ಮಹಾರಾಷ್ಟ್ರದ ಮುಂಬೈ ಪೊಲೀಸರು ಈ ಗ್ಯಾಂಗ್ನ್ನು ಬಂಧಿಸಿದ್ದಾರೆ. ಯುವಕರೇ ತುಂಬಿರುವ ಈ ಗ್ಯಾಂಗ್ ಹೆಣ್ಣು ಮಕ್ಕಳ ಹೆಸರಿನಲ್ಲಿ ನಕಲಿ ಫೇಸ್ಬುಕ್ ಖಾತೆಯನ್ನು ತೆರೆಯುತ್ತಿತ್ತು. ಅದರಲ್ಲಿ ಗಣ್ಯರಿಗೆ ರಿಕ್ವೆಸ್ಟ್ ಕಳುಹಿಸಿ ಅವರ ಸ್ನೇಹ ಬೆಳೆಸಿಕೊಳ್ಳುತ್ತಿತ್ತು. ಅದಾದ ನಂತರ ಅವರ ಕಾಂಟ್ಯಾಕ್ಟ್ ನಂಬರನ್ನೂ ಪಡೆದುಕೊಳ್ಳುತ್ತಿತ್ತು. ವೀಕೆಂಡ್ಗಳಲ್ಲಿ ಅವರ ನಂಬರ್ಗೆ ವಾಟ್ಸ್ಆ್ಯಪ್ ವಿಡಿಯೋ ಕಾಲ್ ಮಾಡಿ, ಒಂದಿಷ್ಟು ಪೋರ್ನ್ ವಿಡಿಯೋಗಳನ್ನು ತೋರಿಸಲಾಗುತ್ತಿತ್ತು. ಆ ವಿಡಿಯೋಗಳನ್ನು ಗಣ್ಯರು ಕಣ್ಣು ಬಾಯಿ ಬಿಟ್ಟಿಕೊಂಡು ನೋಡಿ, ಜೊಲ್ಲು ಸುರಿಸುವ ವಿಡಿಯೋವನ್ನು ರೆಕಾರ್ಡ್ ಮಾಡಿಕೊಳ್ಳಲಾಗುತ್ತಿತ್ತು. ಅದಾದ ನಂತರ ಪೋರ್ನ್ ವಿಡಿಯೋಗೆ ಅವರ ವಿಡಿಯೋವನ್ನು ಸೇರಿಸಿ, ಎಡಿಟ್ ಮಾಡಿ ಅವರಿಗೆ ಕಳುಹಿಸಲಾಗುತ್ತಿತ್ತು. ಒಂದು ವೇಳೆ ನೀವು ನಾವು ಕೇಳಿದಷ್ಟು ಹಣ ಕೊಡದಿದ್ದಾರೆ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿಬಿಡುತ್ತೇವೆ ಎಂದು ಬ್ಲ್ಯಾಕ್ಮೇಲ್ ಮಾಡಲಾಗುತ್ತಿತ್ತು. ಮೊದಮೊದಲು ಕಡಿಮೆ ಹಣ ಬೇಡಿಕೆ ಇಡಲಾಗುತ್ತಿತ್ತು. ಒಮ್ಮೆ ಅವರ ಪ್ಲ್ಯಾನ್ ವರ್ಕ್ಔಟ್ ಆದ ನಂತರ ಹೆಚ್ಚಿನ ಹಣವನ್ನು ಬೇಡಿಕೆ ಇಡಲಾಗುತ್ತಿತ್ತು.
