ರಾಷ್ಟ್ರ ರಾಜಧಾನಿಯ ಬಹುತೇಕ ಪ್ರದೇಶಗಳು ಉಸಿರಾಟಕ್ಕೆ ಸೂಕ್ತವಲ್ಲ; ಈ ಜಾಗಗಳಲ್ಲಂತೂ ಗಾಳಿ ಗುಣಮಟ್ಟ ತೀರ ಹದಗೆಟ್ಟಿದೆ

ನವದೆಹಲಿ: ದೀಪಾವಳಿಗೂ ಮುನ್ನ ದೆಹಲಿಯ ಗಾಳಿ ಎಷ್ಟು ವಿಷಮಯವಾಗಿದೆ ಎಂದರೆ ರಾಜಧಾನಿಯ ಯಾವ ಪ್ರದೇಶವೂ ಉಸಿರಾಡಲು ಯೋಗ್ಯವಾಗಿಲ್ಲ. ಕೇಂದ್ರೀಯ ಮಾಲಿನ್ಯ ನಿಯಂತ್ರಣ ಮಂಡಳಿ (ಸಿಪಿಸಿಬಿ) ಪ್ರಕಾರ, ಗುರುವಾರ ಬೆಳಗ್ಗೆ ದೆಹಲಿ-ಎನ್‌ಸಿಆರ್‌ನಲ್ಲಿ ಗಾಳಿಯ ಗುಣಮಟ್ಟದ ಮಟ್ಟವು 504 ದಾಟಿದೆ.

ಆನಂದ್ ವಿಹಾರ್‌ನಲ್ಲಿ ಎಕ್ಯೂಐ 504 ಮತ್ತು ಜಹಾಂಗೀರ್‌ಪುರಿಯಲ್ಲಿ 437 ಆಗಿತ್ತು. ನೋಯ್ಡಾದಲ್ಲಿ 415 ಮತ್ತು ಫರಿದಾಬಾದ್‌ನಲ್ಲಿ 324 ಇತ್ತು. ಆನಂದ್ ವಿಹಾರ್‌ನಲ್ಲಿ ಎಕ್ಯೂಐ 432, ಆರ್‌ಕೆ ಪುರಂನಲ್ಲಿ 453, ಪಂಜಾಬಿ ಬಾಗ್‌ನಲ್ಲಿ 444 ಮತ್ತು ಐಟಿಒದಲ್ಲಿ 441 ಇತ್ತು. ಹವಾಮಾನ ಇಲಾಖೆ ಪ್ರಕಾರ, ಮುಂದಿನ ಕೆಲವು ದಿನಗಳಲ್ಲಿ ದೆಹಲಿ-ಎನ್‌ಸಿಆರ್‌ನಲ್ಲಿ ಲಘು ಮಳೆಯಾಗುವ ಸಾಧ್ಯತೆಯಿದೆ, ನಂತರ ವಾಯು ಮಾಲಿನ್ಯ ಸುಧಾರಿಸಬಹುದು.

ಯಾವುದೇ ಪ್ರದೇಶ ಉಸಿರಾಟಕ್ಕೆ ಸೂಕ್ತವಲ್ಲ

ಬುಧವಾರ ಸತತ ಆರನೇ ದಿನವೂ ದಿಲ್ಲಿಯ ಎಕ್ಯೂಐ ‘ತೀವ್ರ’ ವಿಭಾಗದಲ್ಲಿ ಉಳಿದುಕೊಂಡಿದೆ. ರಾಷ್ಟ್ರ ರಾಜಧಾನಿಯ ಯಾವುದೇ ಪ್ರದೇಶವು ಉಸಿರಾಡಲು ಸಾಧ್ಯವಾಗದ ಮಟ್ಟಕ್ಕಿದೆ. ದೆಹಲಿಯ ಹೆಚ್ಚಿನ ಭಾಗಗಳಲ್ಲಿ ಎಕ್ಯೂಐ 400 ಕ್ಕಿಂತ ಹೆಚ್ಚು ದಾಖಲಾಗಿದೆ. ಮುಂದಿನ ಎರಡು-ಮೂರು ದಿನಗಳಲ್ಲಿ ಯಾವುದೇ ಗಮನಾರ್ಹ ಸುಧಾರಣೆಯ ಸಾಧ್ಯತೆಯಿಲ್ಲ.

