ಕೆಆರ್ ಪುರಂನಿಂದ ವೈಟ್ಫೀಲ್ಡ್ವರೆಗಿನ ನೂತನ ಮಾರ್ಗ ಬರೊಬ್ಬರಿ 4500 ಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗಿದ್ದು ನೂತನ ನೇರಳ ಮಾರ್ಗ 13.75 ಕಿಲೋಮೀಟರ್ ಉದ್ದವಿದೆ. ಈಗಾಗಲೇ ಕೆಆರ್ ಪುರಂನಿಂದ ವೈಟ್,ಫೀಲ್ಡ್ ನಡುವೆ 12 ಮೆಟ್ರೋ ನಿಲ್ದಾಣಗಳನ್ನು ಬಿಎಂಆರ್ಸಿಎಲ್ ನಿರ್ಮಿಸಿದೆ. ಈ ಮಾರ್ಗದಿಂದ ಐಟಿ ಕಾರಿಡಾರ್ಗೆ ಅನುಕೂಲವಾಗಲಿದ್ದು ಮಾರತ್ಹಳ್ಳಿ, ಕೆಆರ್ಪುರಂ, ಐಟಿಪಿಎಲ್ ಸುತ್ತಮುತ್ತಲೂ ಇರುವ ಐಟಿ ಉದ್ಯೋಗಿಗಳ ಹಾಗೂ ಸಾರ್ವಜನಿಕರ ಸಂಚಾರಕ್ಕೆ ಸಹಾಯವಾಗಲಿದೆ. ಈ ಪ್ರದೇಶದಲ್ಲಿ ಕನಿಷ್ಟ 20ರಿಂದ 25 ಬೃಹತ್ ಕಂಪನಿಗಳಿದ್ದು ಅಲ್ಲಿ ಲಕ್ಷಾಂತರ ಉದ್ಯೋಗಿಗಳು ಕೆಲಸ ಮಾಡುತ್ತಿದ್ದಾರೆ. ಅವರೆಲ್ಲರೂ ಈಗಲೂ ಕ್ಯಾಬ್ ಹಾಗು ಬಸ್ಗಳಲ್ಲಿ ಸಂಚರಿಸುತ್ತಿದ್ದು ಮೆಟ್ರೋ ಆರಂಭಿಸುವುದರಿಂದ ಸಂಚಾರ ದಟ್ಟಣೆ ಕ್ಷೀಣಿಸಲಿದೆ ಎಂದು ಲೆಕ್ಕಹಾಕಲಾಗಿದೆ.
