ವಿಶ್ವದ ಅತ್ಯಂತ ದುಬಾರಿ ಮದ್ಯದ ಬೆಲೆ 52 ಕೋಟಿ ರೂಪಾಯಿ! ಇದರ ವಿಶೇಷತೆ ಕೇಳಿದ್ರೆ ಬೆರಗಾಗ್ತೀರಾ | Most Expensive Liquor

ನವದೆಹಲಿ: ಒಂದು ಮದ್ಯದ ಬಾಟಲಿ ಕೋಟ್ಯಂತರ ರೂಪಾಯಿ ಬೆಲೆ ಬಾಳುತ್ತದೆ ಅಂದರೆ ನೀವು ನಂಬುತ್ತೀರಾ? ನಂಬಲೇಬೇಕು. ವಿಶ್ವದ ಅತ್ಯಂತ ದುಬಾರಿ ಮದ್ಯ ( Most Expensive Liquor ) ಒಂದಿದೆ. ಅದರ ಬೆಲೆ ಕೇಳಿದರೆ ನೀವು ಬೆರಗಾಗೋದು ಖಂಡಿತ. ಈ ಮದ್ಯವನ್ನು ಖರೀದಿ ಮಾಡುವ ಹಣದಲ್ಲಿ ಮೆಟ್ರೋಪಾಲಿಟನ್​ ನಗರದಲ್ಲಿ ಎರಡ್ಮೂರು ಸೈಟ್​ ಖರೀದಿ ಮಾಡಿ ಐಷಾರಾಮಿ ಮನೆಯನ್ನೇ ನಿರ್ಮಿಸಬಹುದು. ಹೌದಾ... ಹಾಗಾದರೆ, ಆ ದುಬಾರಿ ಮದ್ಯ ಯಾವುದು? ಅದರ ಬೆಲೆ ಎಷ್ಟು? ವಿಶೇಷತೆ ಏನಿದೆ? ಅಷ್ಟೊಂದು ದುಬಾರಿ ಏಕೆ? ಎಲ್ಲಿ ಸಿಗುತ್ತೆ? ಎಂಬಿತ್ಯಾದಿ ಪ್ರಶ್ನೆಗಳು ನಿಮ್ಮಲ್ಲಿ ಮೂಡಿರಬಹುದು. ಆ ಎಲ್ಲ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ.

ಅಂದಹಾಗೆ ವಿಶ್ವದ ಅತ್ಯಂತ ದುಬಾರಿ ಮದ್ಯದ ಹೆಸರು ಇಸಾಬೆಲ್ಲಾ ಇಸ್ಲೇ ( Isabella Islay ). ಇದೊಂದು ವಿಸ್ಕಿ ಆಗಿದೆ. ಈ ಮದ್ಯವನ್ನು ಖರೀದಿಸುವ ವ್ಯಕ್ತಿಯು ಅದನ್ನು ಕುಡಿಯುವುದಕ್ಕಿಂತ ಹೆಚ್ಚಾಗಿ ನೋಡಿಯೇ ಆನಂದಿಸುತ್ತಾನೆ. ಒಂದು ಬಾಟಲಿಯ ಬೆಲೆ ಸುಮಾರು 6.2 ಮಿಲಿಯನ್ ಡಾಲರ್ ( ಸುಮಾರು 52 ಕೋಟಿ ರೂಪಾಯಿ ). ಈ ಬೆಲೆಯಲ್ಲಿ ನೀವು ಮೆಟ್ರೋಪಾಲಿಟನ್ ಪ್ರದೇಶಗಳಲ್ಲಿ ಕೆಲವು ಫ್ಲಾಟ್‌ಗಳನ್ನು ಖರೀದಿಸಬಹುದು.

ಈ ವಿಸ್ಕಿ ಅಷ್ಟೊಂದು ದುಬಾರಿ ಏಕೆ?

