ಕೊನೆಗೂ ಬಯಲಾಯ್ತು ಡಿವೋರ್ಸ್​ ಕಾರಣ: ನಾಗಚೈತನ್ಯ 2ನೇ ಮದ್ವೆ ಬೆನ್ನಲ್ಲೇ ವರ್ಷಗಳ ಪ್ರಶ್ನೆಗೆ ಸಿಕ್ತು ಉತ್ತರ! Naga Chaitanya

Naga Chaitanya : ನಟಿ ಸಮಂತಾ ಜತೆ ವಿಚ್ಛೇದನ ಪಡೆದುಕೊಂಡ ಬಳಿಕ ನಟ ನಾಗಚೈತನ್ಯ, ನಟಿ ಶೋಭಿತಾ ಧೂಳಿಪಲ ಅವರನ್ನು ಪ್ರೀತಿಸಿ, ಇತ್ತೀಚೆಗಷ್ಟೇ ಮದುವೆಯಾಗಿದ್ದು ನಿಮಗೆಲ್ಲರಿಗೂ ಗೊತ್ತೇ ಇದೆ. ಕೆಲಕಾಲ ಪ್ರೀತಿಸುತ್ತಿದ್ದ ಇವರಿಬ್ಬರು ಮನೆಯವರನ್ನು ಒಪ್ಪಿಸಿ, ಡಿಸೆಂಬರ್ 4ರಂದು ಮದುವೆಯಾದರು. ಸದ್ಯ, ನಾಗಚೈತನ್ಯ-ಶೋಭಿತಾ ಅವರ ಮದುವೆಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ಅಂದಹಾಗೆ ನಾಗಚೈತನ್ಯ ಮತ್ತು ಶೋಭಿತಾ ತಮ್ಮ ಪ್ರೀತಿಯ ಬಗ್ಗೆ ಎಲ್ಲರಿಗೂ ಅಧಿಕೃತವಾಗಿ ತಿಳಿಸಿದ ನಂತರ, ಇಬ್ಬರೂ ತಮ್ಮ ಸಂದರ್ಶನಗಳಲ್ಲಿ ಹೆಚ್ಚಾಗಿ ಮಕ್ಕಳು ಮತ್ತು ಮದುವೆಯ ಬಗ್ಗೆ ಮಾತನಾಡಲು ಶುರು ಮಾಡಿದರು.

ಇತ್ತೀಚೆಗಷ್ಟೇ ತಮ್ಮ ಚಿತ್ರದ ಪ್ರಚಾರದ ವೇಳೆ ನೀಡಿದ ಸಂದರ್ಶನದಲ್ಲಿ ಶೋಭಿತಾ, ನಾನು ತಾಯಿಯಾಗಬೇಕು. ಹೀಗಾಗಿ ಮದುವೆಯಾಗಿ ಮಕ್ಕಳು ಮಾಡಿಕೊಳ್ಳಬೇಕು ಎಂದಿದ್ದರು. ನಮ್ಮ ಸಂಪ್ರದಾಯದಂತೆ ಮದುವೆಯಾಗುತ್ತೇನೆ. ಕುಟುಂಬಕ್ಕೆ ಹೆಚ್ಚಿನ ಮೌಲ್ಯವನ್ನು ನೀಡುತ್ತೇನೆ ಎಂದು ಹೇಳಿದ್ದರು.

ಇತ್ತೀಚೆಗಷ್ಟೇ ರಾಣಾ ದಗ್ಗುಬಾಟಿ ಅವರ ಟಾಕ್ ಶೋನಲ್ಲಿ ನಾಗಚೈತನ್ಯ ಕೂಡ ಮಾತನಾಡಿದ್ದರು. ನನಗೆ ಒಂದು ಅಥವಾ ಎರಡು ಮಕ್ಕಳು ಬೇಕು. 50 ವರ್ಷವಾದಾಗ ಹೆಂಡತಿ ಮಕ್ಕಳೊಂದಿಗೆ ನೆಮ್ಮದಿಯಿಂದ ಸಮಯವನ್ನು ಕಳೆಯಬೇಕು. ಅದರಲ್ಲೂ ನಾನು ಮಕ್ಕಳೊಂದಿಗೆ ಹೆಚ್ಚು ಸಮಯ ಕಳೆಯಬೇಕು ಎಂದು ಹೇಳಿದರು. ಶೋಭಿತಾ ಅವರು ಎರಡ್ಮೂರು ಸಂದರ್ಶನಗಳಲ್ಲಿ ಮಕ್ಕಳು ಮತ್ತು ತಾಯ್ತನದ ಬಗ್ಗೆ ಮಾತನಾಡಿದ್ದರು.

