ವಿಶ್ವಕಪ್​​ ಆರಂಭಕ್ಕೂ ಮುನ್ನ ವಾಂಖೆಡೆ ಸ್ಟೇಡಿಯಂನ 2 ಸೀಟುಗಳು ಹರಾಜು! ಇದಕ್ಕೆ ಕಾರಣ ಧೋನಿ ಸಿಕ್ಸರ್​

ಮುಂಬೈ: ವಾಂಖೆಡೆ ಸ್ಟೇಡಿಯಂ 2 ಸೀಟುಗಳನ್ನು ಹರಾಜಿನಲ್ಲಿ ಇಡಲು ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ (ಎಂಸಿಎ) ನಿರ್ಧರಿಸಿದೆ. ಅಷ್ಟಕ್ಕೂ ಈ ಸೀಟುಗಳನ್ನೇಕೆ ಹರಾಜಿನಲ್ಲಿ ಇಡಲಾಗುತ್ತಿದೆ ಎಂಬ ಕುತೂಹಲವನ್ನು ಜನರು ವ್ಯಕ್ತಪಡಿಸಿದ್ದಾರೆ. ಅದಕ್ಕೆ ವಿಶೇಷವಾದ ಕಾರಣವೂ ಇದೆ. 2011ರ ವಿಶ್ವಕಪ್​ ಟೂರ್ನಿಯ ವಿಶೇಷ ಘಟನೆ ಇದಕ್ಕೆ ಪೂರಕವಾಗಿದೆ.

2011ರ ವಿಶ್ವಕಪ್​ನಲ್ಲಿ ನಾಯಕ ಎಂ.ಎಸ್​. ಧೋನಿ ಬಾರಿಸಿದ್ದ ವಿನ್ನಿಂಗ್​ ಸಿಕ್ಸರ್​ ಈ ಎರಡು ಸೀಟುಗಳ ಮೇಲೆ ಲ್ಯಾಂಡ್​ ಆಗಿದ್ದವು. ಈ ಹಿನ್ನೆಲೆಯಲ್ಲಿ ಈ ಎರಡು ಸೀಟುಗಳನ್ನು ಹರಾಜಿನಲ್ಲಿ ಇಡಲು ಎಂಸಿಎ ನಿರ್ಧರಿಸಿದೆ.

2011ರ ವಿಶ್ವಕಪ್ ಫೈನಲ್‌ ಭಾರತ ಮತ್ತು ಶ್ರೀಲಂಕಾದ ನಡುವೆ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯಿತು. ಈ ಪಂದ್ಯವನ್ನು ಧೋನಿ ಅವರು ಅತ್ಯದ್ಭುತ ಸಿಕ್ಸರ್​ನೊಂದಿಗೆ ಕೊನೆಗೊಳಿಸಿದರು. ಇಂದಿಗೂ ಅನೇಕರು ಈ ಸಿಕ್ಸರ್​ ಅನ್ನು ನೆನಪಿಸಿಕೊಳ್ಳುತ್ತಾರೆ. ಇದೀಗ 2023ರ ವಿಶ್ವಕಪ್ ಹತ್ತಿರವಾಗುತ್ತಿದ್ದಂತೆ ಮುಂಬೈನ ವಾಂಖೆಡೆ ಸ್ಟೇಡಿಯಂ ಭರ್ಜರಿ ತಯಾರಿ ನಡೆಸುತ್ತಿದೆ. ವಿಶ್ವಕಪ್​ನ ಪಂದ್ಯಗಳಿಗೆ ನಿಗದಿಯಾಗಿರುವ ಪ್ರಮುಖ ಸ್ಥಳಗಳಲ್ಲಿ ಇದು ಕೂಡ ಒಂದಾಗಿದೆ.

