ಜಗತ್ತು ಶಾಂತಿ ಮತ್ತು ಸಂತೋಷ ಬಯಸುತ್ತಿದ್ದು ಮಹಿಳಾ ಸಬಲೀಕರಣ ಅಗತ್ಯ, ಸಾವಿತ್ರಿ ಬಾಯಿ ಪುಲೆ ಹೆಣ್ಮಕ್ಕಳ ಶಿಕ್ಷಣಕ್ಕೆ ಪ್ರೋತ್ಸಾಹ ನೀಡಿದ್ದು ಪ್ರಧಾನಿಯೂ ಆ ಕಾರ್ಯದಲ್ಲಿ ನಿರತರಾಗಿದ್ದಾರೆ. ಮೋದಿ ಆಡಳಿತಾವಧಿಯಲ್ಲಿ ಭಾರತ ಸೂಪರ್ ಪವರ್ ಆಗುವುದರಲ್ಲಿ ಸಂಶಯವಿಲ್ಲ. ತಾನು ಕಲಬುರಗಿ ಸ್ಲಂ ಪ್ರದೇಶದಲ್ಲಿ ಹುಟ್ಟಿದೆ. ತಂದೆ ಸ್ವಾತಂತ್ರೃ ಹೋರಾಟಗಾರರಾಗಿದ್ದರೆ, ತಾಯಿ ಬೀದಿಬದಿ ಹಣ್ಣು ಮತ್ತು ತರಕಾರಿ ಮಾರಾಟ ಮಾಡುತ್ತಿದ್ದರು. ಐವರು ಸಹೋದರಿಯರು ಪಿಎಚ್.ಡಿ ಮಾಡಿ ವಿವಿಧ ವಿಶ್ವವಿದ್ಯಾಲಯಗಳಲ್ಲಿ ಕೆಲಸ ಮಾಡುತ್ತಿದ್ದರೆ, ಓರ್ವ ಸಹೋದರಿ ತಾಯಿಯ ವ್ಯವಹಾರದ ಜತೆ ನಿಂತಿದ್ದಾರೆ. ಪದ್ಮಶ್ರೀ ಪುರಸ್ಕಾರ ಕರ್ನಾಟಕ ಮತ್ತು ಕಲಬುರ್ಗಿ ಜನತೆಗೆ ಅರ್ಪಿಸಿದ್ದೇನೆ. ರೋಗಿಗಳೇ ತನಗೆ ದೇವರು. ಮಾಧ್ಯಮಗಳು ಪ್ರತಿ ಸಂದರ್ಭದಲ್ಲೂ ಕುಟುಂಬದ ಜತೆಗಿದ್ದು ಸಕಾರಾತ್ಮಕ ವರದಿ ಪ್ರಕಟಿಸಿದ್ದು ಪದ್ಮಶ್ರೀ ಪುರಸ್ಕಾರ ಲಭಿಸುವಂತೆ ಮಾಡಿತು ಎಂದರು.