ಇದನ್ನೂ ಓದಿ: ನೀವು ಅಡುಗೆಗೆ ಪಾಮ್​ ಆಯಿಲ್​ ಬಳಸುತ್ತಿದ್ದೀರಾ? ಹಾಗಾದರೆ ಈ ವಿಚಾರ ನಿಮಗೆ ತಿಳಿದಿರಲೇಬೇಕು! Palm Oil

ನಾಗಚೈತನ್ಯ ಮತ್ತು ಶೋಭಿತಾ ಹೋದಲೆಲ್ಲ ಮಕ್ಕಳ ಬಗ್ಗೆ ಯಾಕೆ ಹೆಚ್ಚು ಮಾತನಾಡುತ್ತಿದ್ದಾರೆ ಎಂಬುದು ಈಗ ಚರ್ಚೆಯ ವಿಷಯವಾಗಿದೆ. ಈ ಹಿಂದೆ ನಾಗಚೈತನ್ಯ-ಸಮಂತಾ ಡಿವೋರ್ಸ್​ ಹಿಂದಿನ ಕಾರಣಗಳ ಬಗ್ಗೆ ಹಲವು ಸುದ್ದಿಗಳು ಹರಿದಾಡಿದ್ದವು. ಚೈತನ್ಯ ಮತ್ತು ಅಕ್ಕಿನೇನಿ ಕುಟುಂಬ ಮಕ್ಕಳು ಬೇಕು ಅಂದಿದ್ದಕ್ಕೆ ಸಮಂತಾ ಒಪ್ಪಿಗೆ ನೀಡದ ಹಿನ್ನೆಲೆಯಲ್ಲಿ ಡಿವೋರ್ಸ್​ ಆಗಿದೆ ಎಂಬ ವದಂತಿಯೂ ಹರಿದಾಡಿತ್ತು.

ಸಮಂತಾ ಜೊತೆ ಬ್ರೇಕ್ ಅಪ್ ಆದ ನಂತರ ಮತ್ತೆ ಪ್ರೀತಿಯಲ್ಲಿ ಬಿದ್ದ ಚೈತು ಈ ಬಾರಿ ತೆಲುಗು ಹುಡುಗಿ ಶೋಭಿತಾಳನ್ನು ಸಾಂಪ್ರದಾಯಿಕ ರೀತಿಯಲ್ಲಿ ಮದುವೆಯಾದರು. ಶೋಭಿತಾ ಮತ್ತು ಚೈತು ತಮ್ಮ ಸಂದರ್ಶನಗಳಲ್ಲಿ ಮದುವೆ ಮತ್ತು ಮಕ್ಕಳ ಬಗ್ಗೆ ಸಾಕಷ್ಟು ಮಾತನಾಡಿದ್ದಾರೆ, ಆದ್ದರಿಂದ ಅಭಿಮಾನಿಗಳು ಮತ್ತು ನೆಟ್ಟಿಗರು ಸಮಂತಾ ಬಗ್ಗೆ ಕೇಳಿಬಂದ ವದಂತಿಗಳು ನಿಜವೇ ಎಂದು ಆಶ್ಚರ್ಯ ಪಡುತ್ತಿದ್ದಾರೆ.

ಸಮಂತಾ-ನಾಗಚೈತನ್ಯ ಬ್ರೇಕಪ್‌ಗೆ ಕಾರಣಗಳು ತಿಳಿದುಬಂದಿಲ್ಲ, ಆದರೆ ವದಂತಿಗಳ ಪ್ರಕಾರ, ಚೈತು ಮತ್ತು ಶೋಭಿತಾ ಮಕ್ಕಳ ಬಗ್ಗೆ ಮಾತನಾಡುತ್ತಿರುವಾಗ, ಚೈತು ಮತ್ತು ಸಮಂತಾ ನಡುವೆ ಮಕ್ಕಳ ವಿಷಯದಲ್ಲಿ ಭಿನ್ನಾಭಿಪ್ರಾಯಗಳನ್ನು ಮೂಡಿರಬಹುದು ಎಂದು ನಂಬಲಾಗಿದೆ. (ಏಜೆನ್ಸೀಸ್​)

https://www.vijayavani.net/palm-oil-are-you-using-palm-oil-if-you-knew-this-you-wouldnt-use-it-at-all

https://www.vijayavani.net/17-year-old-earns-rs-16-lakhs-in-his-account-every-month-works-for-just-three-hours