Drishyam 4'ರ ಬಗ್ಗೆ ಅಪ್ಡೇಟ್​​; 'ಅನಗತ್ಯವಾಗಿ ಕತೆ ಎಳೆದಾಡ್ತಿರೋದು ಯಾಕೆ, ಇದರ ಅವಶ್ಯಕತೆ ಇತ್ತಾ?' ಎಂದ ನೆಟ್ಟಿಗರು

Drishyam 4 Unnecessary Sequel Why Won’t Makers Stop: 2013ರಲ್ಲಿ ರಿಲೀಸ್​ ಆದ ದೃಶ್ಯಂ ಸಿನಿಮಾವು ಸಾಕಷ್ಟು ರಂಜಿಸಿತ್ತು. ಜಾರ್ಜ್​ ಕುಟ್ಟಿಯ ತಂತ್ರಗಾರಿಕೆ, ಕುಟುಂಬದ ಮೇಲಿನ ಪ್ರೀತಿ ಒಟ್ಟಾರೆಯಾಗಿ ಈ ಕ್ರೈಂ ಥ್ರಿಲ್ಲರ್​ ಸಿನಿಮಾವು ಜನರನ್ನು ರಂಜಿಸಿತ್ತು. ಇತ್ತೀಚೆಗೆ ಬಿಡುಗಡೆಯಾದ ದೃಶ್ಯಂ 3 ಚಿತ್ರಮಂದಿರ ಹಾಗೂ ಒಟಿಟಿಯಲ್ಲಿ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ, ಆದರೆ ಕತೆ ಬಗ್ಗೆ ನೀರಸ ಪ್ರತಿಕ್ರಿಯೆ ಪಡೆದಿತ್ತು. ಆ ಬೆನ್ನಲ್ಲೇ ಸಿನಿಮಾ ತಂಡ 'ದೃಶ್ಯಂ ದಿ ಕಂಕ್ಲ್ಯೂಷನ್'​​​​ ಪೋಸ್ಟರ್​ ಹಂಚಿಕೊಂಡಿದೆ. ಇದನ್ನು ಕಂಡ ನೆಟ್ಟಿಗರು...ಫ್ರಾಂಚೈಸಿಯನ್ನು ಅನಗತ್ಯವಾಗಿ ಮುಂದುವರೆಸಲಾಗುತ್ತಿದೆ ಎಂದು ಕಿಡಿಕಾರಿದ್ದಾರೆ.

ದೃಶ್ಯ 3 ಸಿನಿಮಾದ ಬಗ್ಗೆ ಅಸಮಾಧಾನ ಹೊಂದಿದ್ದರೂ ಸಹ ಹೆಚ್ಚು ವೀಕ್ಷಣೆ ಪಡೆದುಕೊಂಡಿತ್ತು. ಹಲವರು ಸಿನಿಮಾವನ್ನು ನೆಚ್ಚಿಕೊಂಡಿದ್ದರು. ಆದರೆ, ಕೆಲವರು ಇದನ್ನು ದೃಶ್ಯ ಸಿನಿಮಾ ರಿಲೀಸ್ ಆದ ಸರಣಿಯಲ್ಲಿ ಇದೊಂದು ವೀಕ್​ ಭಾಗ ಎಂದು ಕರೆದಿದ್ದರು. ಮೋಹನ್​ ಲಾಲ್​ ಅವರ ನಟನೆ ಜೀವಂತವಾಗಿ ಕಂಡುಬಂದರೂ ಸಹ ಕತೆಯನ್ನು ಅನಗತ್ಯವಾಗಿ ಎಳೆದಾಡಲಾಗುತ್ತಿದೆ. ಕತೆಯಲ್ಲಿ ಯಾವುದೇ ಹೊಸತನವಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದರು.

