ಕರ್ನಾಟಕದ RGUHS ಕಾಲೇಜುಗಳ ಎಲ್ಲಾ ಕಾರ್ಯಕ್ರಮಗಳಲ್ಲಿ ನಾಡಗೀತೆ ಹಾಗೂ ರಾಷ್ಟ್ರಗೀತೆ ಕಡ್ಡಾಯ!

RGUHS : ರಾಜೀವ್​ ಗಾಂಧಿ ಆರೋಗ್ಯ ವಿಜ್ಞಾನ ವಿಶ್ವವಿದ್ಯಾಲಯ (RGUHS) ತನ್ನ ಅಂಗಸಂಸ್ಥೆಯಲ್ಲಿರುವ ಎಲ್ಲಾ ಕಾಲೇಜುಗಳಿಗೆ ಸುತ್ತೋಲೆ ಹೊರಡಿಸಿದ್ದು, ಯಾವುದೇ ಕಾರ್ಯಕ್ರಮದ ಆರಂಭದಲ್ಲಿ ನಾಡಗೀತೆಯನ್ನು ಹಾಡಬೇಕು ಹಾಗೂ ರಾಷ್ಟ್ರಗೀತೆಯಲ್ಲಿ ಕಾರ್ಯಕ್ರಮ ಕೊನೆಗೊಳ್ಳಬೇಕು ಎಂದು ಆದೇಶ ನೀಡಿದೆ.

ಇದನ್ನೂ ಓದಿ: “ಪ್ರೀತಿ ಹೀಗೆಯೇ ಮುಂದುವರಿಯಬೇಕು, ನಾನು ಇನ್ನೇನು ಹೇಳಲಿ?” ವಿರಾಟ್ ಲೈಕಿಗೆ ಪ್ರತಿಕ್ರಿಯಿಸಿದ ನಟಿ ಅವನೀತ್ ಕೌರ್ Virat Kohli

ಯಾವುದೇ ಸಾರ್ವಜನಿಕ ಕಾರ್ಯಕ್ರಮದಲ್ಲಿ ನಾಡಗೀತೆ ಹೇಳುವುದು ರಾಜ್ಯ ಸರ್ಕಾರ ಸೂಚಿಸಿದ ಪ್ರೋಟೋಕಾಲ್​ನ ಭಾಗವಾಗಿದೆ. ಕೆಲವು ಕಾಲೇಜುಗಳು ಈ ಪ್ರೋಟೋಕಾಲ್​ ಪಾಲಿಸುತ್ತಿಲ್ಲ ಎಂದು RGUHS ಅಧಿಕಾರಿಗಳು ಒಪ್ಪಿಕೊಂಡಿದ್ದು, ಈ ವಿಚಾರದಿಂದಾಗಿ ಸುತ್ತೋಲೆ ಹೊರಡಿಸಿ, ಸಾರ್ವಜನಿಕ ಕಾರ್ಯಕ್ರಮದಲ್ಲಿ ನಾಡಗೀತೆ ಹಾಗೂ ರಾಷ್ಟ್ರಗೀತೆ ನುಡಿಸುವ ಮೂಲಕ ವಿದ್ಯಾರ್ಥಿಗಳು ಹಾಗೂ ಸಿಬ್ಬಂದಿಗಳಲ್ಲಿ ದೇಶ ಪ್ರೇಮವನ್ನು ತುಂಬುವುದು ಇದರ ಮುಖ್ಯ ಉದ್ದೇಶವಾಗಿದೆ.

ಇದನ್ನೂ ಓದಿ: ಒಂದು ಪ್ಯಾಕೆಟ್​​ ಪಾರ್ಲೆ ಜಿ ಬೆಲೆ 370 ರೂ.! ಬೆಚ್ಚಿಬಿದ್ದ ಭಾರತೀಯರು.. parle g

ದೇಶಾದ್ಯಂತ ವಿವಿಧ ರಾಜ್ಯಗಳನ್ನು ಪ್ರತಿನಿಧಿಸುವ ವಿದ್ಯಾರ್ಥಿಗಳು ಈ ಸಂಸ್ಥೆಯಲ್ಲಿ ವ್ಯಾಸಂಗ ಮಾಡುತ್ತಿದ್ದಾರೆ ಹಾಗೇ ಅವರು ಕರ್ನಾಟಕದ ಸಂಸ್ಕೃತಿಯೊಂದಿಗೆ ಪರಿಚಿತರಾಗುವುದು ಮುಖ್ಯ ಎಂದು ಆರ್​ಜಿಯುಎಚ್​ಎಸ್​ ಉಪಕುಲಪತಿ ಡಾ. ಬಿ.ಸಿ ಭಗವಾನ್​​ ತಿಳಿಸಿದ್ದಾರೆ.

ಇದಲ್ಲದೇ, ಸಭೇ ಸಮಾರಂಭದಲ್ಲಿ ಶಾಲು, ಹೂವು, ಹಣ್ಣು ನೀಡಿ, ಗೌರವ ತೋರಿಸುವುದರ ಬದಲಿಗೆ ಅವರಿಗೆ ವೈದ್ಯಕೀಯ ಪುಸ್ತಕಗಳನ್ನು ನೀಡಿ. ನಾವು ಹಲವಾರು ವೈದ್ಯಕೀಯ ಪುಸ್ತಕಗಳನ್ನು ಹೊಂದಿರಬೇಕು. ಉಡುಗೊರೆಯಾಗಿ ಬಂದಂತಹ ಪುಸ್ತಕಗಳನ್ನು ಅಗತ್ಯ ಇರುವಂತಹ ಯಾವುದಾದರೂ ಸರ್ಕಾರಿ ವೈದ್ಯಕೀಯ ಕಾಲೇಜುಗಳಿಗೆ ನೀಡಬೇಕು ಎಂದು​ ತಿಳಿಸಿದರು. (ಏಜೆನ್ಸೀಸ್​)

https://www.vijayavani.net/sexual-assault-case-22-year-old-man-arrested