ಕೃಷ್ಣ ಮಠದಲ್ಲಿ ಶುಕ್ರವಾರದಿಂದ ಪ್ರಾರಂಭಿಸಿ 1 ತಿಂಗಳವರೆಗೆ ಪಮ ಜಾಗರ ಪೂಜೆ ಬೆಳಗ್ಗೆ 5.45ಕ್ಕೆ ನಡೆಯಲಿದೆ. ಯೋಗನಿದ್ರೆಯಲ್ಲಿರುವ ಭಗವಂತನನ್ನು ವಿವಿಧ ಪ್ರಕಾರದ ವಾದನಗಳನ್ನು ನುಡಿಸಿ ಎಬ್ಬಿಸುವ ಪೂಜಾ ವಿಧಾನ ಪಮ ಜಾಗರ ಪೂಜೆ. ಬೆಳಗ್ಗೆ 3.45ರಿಂದ 5.45ವರೆಗೆ ಮಠದಲ್ಲಿ ನಿತ್ಯ ಉಪಯೋಗಿಸುವಂತಹ ವಾದ್ಯಗಳ ಜತೆಗೆ ಕೆಲವು ವಿಶೇಷ ವಾದ್ಯಗಳ ವಾದನ ನಡೆಯುತ್ತದೆ. ಶಂಖನಾದ, ನಗಾರಿ, ಬಾರ್ ತಂಬೂರಿ, ರಣಕಹಳೆ, ಡೋಲು, ದಮಣಿ, ತ್ರಾಸೆ, ಉಡುಕು ನಾಗಸ್ವರ, ಸೂರ್ಯವಾದ್ಯ, ಸ್ಯಾಕ್ಸೋಫೋನ್ ಹಾಗೂ ಸುತ್ತಮುತ್ತಲಿನ ಕೊಳಲು, ವೀಣೆ, ವಯೋಲಿನ್ ವಾದನ ನಡೆಯಲಿದೆ. ಒಂದು ತಿಂಗಳು ನಡೆಯುವ ಪಮಜಾಗರ ಪೂಜೆ ಉತ್ಥಾನ ದ್ವಾದಶಿಯಂದು ಸಂಪನ್ನಗೊಳ್ಳಲಿದೆ.
