ಬಿಸಿಸಿಐ ಮೂಲಕ ಪ್ರಧಾನ ಮಂತ್ರಿ ಪರಿಹಾರ ನಿಧಿಗೆ 50 ಲಕ್ಷ ಹಾಗೂ ಕರ್ನಾಟಕ ಮುಖ್ಯಮಂತ್ರಿ ಪರಿಹಾರ ನಿಧಿಗೆ 50 ಲಕ್ಷ ನೀಡುತ್ತಿದ್ದು, ಈ ಹಂತದಲ್ಲಿ ಎರಡು ಸರ್ಕಾರಗಳಿಗೆ ಬೆಂಬಲ ನೀಡುತ್ತಿರುವುದಾಗಿ ಕೆಎಸ್ಸಿಎ ವಕ್ತಾರ ವಿನಯ್ ಮೃತ್ಯುಂಜಯ ತಿಳಿಸಿದ್ದಾರೆ. ಜತೆಗೆ ಕರ್ನಾಟಕ ಸರ್ಕಾರ ಯಾವುದೇ ರೀತಿಯ ನೆರವು ನಿರೀಕ್ಷಿಸಿದರೂ ಕೆಎಸ್ಸಿಎ ಸದಾ ಬೆಂಬಲ ನೀಡಲಿದ್ದು, ಎಲ್ಲ ಹಂತದಲ್ಲೂ ಸಂಪೂರ್ಣ ಸಹಕಾರ ನೀಡಲಿದ್ದೇವೆ ಎಂದರು. ಶನಿವಾರವಷ್ಟೇ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) 51 ಕೋಟಿ ರೂಪಾಯಿ ನೆರವು ಘೊಷಿಸಿತ್ತು. ಇದಕ್ಕೂ ಮೊದಲು ಬಂಗಾಳ, ಮುಂಬೈ, ಸೌರಾಷ್ಟ್ರ ಕ್ರಿಕೆಟ್ ಸಂಸ್ಥೆಗಳು ದೇಣಿಗೆ ನೀಡುವುದಾಗಿ ಘೊಷಿಸಿದ್ದವು.
