‘ನಮ್ಮ ಚಿತ್ರದ ವಿಶೇಷವಾದ ಪೊಲೀಸ್ ಅಧಿಕಾರಿಯ ಪಾತ್ರಕ್ಕೆ ಮುಗ್ಧ ಮುಖದ ಕಲಾವಿದೆಯೊಬ್ಬರು ಬೇಕಿತ್ತು. ಅದಕ್ಕಾಗಿ ಅಭಿನಯ ಅವರನ್ನು ಆರಿಸಿಕೊಂಡೆ’ ಎನ್ನುತ್ತಾರೆ ನಿರ್ದೇಶಕ ಅನಂತ್ ಶೈನ್. ಹಾಗಾದರೆ, ಈ ಪಾತ್ರಕ್ಕೆ ಕನ್ನಡ ಚಿತ್ರರಂಗದಲ್ಲಿ ಯಾರೂ ಸಿಗಲಿಲ್ಲವೇ? ಎಂಬ ಕುತೂಹಲ ಸಹಜ. ಆ ಬಗ್ಗೆ ನಿರ್ದೇಶಕರು ಈ ವಿವರಣೆಯನ್ನು ನೀಡುತ್ತಾರೆ. ‘ಈ ಪಾತ್ರಕ್ಕೆ ಹರಿಪ್ರಿಯಾ ಸೂಕ್ತ ಎಂದುಕೊಂಡಿದ್ದೆ. ಆ ಬಗ್ಗೆ ಸಂರ್ಪಸಿದಾಗ, ಅವರು ಅದಾಗಲೇ ಪೊಲೀಸ್ ಅಧಿಕಾರಿಯ ಪಾತ್ರವೊಂದನ್ನು ನಿಭಾಯಿಸುತ್ತಿದ್ದರು. ಜತೆಗೆ ಹಲವು ಚಿತ್ರಗಳಲ್ಲಿ ಬಿಜಿಯಾಗಿದ್ದರಿಂದ ಅವರು ಲಭ್ಯ ಇರಲಿಲ್ಲ. ಈ ಪಾತ್ರಕ್ಕಾಗಿ ಕನ್ನಡಲ್ಲಿ ಸುಮಾರು 15 ನಟಿಯರನ್ನು ಕೇಳಿಕೊಂಡಿದ್ದೆ. ಆದರೆ, ನಾನಾ ಕಾರಣಗಳಿಂದ ಯಾರೂ ಸಿಗಲಿಲ್ಲ. ಹೀಗಾಗಿ ಅಭಿನಯ ಅವರನ್ನು ಆಯ್ಕೆ ಮಾಡಲಾಯಿತು’ ಎನ್ನುತ್ತಾರೆ ಅನಂತ್.
