ಡ್ರಗ್ಸ್​ ಕೇಸ್​; 25ರಂದು ವಿಚಾರಣೆಗೆ ಹಾಜರಾಗಲು ದೀಪಿಕಾಗೆ ಎನ್​ಸಿಬಿ ಸಮನ್ಸ್​

ದೆಹಲಿ: ಡ್ರಗ್ಸ್​ ಕೇಸ್​ ಸಂಬಂಧ ಬಾಲಿವುಡ್​ ನಟಿ ದೀಪಿಕಾ ಪಡುಕೋಣೆ, ಸಾರಾ ಅಲಿಖಾನ್, ಶ್ರದ್ಧಾ ಕಪೂರ್ ಮತ್ತು ರಕುಲ್ ಪ್ರೀತ್ ಸಿಂಗ್​ಗೆ ಮಾದಕ ವಸ್ತುಗಳ ನಿಯಂತ್ರಣ ವಿಭಾಗ (ಎನ್​ಸಿಬಿ) ಸಮನ್ಸ್​ ಜಾರಿ ಮಾಡಿದೆ.

ಸ್ಯಾಂಡಲ್​ವುಡ್​ನ ರಾಗಿಣಿ ದ್ವಿವೇದಿ, ಸಂಜನಾ ಅಲಿಯಾಸ್​ ಮಹಿರಾ ಡ್ರಗ್ಸ್​ ಕೇಸ್​ನಲ್ಲಿ ಜೈಲು ಸೇರಿದ್ದಾರೆ. ಇದೀಗ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ಪ್ರಕರಣಕ್ಕೆ ಸಂಬಂಧಿಸಿದ ಡ್ರಗ್ ಮಾಫಿಯಾ ಉರುಳು ಕನ್ನಡದ ಹುಡುಗಿ, ಬಾಲಿವುಡ್​ನ ಟಾಪ್​ ನಟಿ ದೀಪಿಕಾ ಪಡುಕೋಣೆಗೂ ಸುತ್ತಿಕೊಂಡಿದೆ. ದೀಪಿಕಾ ಜತೆಗೆ ಇನ್ನೂ ಮೂವರಿಗೆ ಎನ್​ಸಿಬಿ ಬುಧವಾರ ಸಮನ್ಸ್​ ಜಾರಿ ಮಾಡಿದ್ದು, ಬಾಲಿವುಡ್​ನಲ್ಲಿ ಸಂಚಲನ ಸೃಷ್ಟಿಸಿದೆ. ಈ ನಾಲ್ವರು ಮುಂದಿನ ಮೂರು ದಿನಗಳೊಳಗೆ ಎನ್​ಸಿಬಿ ಮುಂದೆ ಹಾಜರಾಗುವಂತೆ ಸೂಚಿಸಲಾಗಿದೆ. 25ರಂದು ವಿಚಾರಣೆಗೆ ಹಾಜರಾಗಲು ದೀಪಿಕಾ ಅವರಿಗೆ ಸೂಚಿಸಲಾಗಿದೆ.

ನಟ ಸುಶಾಂತ್ ನಿಗೂಢ ಸಾವಿನ ಹಿನ್ನೆಲೆಯಲ್ಲಿ ಎನ್​ಸಿಬಿ ತನಿಖೆ ನಡೆಸುತ್ತಿದೆ. ನಿನ್ನೆಯಷ್ಟೇ (ಮಂಗಳವಾರ) ದೀಪಿಕಾ ಪಡುಕೋಣೆಯ ವ್ಯವಸ್ಥಾಪಕ ಕರಿಷ್ಮಾ ಪ್ರಕಾಶ್​ರನ್ನು ಎನ್‌ಸಿಬಿ ವಿಚಾರಣೆ ನಡೆಸಿತ್ತು. ರಿಯಾ ಚಕ್ರವರ್ತಿ ವಾಟ್ಸ್​ಆ್ಯಪ್​ ಮೆಸೇಜ್​ಗಳ ಆಧಾರದ ಮೇಲೆ ವಿಚಾರಣೆ ನಡೆಯುತ್ತಿದೆ. ಒಟ್ಟಿನಲ್ಲಿ ದಿನಕ್ಕೊಂದು ತಿರುವು ಪಡೆಯುತ್ತಿರುವ ಡ್ರಗ್ಸ್​ ಮಾಫಿಯಾ ಪ್ರಕರಣ ಸ್ಯಾಂಡಲ್​ವುಡ್​ ಮತ್ತು ಬಾಲಿವುಡ್​ನ ಘಟಾನುಘಟಿಗಳ ಬುಡಕ್ಕೆ ಬರುತ್ತಿದೆ.

https://www.vijayavani.net/deepika-padukone-on-ncb-radar-in-drug-probe-linked-to-sushant-death/

https://www.vijayavani.net/ccb-notice-akulbalaji-drugcase/

https://www.vijayavani.net/new-twist-to-the-drugs-case-private-video-viral/