ಹೈದರಾಬಾದ್: ಎಸ್.ಎಸ್. ರಾಜಮೌಳಿ ನಿರ್ದೇಶನದ ಬಹುನಿರೀಕ್ಷಿತ ‘ಆರ್ಆರ್ಆರ್’ ಚಿತ್ರದ ಚಿತ್ರೀಕರಣ ಸೋಮವಾರದಿಂದ ಪುನಃ ಪ್ರಾರಂಭವಾಗಿದೆ. ಎಲ್ಲರೂ ತಮ್ತಮ್ಮ ಚಿತ್ರಗಳ ಚಿತ್ರೀಕರಣವನ್ನು ಸದ್ದಿಲ್ಲದೆ ಪ್ರಾರಂಭಿಸಿದರೆ, ರಾಜಮೌಳಿ ಮಾತ್ರ ಒಂದು ಪ್ರೋಮೋ ಬಿಡುಗಡೆ ಮಾಡುವ ಮೂಲಕ ಚಿತ್ರೀಕರಣ ಪ್ರಾರಂಭಿಸಿದ್ದಾರೆ.
ಇದನ್ನೂ ಓದಿ: ಪಾಯಲ್ ಮೇಲೆ ಒಂದು ಕೋಟಿ ಮಾನನಷ್ಟ ಕೇಸ್ ಹಾಕಿದ ರಿಚಾ …
ಹೌದು, ‘ಆರ್ಆರ್ಆರ್’ ಚಿತ್ರದ ಹೊಸ ಪ್ರೋಮೋ ಬಿಡುಗಡೆಯಾಗಿದೆ. ಹಾಗಂತ ಇದು ಚಿತ್ರದ ಪ್ರೋಮೋ ಅಲ್ಲ. ಇದನ್ನು ಬೇಕಾದರೆ ಬ್ಯಾಕ್ ಟು ಶೂಟ್ ಪ್ರೋಮೋ ಎಂದು ಕರೆಬಹುದು. ಏಕೆಂದರೆ, ಈ ಪ್ರೋಮೋ ಶುರುವಾಗುವುದು, ತಂತ್ರಜ್ಱರು ಮತ್ತು ಕೆಲಸಗಾರರು ಚಿತ್ರದ ಕೆಲಸಗಳನ್ನು ಪ್ರಾರಂಭಿಸುವುದರ ಮೂಲಕ. ಆ ನಂತರ ಎಲ್ಲರೂ ಹೇಗೆ ತಯಾರಿ ಮಾಡಿಕೊಂಡು ಚಿತ್ರೀಕರಣಕ್ಕೆ ಮುಂದಾದರು ಎಂಬ ವಿಷಯ ಪ್ರೋಮೋದಲ್ಲಿದೆ.
ಇನ್ನು ಪ್ರೋಮೋದ ಕೊನೆಯಲ್ಲಿ ಅಕ್ಟೋಬರ್ 22ರಂದು ಇನ್ನೊಂದು ಟೀಸರ್ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಘೋಷಿಸಿದೆ. ಈ ಟೀಸರ್ನಲ್ಲಿ ಜ್ಯೂನಿಯರ್ ಎನ್.ಟಿ.ಆರ್ ಅವರ ಪಾತ್ರವನ್ನು ಪರಿಚಯಿಸಲಾಗುತ್ತದಂತೆ.
ಇದೊಂದು ಟ್ರಯಲ್ ಶೂಟ್ ಅಷ್ಟೇ ಎಂದು ಹೇಳಲಾಗುತ್ತಿದೆ. ಟ್ರಯಲ್ ಶೂಟ್ ಇರುವುದು ಈ ವಾರ ಮಾತ್ರ. ಆ ನಂತರ ಒಂದು ದೊಡ್ಡ ಗ್ಯಾಪ್ ಕೊಡಲಾಗುತ್ತದಂತೆ. ದಸರಾ ಹಬ್ಬ ಮುಗಿದ ನಂತರ ಮತ್ತೆ ಚಿತ್ರೀಕರಣ ಪ್ರಾರಂಭವಾಗುವುದು ಎಂದು ಹೇಳಲಾಗುತ್ತಿದೆ. ಒಟ್ಟಾರೆ ಫೆಬ್ರವರಿ ಹೊತ್ತಿಗೆ ಚಿತ್ರದ ಚಿತ್ರೀಕರಣವನ್ನು ಮುಗಿಸಿ, ಮುಂದಿನ ಜುಲೈ ಕೊನೆಯ ವಾರದಲ್ಲಿ ಚಿತ್ರವನ್ನು ಬಿಡುಗಡೆ ಮಾಡುವುದು ಚಿತ್ರತಂಡದ ಯೋಚನೆ.
ಇದನ್ನೂ ಓದಿ: ಟಾಲಿವುಡ್ ಬ್ಯೂಟಿ ಕಾಜಲ್ ಮದುವೆ ಫಿಕ್ಸ್: ಕೊನೆಗೂ ವದಂತಿಗೆ ತೆರೆಎಳೆದ ಮಗಧೀರನ ಬೆಡಗಿ..!
‘ಆರ್ಆರ್ಆರ್’ ಚಿತ್ರದಲ್ಲಿ ಜ್ಯೂನಿಯರ್ ಎನ್ಟಿಆರ್, ರಾಮ್ಚರಣ್ ತೇಜ, ಅಜಯ್ ದೇವಗನ್, ಆಲಿಯಾ ಭಟ್, ಶ್ರೇಯಾ ಶರಣ್ ಮುಂತಾದವರು ನಟಿಸುತ್ತಿದ್ದು, ವಿ.ವಿ. ದಾನಯ್ಯ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.