ಇದನ್ನೂ ಓದಿ: ಸನಾತನ ಧರ್ಮವನ್ನು ಡೆಂಗ್ಯೂ, ಮಲೇರಿಯಾ ಎಂದು ಕರೆದ ಉದಯನಿಧಿ ಸ್ಟಾಲಿನ್‌ಗೆ ಸಂಕಷ್ಟ: ನೋಟಿಸ್ ಜಾರಿ ಮಾಡಿದ ಸುಪ್ರೀಂ ಕೋರ್ಟ್

ಇದೀಗ MCA ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ "ಐಸಿಸಿ ಕ್ರಿಕೆಟ್ ವಿಶ್ವಕಪ್ 2023 ಪಂದ್ಯಗಳಿಗಾಗಿ ವಾಂಖೆಡೆ ಸ್ಟೇಡಿಯಂನಲ್ಲಿ ಎರಡು ಸೀಟುಗಳನ್ನು ಹರಾಜಿಗೆ ಇಡಲಾಗುತ್ತದೆ. ಆ ಎರಡು ವಿಶೇಷ ಸೀಟುಗಳಿಗೆ ಎಂಎಸ್ ಧೋನಿ ಅವರ ಹೆಸರನ್ನು ಶಾಶ್ವತವಾಗಿ ಹೆಸರಿಸಲಾಗುವುದು ಮತ್ತು ಅದನ್ನು 'ಎಂಎಸ್ ಧೋನಿ ಸೀಟ್‌ಗಳು' ಎಂದು ಕರೆಯಲಾಗುತ್ತದೆ ಎಂದು ಎಂಸಿಎ ತಿಳಿಸಿದೆ.

ನಾವು ವಿಭಿನ್ನವಾಗಿರುವ ಒಂದನ್ನು ಮಾಡುತ್ತಿದ್ದೇವೆ. ಇಲ್ಲಿ ಯಾವುದೇ ಸ್ಮಾರಕವಿಲ್ಲ, ಆದರೆ ಆ ಎರಡು ಸೀಟುಗಳನ್ನು ಸುಂದರವಾಗಿ ಅಲಂಕರಿಸಲಾಗಿದೆ ಮತ್ತು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. ಈ ಸೀಟುಗಳು ಸೋಫಾ/ಕಂಫರ್ಟರ್ ರೀತಿಯಲ್ಲಿ ಇರುತ್ತದೆ. ಇವುಗಳನ್ನು ಆತಿಥ್ಯ ಸೇವೆಗಳಿಗೆ ಬಳಸಲಾಗಿದೆ. ಈ ಸೀಟುಗಳನ್ನು ಪ್ರೀಮಿಯಂಗೆ (ಬೆಲೆ) ಮಾರಾಟ ಮಾಡುತ್ತೇವೆ. ಇನ್ನು 10 ದಿನಗಳಲ್ಲಿ ಹರಾಜು ಪ್ರಕ್ರಿಯೆ ನಡೆಯಲಿದೆ ಎಂದು ಎಂಸಿಎ ಅಧ್ಯಕ್ಷ ಅಮೋಲ್ ಕಾಳೆ ಹೇಳಿದರು.

ಅಂದಹಾಗೆ ವಿಶ್ವಕಪ್​ ಅ.5 ರಿಂದ ಆರಂಭವಾಗಲಿದೆ. ಫೈನಲ್​ ಸೇರಿದಂತೆ ಒಟ್ಟು 45 ಪಂದ್ಯಗಳು ನಡೆಯಲಿದೆ. ಗುಜರಾತಿನ ಅಹಮದಾಬಾದ್ ಮತ್ತು ರಾಜ್​ಕೋಟ್​​, ಉತ್ತರ ಪ್ರದೇಶದ ಲಖನೌ, ಮಹರಾಷ್ಟ್ರದ ಮುಂಬೈ, ಕರ್ನಾಟಕದ ಬೆಂಗಳೂರು, ದೆಹಲಿ, ಮಧ್ಯಪ್ರದೇಶದ ಇಂದೋರ್​, ಪಂಜಾಬ್​ನ ಮೊಹಾಲಿ, ಅಸ್ಸಾಂನ ಗುವಾಹಟಿ ಮತ್ತು ತೆಲಂಗಾಣದ ಹೈದರಾಬಾದ್​ ಸೇರಿದಂತೆ ಭಾರತದ ಒಟ್ಟು 12 ನಗರಗಳ ಕ್ರೀಡಾಂಗಣಗಳಲ್ಲಿ ವಿಶ್ವಕಪ್​ ಪಂದ್ಯಗಳು ನಡೆಯಲಿವೆ. (ಏಜೆನ್ಸೀಸ್​)

https://www.vijayavani.net/statewide-kaveri-protest-gets-intense-after-supreme-court-verdicts

https://www.vijayavani.net/poilievre-trounce-trudeau-as-best-pm-choice-in-canada

https://www.vijayavani.net/health-tips-alzheimer-causes-symptoms-and-treatments