ದೇಶಕ್ಕೀಗ ಹದಿಹರೆಯ, ಸಾಧಿಸಬೇಕಾದ್ದು ಬಹಳಷ್ಟಿದೆ- ಸಂಸದರ ಫ್ಲ್ಯಾಟ್ ಕಟ್ಟಡ ಉದ್ಘಾಟಿಸಿ ಪ್ರಧಾನಿ

ನವದೆಹಲಿ: ರಾಷ್ಟ್ರರಾಜಧಾನಿಯಲ್ಲಿ ಸಂಸದರ ವಸತಿ ಸೌಕರ್ಯಕ್ಕಾಗಿ ನಿರ್ಮಿಸಿರುವ ಬಹುಮಹಡಿಯ ಫ್ಲಾಟ್​ ಕಟ್ಟಡವನ್ನು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಸೋಮವಾರ ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಉದ್ಘಾಟಿಸಿದರು. 80 ವರ್ಷ ಹಳೆಯ ಬಂಗಲೆಗಳ ಜಾಗದಲ್ಲಿ ಈ 76 ಮಹಡಿಯ ಫ್ಲ್ಯಾಟ್​ಗಳ ಕಟ್ಟಡ ತಲೆಎತ್ತಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ಪ್ರಧಾನಿ ಮೋದಿ, ಕೇಂದ್ರದಲ್ಲಿ ಬಿಜೆಪಿ ಸರ್ಕಾರ ಅಸ್ತಿತ್ವಕ್ಕೆ ಬಂದ ನಂತರದಲ್ಲಿ ಲೋಕಸಭೆ ಕಲಾಪದ ಮೂಲಕ ಗರಿಷ್ಠ ಮಟ್ಟದ ಫಲ ಉಂಟಾಗಿದ್ದು, ದೇಶದಲ್ಲಿ ಐತಿಹಾಸಿಕವೆನಿಸುವ ಅಭಿವೃದ್ಧಿ ಕಾರ್ಯಗಳು ನಡೆಯತೊಡಗಿವೆ. ಬದಲಾವಣೆಗಳು ಆಗತೊಡಗಿವೆ ಎಂದು ಹೇಳಿದರು.

ಇದನ್ನೂ ಓದಿ: ಲವ್​ ಜಿಹಾದ್ ಕಾನೂನು- ವಿವಾಹದ ಹಿಂದಿನ ಪಿತೂರಿ ತಡೆಯುವ ಉದ್ದೇಶದ್ದು ಬಿಜೆಪಿ ನಾಯಕ ವಿಜಯವರ್ಗೀಯ

ಲೋಕಸಭೆಯ 16 ಮತ್ತು 18 ನೇ ಅವಧಿ (2014-29) ಯನ್ನು ಹದಿಹರೆಯಕ್ಕೆ ಹೋಲಿಸಿದ ಅವರು, ದೇಶವೂ ಈಗ ಹದಿಹರೆಯದಲ್ಲಿದ್ದು, ಭವಿಷ್ಯ ರೂಪಿಸಿಕೊಳ್ಳುತ್ತಿದೆ. ಆತ್ಮನಿರ್ಭರ ಅಭಿಯಾನ, ಆರ್ಥಿಕ ಪ್ರಗತಿ ಹೀಗೆ ಹಲವು ವಿಚಾರಗಳಲ್ಲಿ ದೇಶಕ್ಕಾಗಿ ನಾವು ಸಾಧಿಸಬೇಕಾದ್ದು ಬಹಳಷ್ಟಿದೆ ಎಂದು ಮೋದಿ ವಿವರಿಸಿದರು. (ಏಜೆನ್ಸೀಸ್)

https://www.vijayavani.net/reopening-of-schools-in-the-state-expert-opinion/