್ ಜಿಲ್ಲೆಯ ಮೊಹಲ್ಲಾ ಬ್ರಹ್ಮಣಿಪುರದ ನಿವಾಸಿಯಾಗಿರುವ ಪಮ್ಮಿ, ತನ್ನ ಮನೆಯಲ್ಲಿ ಬಿದ್ದಿದ್ದ ಕೆಲವು ಬೇಡವಾದ ವಸ್ತುಗಳನ್ನು ಬಳಸಿಕೊಂಡು, ಅಷ್ಟರಲ್ಲೇ ಮಿನಿ ಕೂಲರ್ ಅನ್ನು ನಿರ್ಮಿಸಿದ್ದಾಳೆ. ಈ ಬಗ್ಗೆ ಪ್ರತಿಕ್ರಿಯಿಸಿದ ವಿದ್ಯಾರ್ಥಿನಿ, "ಇದಕ್ಕೆ ಸುಮಾರು 2ರಿಂದ 3 ದಿನಗಳೇ ಬೇಕಾಯ್ತು. ಬೇಸಿಗೆಯಲ್ಲಿ ಉಂಟಾಗುವ ವಿದ್ಯುತ್ ಸಮಸ್ಯೆಗಳಿಗೆ ಇದು ಪರಿಹಾರ. ನನ್ನ ಓದಿನ ಸಮಯದಲ್ಲಿ ಕರೆಂಟ್ ಹೋದಾಗ ಈ ಮಿನಿ ಕೂಲರ್​ನ ನಾನು ಬಳಸಿಕೊಳ್ಳುತ್ತಾನೆ. ಇದು ತಂಪಾದ ವಾತಾವರಣವನ್ನು ಸೃಷ್ಟಿಸುತ್ತಿದೆ" ಎಂದಿದ್ದಾಳೆ,(ಏಜೆನ್ಸೀಸ್).

https://www.vijayavani.net/who-is-soma-das-in-bengal-teachers-recruitment-scam