₹ 25 ಸಾವಿರ ಕೋಟಿ ಸಾಲ ಪಡೆಯಲು ಮುಂದಾದ ರಿಲಯನ್ಸ್ ಇಂಡಸ್ಟ್ರೀಸ್; ಕಾರಣ ಏನು ಗೊತ್ತಾ? | Mukesh Ambani

ನವದೆಹಲಿ: ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮತ್ತು ಏಷ್ಯಾದ ಶ್ರೀಮಂತ ಮುಖೇಶ್ ಅಂಬಾನಿ(Mukesh Ambani) ಅವರಿಗೆ ಸಾಲದ ಅವಶ್ಯಕತೆ ಇದೆ. ಇದಕ್ಕಾಗಿ ಸುಮಾರು ಅರ್ಧ ಡಜನ್ ಬ್ಯಾಂಕ್ ಗಳೊಂದಿಗೆ ಮಾತುಕತೆ ನಡೆಸುತ್ತಿದ್ದಾರೆ. ಅವರ ಕಂಪನಿ ರಿಲಯನ್ಸ್ ಇಂಡಸ್ಟ್ರೀಸ್‌ನ ಸಾಲವನ್ನು ಮರುಪಾವತಿಸಲು ಈ ಸಾಲದ ಅಗತ್ಯವಿದೆ ಎಂದು ಬ್ಲೂಮ್‌ಬರ್ಗ್ ತನ್ನ ವರದಿಯೊಂದರಲ್ಲಿ ಈ ಮಾಹಿತಿಯನ್ನು ನೀಡಿದೆ.

ಇದನ್ನು ಓದಿ: ರಾಹುಲ್​ ಗಾಂಧಿ ಕಾಮಿಡಿ ಕಿಂಗ್​​.. ಇದು ಅವರ ಹತಾಶ ಪ್ರಯತ್ನ; ಸಚಿವ ಧರ್ಮೇಂದ್ರ ಪ್ರಧಾನ್​ ಹೀಗೆಳಿದ್ದೇಕೆ? | Dharmendra Pradhan

ಮುಖೇಶ್ ಅಂಬಾನಿ ಅವರ ಕಂಪನಿ ರಿಲಯನ್ಸ್ ಇಂಡಸ್ಟ್ರೀಸ್ ಕಂಪನಿಯು ಈ ಸಾಲವನ್ನು 2025ರ ಮೊದಲ ತ್ರೈಮಾಸಿಕದಲ್ಲಿ ಮರುಪಾವತಿಸಬೇಕಾಗುತ್ತದೆ. ಈ ಸಾಲವನ್ನು ಮರುಪಾವತಿಸಲು ಕಂಪನಿಗೆ 3 ಬಿಲಿಯನ್ ಡಾಲರ್ (ಸುಮಾರು 25,500 ಕೋಟಿ ರೂಪಾಯಿ) ಸಾಲದ ಅಗತ್ಯವಿದೆ. ಈ ಪ್ರಕ್ರಿಯೆಯಲ್ಲಿ ರಿಲಯನ್ಸ್‌ ಮತ್ತು ಹಲವು ಬ್ಯಾಂಕ್‌ಗಳೊಂದಿಗೆ ಮಾತುಕತೆ ನಡೆಯುತ್ತಿದೆ. ಕಂಪನಿಯು 25,000 ಕೋಟಿ ರೂ.ವರೆಗೆ ಸಾಲವನ್ನು ತೆಗೆದುಕೊಳ್ಳಲು ತಯಾರಿ ನಡೆಸುತ್ತಿದೆ ಎಂದು ಬ್ಲೂಮ್‌ಬರ್ಗ್ ವರದಿಯನ್ನು ಉಲ್ಲೇಖಿಸಿ ಹಿಂದೂಸ್ತಾನ್​ ಟೈಮ್ಸ್​​ ವರದಿ ಮಾಡಿದೆ.

2025ರ ಮೊದಲ ತ್ರೈಮಾಸಿಕದಲ್ಲಿ ಮಾರುಕಟ್ಟೆಯಲ್ಲಿ ಸಿಂಡಿಕೇಟ್ ಆಗುವ ಸಾಲಕ್ಕಾಗಿ ಸುಮಾರು ಅರ್ಧ ಡಜನ್ ಬ್ಯಾಂಕ್‌ಗಳು ರಿಲಯನ್ಸ್ ಗ್ರೂಪ್‌ನೊಂದಿಗೆ ಚರ್ಚೆ ನಡೆಸುತ್ತಿವೆ ಎಂದು ವರದಿ ಹೇಳಿದೆ. ಆದರೆ ಈ ಸಾಲದ ನಿಯಮಗಳ ಬಗ್ಗೆ ಇನ್ನೂ ಅಂತಿಮ ನಿರ್ಧಾರವನ್ನು ತೆಗೆದುಕೊಂಡಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ಅದರಲ್ಲಿ ಬದಲಾವಣೆಗಳಿರಬಹುದು.

