ಬೆಂಗಳೂರಲ್ಲಿ 10 ದಿನ ಲಾಕ್​ಡೌನ್ ಸೂಕ್ತ ಎಂದ ಕರೊನಾ ತಾಂತ್ರಿಕ ಸಲಹಾ ಸಮಿತಿ!

ಬೆಂಗಳೂರು: ಕರೊನಾ 2ನೇ ಅಲೆ ಹರಡುತ್ತಿರುವ ಸೋಂಕಿನ ವೇಗ ತಗ್ಗಿಸಲು ಲಾಕ್​ಡೌನ್ ಸುತ್ತಲೇ ತಾಂತ್ರಿಕ ಸಲಹಾ ಸಮಿತಿ ಗಿರಕಿ ಹೊಡೆಯುತ್ತಿದೆ.

ವಿಧಾನ ಸೌಧ ಸಮ್ಮೇಳನ ಸಭಾಂಗಣದಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಡಾ.ಕೆ.ಸುಧಾಕರ್ ಭಾನುವಾರ ಕರೆದಿದ್ದ ತುರ್ತು ಸಭೆಯಲ್ಲಿ ಸಮಿತಿ ಮತ್ತದೇ ಪ್ರಸ್ತಾಪ ಮುಂದಿಟ್ಟಿದೆ.

ಇದನ್ನೂ ಓದಿ: ‘ಮಾದರಿ ನೀತಿ ಸಂಹಿತೆ ಅಲ್ಲ, ಮೋದಿ ನೀತಿ ಸಂಹಿತೆ’ ಎಂದು ಚುನಾವಣಾ ಆಯೋಗವನ್ನು ಲೇವಡಿ ಮಾಡಿದ ದೀದಿ

ಸೋಂಕಿನ ಸರಪಳಿ ತುಂಡರಿಸಲು ಬೆಂಗಳೂರು ಮಹಾ ನಗರದಲ್ಲಿ ಕನಿಷ್ಠ 10 ದಿನಗಳವರೆಗೆ ಲಾಕ್​ಡೌನ್ ಜಾರಿಗೊಳಿಸುವುದು ಸೂಕ್ತ ಎಂದಿದೆ. ಅಲ್ಲದೆ, ಸದ್ಯಕ್ಕೆ 8 ನಗರಗಳಲ್ಲಿ ಜಾರಿಗೊಳಿಸಿರುವ ರಾತ್ರಿ ಕರೊನಾ ಕರ್ಫ್ಯೂ ಏಪ್ರಿಲ್ ಅಂತ್ಯದವರೆಗೆ ವಿಸ್ತರಿಸಬೇಕೆಂಬ ಸಲಹೆ ನೀಡಿದೆ.

ಲಾಕ್ ಡೌನ್ ವಿಷಯ ಮುಂದಿಟ್ಟಾಗ ಅದು ಬಿಟ್ಟು ಬೇರೆ ಸಲಹೆಗಳಿದ್ದರೆ ತಿಳಿಸಿ ಎಂದು ಸುಧಾಕರ್ ಕೋರಿದ್ದಾರೆ. ಲಾಕ್​ಡೌನ್ ಗೆ ಸಿಎಂ ಬಿಎಸ್ ವೈ ಒಲವಿಲ್ಲ, ಸದ್ಯದ ಪರಿಸ್ಥಿತಿಯಲ್ಲಿ ಲಾಕ್​ಡೌನ್ ಮಾಡಲೂ ಸರ್ಕಾರಕ್ಕೆ ಸಾಧ್ಯವಾಗದು ಎಂಬುದನ್ನು ಸಮಿತಿಗೆ ಮನವರಿಕೆ ಮಾಡಿಕೊಟ್ಟಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

https://www.vijayavani.net/hassan-rave-party-hassan-police-drugs-vehicle-seized/

https://www.vijayavani.net/r-veerappan-daughter-huge-fund-dump-in-the-forests-where-veerappan-lives/