ಈ ಹೊತ್ತಲ್ಲೇ, ಜೀತು ಜೋಸೆಫ್ ನಿರ್ದೇಶನದ, ಆಂಟನಿ ಪೆರಂಬೂರು ನಿರ್ಮಾಣದ ಸಿನಿಮಾ ದೃಶ್ಯಂ 4 ಸಿನಿಮಾದ ಪೋಸ್ಟರ್​ ರಿಲೀಸ್ ಮಾಡಲಾಗಿದೆ. ಇಷ್ಟೇ ಅಲ್ಲದೇ ಕಾರ್ಯಕ್ರವೊಂದರಲ್ಲಿ ಫ್ರಾಂಚೈಸಿ ದೃಶ್ಯಂ 4ನೊಂದಿಗೆ ಮುಂದುವರಿಯಲು ಸಜ್ಜಾಗಿದೆ. ಮೂರನೇ ಚಿತ್ರದ ಯಶಸ್ಸಿನ ನಂತರ, ಮತ್ತೊಂದು ಕಂತು ಖಂಡಿತವಾಗಿಯೂ ಬರಲಿದೆ ಎಂದು ನಿರ್ಮಾಪಕ ಆಂಥೋನಿ ಪೆರುಂಬವೂರ್ ಮಝವಿಲ್ ಮನೋರಮಾ ಪ್ರಶಸ್ತಿ ಸಮಾರಂಭದಲ್ಲಿ ದೃಢಪಡಿಸಿದರು.

ಮೋಹನ್​ ಲಾಲ್​ ಮತ್ತು ಮೀನಾ ಹಾಗೂ ಇಬ್ಬರು ಮಕ್ಕಳಿಗೆ ಬಿಳಿ ಕೂದಲು ಬಂದಂತೆ ಚಿತ್ರಿಸಿ ಪೋಸ್ಟ್ ಮಾಡಲಾಗಿದೆ. ಇನ್ನು ದೃಶ್ಯಂ 3 ಭಯಾನಕವಾಗಿತ್ತು. ದೃಶ್ಯಂ 4 ನಲ್ಲಿ ಏನಿದೆ ಎಂದು ಖಚಿತವಿಲ್ಲ. ಹೇಗಾದರೂ ಇರಲಿ ಆ ದೃಶ್ಯಂ ಸಿನಿಮಾ ನೋಡಬಾರದು ಎಂದು ನಿರ್ಧರಿಸಿದ್ದೇನೆ ಎಂದು ನರೇಶ್ ನಂಬಿಸನ್​ ಎನ್ನುವವರು ಕಾಮೆಂಟ್ ಮಾಡಿದ್ದಾರೆ.

ದೃಶ್ಯಂ3 ಸಿನಿಮಾ ನೋಡಲು ಚೆನ್ನಾಗಿಯೇ ಇರಲಿಲ್ಲ. ಆದರೆ ಈಗ ದೃಶ್ಯಂ 4ರ ಬಗ್ಗೆ ಮಾಹಿತಿ ಕೊಟ್ಟಿದ್ದಾರೆ. ಇದಕ್ಕಾಗಿ ಹಣ ಖರ್ಚು ಮಾಡಿಕೊಳ್ಳೋದು ಯಾಕೆ ಎಂದು Tarak esha @as35752 ಎನ್ನುವವರು ಕಾಮೆಂಟ್ ಮಾಡಿದ್ದಾರೆ.

ಸಿನಿಮಾ ಎನ್ನುವವರ ಖಾತೆಯಿಂದ ಕಾಮೆಂಟ್ ಮಾಡಿದ್ದು, ದೃಶ್ಯಂ 3 ಸಿನಿಮಾವನ್ನೇ ನೋಡಿಲ್ಲ. ಆಗಲೇ ದೃಶ್ಯಂ4 ಅನೌನ್ಸ್​ ಆಯ್ತು. ಇನ್ನೂ ಎಷ್ಟು ದಿನ ಕತೆಯನ್ನು ಎಳೆಯುತ್ತಾರೆ. ದೃಶ್ಯಂ ಸಿನಿಮಾ ಮೂಲಕ ಹಣ ದೋಚುವುದು ಇವರ ಉದ್ದೇಶವೋ ಎಂದು ಕಿಡಿಕಾರಿದ್ದಾರೆ, (ಏಜೆನ್ಸೀಸ್).