ರಿಲಯನ್ಸ್ ಇಂಡಸ್ಟ್ರೀಸ್ ಸುಮಾರು $ 2.9 ಬಿಲಿಯನ್ ಸಾಲವನ್ನು ಹೊಂದಿದೆ. ಇದು 2025ರಲ್ಲಿ ಕಂಪನಿಯು ಪಾವತಿಸಬೇಕಾದ ಬಡ್ಡಿಯನ್ನು ಸಹ ಒಳಗೊಂಡಿದೆ. ಇದು ಎರಡನೇ ಬಾರಿಗೆ ಸಾಲ ಪಡೆಯಲು ಮುಂದಾಗಿದೆ, ಇದಕ್ಕೂ ಮುನ್ನ ರಿಲಯನ್ಸ್ ಇಂಡಸ್ಟ್ರೀಸ್ 2023ರಲ್ಲಿ $8 ಶತಕೋಟಿಗಿಂತ ಹೆಚ್ಚಿನ ಸಾಲವನ್ನು ತೆಗೆದುಕೊಂಡಿತ್ತು. ರಿಲಯನ್ಸ್ ಜಿಯೋ ಮತ್ತು ಅದರ ಇತರ ಅಂಗಸಂಸ್ಥೆಗಳಿಗೆ ವಿವಿಧ ಬ್ಯಾಂಕ್‌ಗಳಿಂದ ಹಣಕಾಸಿನ ನೆರವು ತೆಗೆದುಕೊಳ್ಳಲಾಗಿದೆ. ಈ ಸಾಲಗಳಿಗೆ ಸುಮಾರು 55 ಬ್ಯಾಂಕ್‌ಗಳು ಜಂಟಿಯಾಗಿ ಹಣಕಾಸು ಒದಗಿಸಿವೆ. ಬ್ಲೂಮ್‌ಬರ್ಗ್ ತನ್ನ ಡೇಟಾದಲ್ಲಿ ತಿಳಿಸಿದೆ.

ಕಂಪನಿಯ ಷೇರುಗಳ ಸ್ಥಿತಿ ಏನು?

ಕಂಪನಿಯ ಷೇರುಗಳು ಪ್ರಸ್ತುತ ಕುಸಿತದ ಹಾದಿಯಲ್ಲಿವೆ. ಸೋಮವಾರ ರಿಲಯನ್ಸ್ ಇಂಡಸ್ಟ್ರೀಸ್ ಷೇರುಗಳು 1.16% ಕುಸಿತದೊಂದಿಗೆ 1296.40 ರೂ. ತಲುಪಿದೆ. ಕಳೆದ 6 ತಿಂಗಳು ಕಂಪನಿಗೆ ತುಂಬಾ ಕಷ್ಟವಾಗಿದೆ. ಮಾರುಕಟ್ಟೆಯ ಕುಸಿತವು ರಿಲಯನ್ಸ್ ಇಂಡಸ್ಟ್ರೀಸ್ ಷೇರುಗಳ ಮೇಲೆ ಭಾರಿ ಪರಿಣಾಮ ಬೀರಿದೆ.

ಇದಕ್ಕೆ ಕಾರಣ ಏನು?

ಡಾಲರ್ ಎದುರು ಭಾರತದ ರೂಪಾಯಿ ದುರ್ಬಲವಾಗಿದೆ. ಭಾರತೀಯ ಷೇರು ಮಾರುಕಟ್ಟೆಯಿಂದ ಬಂಡವಾಳ ಹಿಂತೆಗೆದುಕೊಳ್ಳುವಿಕೆಯಿಂದಾಗಿ ಇದು ಸಂಭವಿಸಿದೆ. ಇದು ರಿಲಯನ್ಸ್ ಇಂಡಸ್ಟ್ರೀಸ್ ಮೇಲೂ ಪರಿಣಾಮ ಬೀರಿದೆ. ಇದು ಅಂತಾರಾಷ್ಟ್ರೀಯ ಸಾಲದ ಪಾವತಿಯ ಮೇಲೆ ಒತ್ತಡವನ್ನು ಹೆಚ್ಚಿಸಬಹುದು. ರಿಲಯನ್ಸ್ ಇಂಡಸ್ಟ್ರೀಸ್ ಉತ್ತಮ ಖ್ಯಾತಿಯನ್ನು ಹೊಂದಿದ್ದು, ಕಂಪನಿಯು ಸಾಲವನ್ನು ತೆಗೆದುಕೊಳ್ಳಲು ಮತ್ತು ನೀಡಲು ಹೆಚ್ಚಿನ ತೊಂದರೆಗಳನ್ನು ಎದುರಿಸಬೇಕಾಗಿಲ್ಲ ಎನ್ನಲಾಗ್ತಿದೆ.(ಏಜೆನ್ಸೀಸ್​​)

https://www.vijayavani.net/revenue-secretary-sanjay-malhotra-appointed-as-new-rbi-governor