ದಿ ಪ್ರಿನ್ಸೆಸ್ ಫ್ಯಾಷನ್ ಶೋ : ‘ನವರತನ್ ಜ್ಯುವೆಲರ್ಸ್’ ಡಿ.18, 19, 20ರಂದು ‘ದಿ ಪ್ರಿನ್ಸೆಸ್’ ಫ್ಯಾಷನ್ ಶೋ ಆಯೋಜಿಸಿದ್ದು, ಉದಯೋನ್ಮುಖ ರೂಪದರ್ಶಿಯರು ತಮ್ಮ ಪ್ರತಿಭೆ ಪ್ರದರ್ಶಿಸಿ ಬಹುಮಾನ ಪಡೆಯುವ ಅವಕಾಶ ಕಲ್ಪಿಸಲಾಗಿದೆ. ‘ವಿಜಯವಾಣಿ’ ಹಾಗೂ ದಿಗ್ವಿಜಯ 247 ನ್ಯೂಸ್ ಸಹಯೋಗದಲ್ಲಿ ರಾಜಾಜಿನಗರದ ನವರತನ್ ಜ್ಯುವೆಲರ್ಸ್ ಮಳಿಗೆಯಲ್ಲಿ ಸ್ಪರ್ಧೆ ನಡೆಯಲಿದೆ. ಈಗಾಗಲೇ 30 ಮಂದಿ ಹೆಸರು ನೋಂದಾಯಿಸಿಕೊಂಡಿದ್ದು, ಬ್ರೖೆಡಲ್ ವೇರ್, ಕಾಂಟೆಂಪರರಿ ಹಾಗೂ ಕಾರ್ಪೇರೇಟ್ ವೇರ್ನಲ್ಲಿ ಮಿಂಚಲು ರೂಪದರ್ಶಿಯರು ಸಜ್ಜಾಗಿದ್ದಾರೆ. ಈ ಸ್ಪರ್ಧೆಯಲ್ಲಿ ಭಾಗವಹಿಸಿದವರಿಗೆ ಭವಿಷ್ಯದಲ್ಲಿ ಸಿನಿಮಾ, ಜಾಹೀರಾತು, ಪ್ರತಿಷ್ಠಿತ ಫ್ಯಾಷನ್ ಷೋಗಳಲ್ಲಿ ಭಾಗವಹಿಸಲು ಅವಕಾಶ ಸಿಗುವ ಸಾಧ್ಯತೆಗಳಿವೆ. ಎಲ್ಲ ಪ್ರತಿಭೆಗಳೂ ಒಂದೊಂದು ವಜ್ರಗಳೇ ಎಂದು ಸಂಸ್ಥೆಯ ಉಪಾಧ್ಯಕ್ಷ ಅರುಣ್ ಕುಮಾರ್ ತಿಳಿಸಿದ್ದಾರೆ.