ಈ ಮದ್ಯಕ್ಕೆ ಇಷ್ಟೊಂದು ಬೆಲೆ ಏಕೆ ಎಂಬುದು ಇದೀಗ ದೊಡ್ಡ ಪ್ರಶ್ನೆಯಾಗಿದೆ. ವಾಸ್ತವವಾಗಿ, ಈ ಮದ್ಯವನ್ನು ಸಂಗ್ರಹಿಸಿರುವ ಬಾಟಲಿಯು ಬಿಳಿ ಚಿನ್ನದಿಂದ ಮಾಡಲ್ಪಟ್ಟಿದೆ. ಇದು ನೋಡಲು ಪಾತ್ರೆಯಂತಿದೆ. ಅಲ್ಲದೆ 8500 ವಜ್ರಗಳು ಮತ್ತು 300 ಮಾಣಿಕ್ಯಗಳಿಂದ ಕೂಡಿದೆ. ಇದು ಸಿಂಗಲ್ ಮಾಲ್ಟ್ ಸ್ಕಾಚ್ ವಿಸ್ಕಿ. ಇದನ್ನು 2011, ಮೇ ತಿಂಗಳಲ್ಲಿ ಪ್ರಾರಂಭಿಸಲಾಯಿತು.

ಇದನ್ನೂ ಓದಿ: ಬಿಸ್ಲೇರಿ ಬದಲು ಬಿಲ್ಸೇರಿ ನೀರಿನ ಬಾಟಲಿ ಕಂಡು ಜಿಲ್ಲಾಧಿಕಾರಿ ಶಾಕ್​! ನಂತ್ರ ನಡೆದಿದ್ದನ್ನು ನೀವು ಮೆಚ್ಚಲೇಬೇಕು | Water bottle

ಎಲ್ಲಿ ಸಿಗುತ್ತೆ?

isabellasislay.com ವೆಬ್​ಸೈಟ್​ ಪ್ರಕಾರ ಇದು ವಿಶೇಷ ಆವೃತ್ತಿಯ ವಿಸ್ಕಿಯಾಗಿದೆ. ಇದನ್ನು ಆನ್​ಲೈನ್​ನಲ್ಲಿ ಎಲ್ಲಿಯೂ ಖರೀದಿ ಮಾಡಲಾಗದು. ವೆಬ್​​ಸೈಟ್​ನಲ್ಲಿ ಕಾಂಟ್ಯಾಕ್ಟ್ ಅಸ್ ( ನಮ್ಮನ್ನು ಸಂಪರ್ಕಿಸಿ ) ಆಪ್ಷನ್​ ಮೇಲೆ ಕ್ಲಿಕ್​ ಮಾಡಿದಾಗ ಇಮೇಲ್ ಐಡಿ ಕಾಣಿಸುತ್ತದೆ. ಬಹುಶಃ ಕಂಪನಿಯನ್ನು ಸಂಪರ್ಕಿಸುವ ಮೂಲಕ ಖರೀದಿಸಬಹುದಾಗಿದೆ.

ಜಗತ್ತಿನಲ್ಲಿರುವ ಈ ವಿಸ್ಕಿಗಳು ಕೂಡ ದುಬಾರಿ...

ಇಸಾಬೆಲ್ಲಾ ಇಸ್ಲೇ ಅಲ್ಲದೆ ಇನ್ನೂ ಹಲವು ವಿಸ್ಕಿ ಬಾಟಲಿಗಳು ಕೋಟ್ಯಂತರ ರೂಪಾಯಿ ಬೆಲೆ ಬಾಳುತ್ತವೆ. ಅವುಗಳಲ್ಲಿ ಮಕಲನ್ ಎಂ ಕೂಡ ಒಂದು. ಈ ಮದ್ಯದ ಬಾಟಲಿಯ ಬೆಲೆ 5 ಕೋಟಿ ರೂ.ಗೂ ಹೆಚ್ಚು. ಭಾರತದ ವಿಚಾರಕ್ಕೆ ಬರುವುದಾದರೆ, ರಾಂಪುರ ಸಿಗ್ನೇಚರ್ ರಿಸರ್ವ್ ಅನ್ನು ದೇಶದ ಅತ್ಯಂತ ದುಬಾರಿ ಮದ್ಯ ಎಂದು ಪರಿಗಣಿಸಲಾಗಿದೆ. ಇದರ ಬಾಟಲಿ ಬೆಲೆ ಸುಮಾರು 5 ಲಕ್ಷ ರೂಪಾಯಿ ಇದೆ. (ಏಜೆನ್ಸೀಸ್​)

https://www.vijayavani.net/banana-side-effects-are-you-drinking-water-after-eating-a-banana

https://www.vijayavani.net/do-you-really-lose-weight-by-eating-chapatis-is-that-your-illusion