ಬೇಡಡ್ಕದಲ್ಲಿ ಸಂಚಾರಿ ಗ್ರಂಥಾಲಯಕ್ಕೆ ಚಾಲನೆ

ಕಾಸರಗೋಡು: ಗ್ರಂಥಾಲಯ ಸೌಲಭ್ಯಗಳಿಲ್ಲದ ಪ್ರದೇಶಗಳಲ್ಲಿ ಜನರಲ್ಲಿ ಓದುವ ಹವ್ಯಾಸ ಬೆಳೆಸುವ ಉದ್ದೇಶದಿಂದ ಜಿಲ್ಲಾ ಪಂಚಾಯಿತಿ, ಸಮಗ್ರ ಶಿಕ್ಷಾ ಕೇರಳ ಕಾಸರಗೋಡು ಮತ್ತು ಬಿಆರ್‌ಸಿ ಕಾಸರಗೋಡು ಜಂಟಿಯಾಗಿ ಜಾರಿಗೆ ತಂದಿರುವ ವಿಶಿಷ್ಟ ಯೋಜನೆ ಸಂಚರಿಸುವ ಗ್ರಂಥಾಲಯಕ್ಕೆ ಬೇಡಡ್ಕ ಗ್ರಾಪಂನಲ್ಲಿ ಚಾಲನೆ ನೀಡಲಾಯಿತು.

ಗ್ರಾಪಂ ಸಭಾಂಗಣದಲ್ಲಿ ಆಯೋಜಿಸಲಾಗಿದ್ದ ಸಮಾರಂಭವನ್ನು ಜಿಪಂ ಆರೋಗ್ಯ ಮತ್ತು ಶಿಕ್ಷಣ ಸ್ಥಾಯಿ ಸಮಿತಿ ಅಧ್ಯಕ್ಷ ಎಸ್.ಎನ್.ಸರಿತಾ ಉದ್ಘಾಟಿಸಿದರು. ವಾಚನ ಕೂಟ ಪ್ರತಿಭಾ ಪುರಸ್ಕಾರ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು. ಬೇಡಡ್ಕ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಎಂ.ಧನ್ಯಾ ಅಧ್ಯಕ್ಷತೆ ವಹಿಸಿದ್ದರು.

ಗ್ರಾಪಂ ಉಪಾಧ್ಯಕ್ಷ ಎಂ.ಮಾಧವನ್, ಕಲ್ಯಾಣ ಸ್ಥಾಯಿ ಸಮಿತಿ ಅಧ್ಯಕ್ಷ ಟಿ.ವರದರಾಜನ್, ವಾರ್ಡ್ ಸದಸ್ಯರಾದ ಎಂ.ಗೋಪಾಲಕೃಷ್ಣನ್, ಎಂ.ನಾರಾಯಣನ್, ಎಂ.ತಂಬಾನ್, ಕೆ.ರಘುನಾಥನ್, ಇ.ರಜನಿ, ಡಿ.ವತ್ಸಲಾ ಉಪಸ್ಥಿತರಿದ್ದರು. ಬಿ.ಪಿ.ಸಿ. ಟಿ.ಕಾಸಿಮ್ ಸ್ವಾಗತಿಸಿದರು. ವೈವಿಧ್ಯತೆ ಸಂಯೋಜಕಿ ರೋಶ್ನಾ ವಂದಿಸಿದರು. ಬಿಆರ್‌ಸಿ ತರಬೇತುದಾರ ನೈಸಿಲಿ ಮತ್ತು ಸಿಆರ್‌ಸಿ ಸಂಯೋಜಕರಾದ ಅಬ್ದುಲ್ ಹಕೀಮ್, ಅಬ್ದುಲ್ ಖಾದರ್ ಜಾಹಿದ್, ಶ್ರುತಿ ಮತ್ತು ರಶ್ಮಿ ನೇತೃತ್ವದಲ್ಲಿ ಉನ್ನತಿ ಕಾಲನಿಗೆ ಭೇಟಿ ನೀಡಿ ಪುಸ್ತಕ ವಿತರಿಸಲಾಯಿತು.

https://www.vijayavani.net/marathi-society-sports-meet-painting-competition

https://www.vijayavani.net/green-action-group-activists-protest-at-gol-mall