ಎನ್‌ಸಿಆರ್ ನಗರಗಳ ಎಕ್ಯೂಐ ಕೂಡ ಹೆಚ್ಚಿದೆ

ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿಯ ಪ್ರಕಾರ, ಮಂಗಳವಾರ ಗಾಳಿಯ ವೇಗದಲ್ಲಿ ಸ್ವಲ್ಪ ಹೆಚ್ಚಳ ಮತ್ತು ದಿಕ್ಕು ಬದಲಾವಣೆಯಿಂದಾಗಿ ಮಾಲಿನ್ಯದ ಮಟ್ಟದಲ್ಲಿ ಸ್ವಲ್ಪ ಇಳಿಕೆ ಕಂಡುಬಂದಿದೆ. ಆದರೆ ಬುಧವಾರ ಮತ್ತೆ ಏರಿಕೆಯಾಗಿದೆ. ದೆಹಲಿಯ ಎಕ್ಯೂಐ ಬುಧವಾರ 426 ಆಗಿತ್ತು. ಇದನ್ನು 'ಗಂಭೀರ' ವಿಭಾಗದಲ್ಲಿ ಇರಿಸಲಾಗಿದೆ.

ಮಂಗಳವಾರ 395 ಆಗಿತ್ತು. 24 ಗಂಟೆಗಳಲ್ಲಿ 31 ಅಂಕಗಳಷ್ಟು ಏರಿಕೆ ಕಂಡಿದೆ. ಸೂಚ್ಯಂಕವು 400 ಕ್ಕಿಂತ ಕಡಿಮೆ ಇರುವ ದೆಹಲಿಯ ನಾಲ್ಕು ಪ್ರದೇಶಗಳು ಮಾತ್ರ ಇವೆ ಆದರೆ ಇಲ್ಲಿಯೂ ಗಾಳಿಯು 'ಅತ್ಯಂತ ಕಳಪೆ' ವರ್ಗದಲ್ಲಿದೆ. ಎನ್‌ಸಿಆರ್ ನಗರಗಳ ಎಕ್ಯೂಐ ಕೂಡ ಹೆಚ್ಚಾಯಿತು.

ಭೂ ವಿಜ್ಞಾನ ಸಚಿವಾಲಯಯದ ಪ್ರಕಾರ... 

ಭೂ ವಿಜ್ಞಾನ ಸಚಿವಾಲಯ ಸಿದ್ಧಪಡಿಸಿರುವ ಏರ್ ಕ್ವಾಲಿಟಿ ಅರ್ಲಿ ವಾರ್ನಿಂಗ್ ಸಿಸ್ಟಮ್ ಪ್ರಕಾರ, ಮುಂದಿನ ಎರಡು ದಿನಗಳಲ್ಲಿ ಗಾಳಿಯು ಸಾಮಾನ್ಯವಾಗಿ ಶಾಂತವಾಗಿರುತ್ತದೆ. ಗಾಳಿ ಬೀಸಿದಾಗಲೂ ಅದರ ವೇಗ ಸಾಮಾನ್ಯವಾಗಿ ಗಂಟೆಗೆ ಹತ್ತು ಕಿಲೋಮೀಟರ್‌ಗಿಂತ ಕಡಿಮೆಯಿರುತ್ತದೆ ಮತ್ತು ದಿಕ್ಕು ವಾಯುವ್ಯವಾಗಿರುತ್ತದೆ. ಈ ಕಾರಣದಿಂದಾಗಿ, ಗುರುವಾರವೂ ಗಾಳಿಯು 'ತೀವ್ರ' ವಿಭಾಗದಲ್ಲಿ ಉಳಿಯುವ ನಿರೀಕ್ಷೆಯಿದೆ. ಮುಂದಿನ ಆರು ದಿನಗಳಲ್ಲಿ ಗಾಳಿಯ ಗುಣಮಟ್ಟವು 'ತೀವ್ರ' ಅಥವಾ 'ಅತ್ಯಂತ ಕಳಪೆ' ವಿಭಾಗದಲ್ಲಿ ಉಳಿಯುವ ಸಾಧ್ಯತೆಯಿದೆ.

ಅತ್ಯಂತ ಕೆಟ್ಟದಾಗಿದೆ ಇಲ್ಲಿನ ಗಾಳಿ ( ಪ್ರದೇಶಗಳು-ಎಕ್ಯೂಐ)

• ಐಟಿಒ---459
• ಪಂಜಾಬಿ ಬಾಗ್---464
• ನೆಹರು ನಗರ---456
• ಸೋನಿಯಾ ವಿಹಾರ್---444
• ಜಹಾಂಗೀರಪುರಿ---453
• NCR ನಗರಗಳ AQI
• ಫರಿದಾಬಾದ್ - 425
• ಗಾಜಿಯಾಬಾದ್ - 384
• ಗ್ರೇಟರ್ ನೋಯ್ಡಾ - 478
• ನೋಯ್ಡಾ - 405
• ಗುರುಗ್ರಾಮ - 385

https://www.vijayavani.net/vijayavani-manollasha-breath-and-confidence