ಕುಸ್ತಿಪಟು ಬಜರಂಗ್ ಪೂನಿಯಾಗೆ ನಾಲ್ಕು ವರ್ಷ ನಿಷೇಧ ವಿಧಿಸಿದ NADA! ಯಾಕೆ? ಇಲ್ಲಿದೆ ಮಾಹಿತಿ..

ನವದೆಹಲಿ: ಇದೇ ವರ್ಷ ಮಾ.10ರಂದು ರಾಷ್ಟ್ರೀಯ ತಂಡಕ್ಕೆ ಆಯ್ಕೆಯ ಪ್ರಯೋಗಗಳ ಸಂದರ್ಭದಲ್ಲಿ ಮೂತ್ರದ ಮಾದರಿಯನ್ನು ನೀಡಲು ನಿರಾಕರಿಸಿದ್ದಕ್ಕಾಗಿ ರಾಷ್ಟ್ರೀಯ ಉದ್ದೀಪನ ನಿರೋಧಕ ಸಂಸ್ಥೆ(NADA)) ಟೋಕಿಯೋ ಒಲಂಪಿಕ್ಸ್​ ಕಂಚಿನ ವಿಜೇತ ​ಕುಸ್ತಿಪಟು ಬಜರಂಗ್ ಪೂನಿಯಾ ಅವರನ್ನು ನಾಲ್ಕು ವರ್ಷಗಳ ಕಾಲ ಅಮಾನತುಗೊಳಿಸಿದೆ.

ಈ ವರ್ಷದ ಏಪ್ರೀಲ್​ನಲ್ಲಿ ಬಜರಂಗ್​ ಪೂನಿಯಾ ಅವರನ್ನು ತಾತ್ಕಾಲಿಕವಾಗಿ NADA ಅಮಾನತು ಮಾಡಿತ್ತು. ಇದರ ಬೆನ್ನಲ್ಲೆ, ವಿಶ್ವ ಕುಸ್ತಿ ಆಡಳಿತ ಮಂಡಳಿ ಕೂಡ ಅಮಾನತು ಮಾಡಿತ್ತು. ಹೀಗಾಗಿ, ಇದರ ವಿರುದ್ಧ ಬಜರಂಗ್​ ಮೇಲ್ಮನವಿಯನ್ನು ಸಲ್ಲಿಸಿದ್ದರು. ಬಳಿಕ ಇವರ ಅಮಾನತು ರದ್ದುಗೊಳಿಸಿತ್ತು. ನಾಡಾದ ಆರೋಪಗಳಿಗೆ ಬಜರಂಗ್​ ಪರ ಸಲ್ಲಿಸಿದ್ದ ಅರ್ಜಿಗಳ ಪರಿಶೀಲನೆ ಮಾಡಿ, ಬಳಿಕ ಸೆ.24 ಮತ್ತು ಆ.4 ರಂದು ನಡೆದ ವಿಚಾರಣೆಗಳ ಏಪ್ರೀಲ್​ 24ರ 2024 ರಿಂದ ನಾಲ್ಕು ವರ್ಷಗಳ ಅನರ್ಹತೆಯ ಅವಧಿಯನ್ನು ಜಾರಿಗೊಳಿಸಲು ಇದೀಗ ತೀರ್ಪು ನೀಡಿದೆ.

ಕಲಂ 10.3.1 ರ ಅಡಿಯಲ್ಲಿ ನಿರ್ಬಂಧಗಳಿಗೆ ಕೀಡಾಪಟು ಹೊಣೆಗಾರನಾಗಿರುತ್ತಾನೆ ಮತ್ತು 4 ವರ್ಷಗಳ ಅವಧಿಗೆ ಅನರ್ಹತೆಗೆ ಹೊಣೆಯಾಗುತ್ತಾನೆ ಎಂದು ಸಮಿತಿಯು ಹೇಳಿದೆ ಎಂದು NADA ಯ ವಿರೋಧಿ ಶಿಸ್ತಿನ ಡೋಪಿಂಗ್ ಪ್ಯಾನೆಲ್ (ADDP) ತನ್ನ ಆದೇಶದಲ್ಲಿ ಹೇಳಿದೆ.

ಇದನ್ನೂ ಓದಿ: RCB ಅಂದ್ರೆ ಕೇವಲ… ಹರಾಜಿನಲ್ಲೂ ಕೈಬಿಟ್ಟ ನೆಚ್ಚಿನ ತಂಡವನ್ನು ನೆನೆದು ಸಿರಾಜ್​ ಆಡಿದ ಭಾವುಕ ಮಾತುಗಳಿವು…

ಬಜರಂಗ್​ ಪರ ವಾದ ಮಂಡಿಸಿದ ಸದಸ್ಯರು, ಬಜರಂಗ್​ ತನ್ನ ನಿರಾಕರಣೆ ಉದ್ದೇಶಪೂರ್ವಕವಾಗಿಲ್ಲ, ಆದರೆ, ನಾಡಾದ ಪ್ರಕ್ರಿಯಗಳ ಮೇಲೆ ನಂಬಿಕೆ ಕೊರತೆಯಿಂದ ಇದು ಆಗಿದೆ. ಇದು ಸಂಪೂರ್ಣ ನಿರಾಕರಣೆಯಲ್ಲ, ಅವಧಿ ಮೀರಿದ ಪರೀಕ್ಷಾ ಕಿಟ್​ಗಳನ್ನು ಒದಗಿಸಿದ ನಿದರ್ಶನಗಳನ್ನು ಉಲ್ಲೇಖಿಸಿ ವಾದ ಮಂಡಿಸಿದರು. ಅಲ್ಲದೆ, ಭಾರತ ಕುಸ್ತಿ ಆಡಳಿತ ಮಂಡಳಿಯ ಮಾಜಿ ಅಧ್ಯಕ್ಷ ಬ್ರಿಜ್​ ಭೂಷಣ್​ ಶರಣ್​ ಸಿಂಗ್​ ವಿರುದ್ಧದ ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದರಿಂದ ಪರಿಸ್ಥಿತಿ ಇದಾಗಿದೆ ಎಂದು ಹೇಳಿದ್ದಾರೆ.

ಇದಕ್ಕೆ ಉತ್ತರಿಸಿದ ನಾಡಾ, ಅಥ್ಲೀಟ್​ನ ಕ್ರಮಗಳು ಉದ್ದೇಶ ಪೂರ್ವಕವಾಗಿದೆ ಎಂದು ಸ್ಪಷ್ಟವಾಗಿ ಮೇಲ್ನೋಟಕ್ಕೆ ಕಾಣಿಸುತ್ತದೆ. ಅಲ್ಲದೆ, ಆ್ಯಂಟಿ ಡೋಪಿಂಗ್​ ಜವಬ್ದಾರಿಗಳ ಆರ್ಟಿಕಲ್​ 2021ರ ನಿಯಮಗಳಮ ಪ್ರಕಾರ 20.1 ಮತ್ತು 20.2 ನಿಯಮಗಳನ್ನು ಉಲ್ಲಂಘನೆಯಾಗಿದೆ. ಹೀಗಾಗಿ, ಅವರು ಅಮಾನತಿಗೆ ಹೊಣೆಯಾಗಬೇಕಾಗುತ್ತದೆ ಎಂದು ಹೇಳಿದೆ, (ಏಜೆನ್ಸೀಸ್​).

https://www.vijayavani.net/rcb-is-just-these-are-sirajs-emotional-words-while-remembering-his-favorite-team-that-was-also-dropped-in-the-auction