ಚೂರಿ ಇರಿಯುವ ಬುದ್ಧಿ ನನ್ನದಲ್ಲ! BRS​ ಜೊತೆ BJP ಸೇರಿಸಲು ಪಿತೂರಿ: ಕವಿತಾ ಕಿಡಿ | MLC K. Kavitha

MLC K. Kavitha: ತೆಲಂಗಾಣ ರಾಜಕೀಯದಲ್ಲಿ ನಡೆಯುತ್ತಿರುವ ಕೆಲವು ಬೆಳವಣಿಗೆ ಕುರಿತು ಕಿಡಿಕಾರಿರುವ ಭಾರತ ರಾಷ್ಟ್ರ ಸಮಿತಿ (ಬಿಆರ್‌ಎಸ್) ನಾಯಕಿ ಮತ್ತು ಎಂಎಲ್‌ಸಿ ಕೆ. ಕವಿತಾ, ತಮ್ಮದೇ ಪಕ್ಷದ ಕೆಲವು ಸದಸ್ಯರ ವಿರುದ್ಧ ಗಂಭೀರ ಆರೋಪಗಳನ್ನು ಎಸಗಿದ್ದಾರೆ.

ಇದನ್ನೂ ಓದಿ: ದೇಶದ ಭದ್ರತೆಗೆ ಸಂಬಂಧಿಸಿದ ಸೂಕ್ಷ್ಮ ವಿಷಯ ಮೊಬೈಲ್​​ನಲ್ಲಿ ಪತ್ತೆ: ಯುವಕನ ಬಂಧನ | Himachal Pradesh

"ಬಿಆರ್‌ಎಸ್ ಪಕ್ಷವನ್ನು ಬಿಜೆಪಿಯೊಂದಿಗೆ ವಿಲೀನಗೊಳಿಸಲು ಕೆಲ ಪ್ರಯತ್ನಗಳು ನಡೆಯುತ್ತಿವೆ. ದೆಹಲಿ ಮದ್ಯ ನೀತಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಾನು ಜೈಲು ಸೇರಿದ್ದ ಸಮಯದಲ್ಲಿ ಪಕ್ಷದ ಕೆಲವರು ಈ ಪಿತೂರಿ ನಡೆಸಿದ್ದಾರೆ. ನನ್ನ ಮತ್ತು ತಂದೆ ಕೆ. ಚಂದ್ರಶೇಖರ್ ರಾವ್​ ನಡುವೆ ಬಿರುಕು ಮೂಡಿಸುವ ಪ್ರಯತ್ನ ಕೂಡ ಮಾಡಿದ್ದಾರೆ. ಇದು ನನ್ನ ಗಮನಕ್ಕೆ ಬಂದಿದೆ" ಎಂದು ಯಾರ ಹೆಸರನ್ನೂ ಹೇಳದೆ ಆರೋಪಿಸಿದ್ದಾರೆ.

"ನಮ್ಮದೇ ಪಕ್ಷದವರು ಬಿಆರ್​ಎಸ್​ ಅನ್ನು ಬಿಜೆಪಿಯೊಂದಿಗೆ ಸೇರಿಸುವ ಕುರಿತು ಮಾತುಕತೆ ನಡೆಸಿದ್ದರು. ಈ ವಿಚಾರ ಜೈಲಿನಲ್ಲಿದ್ದ ನನ್ನವರೆಗೆ ಬಂದಿತು. ಆದರೆ, ನಾನು ಇದಕ್ಕೆ ಒಪ್ಪಿಗೆ ಸೂಚಿಸಲಿಲ್ಲ. ಬದಲಿಗೆ ತಿರಸ್ಕರಿಸಿದೆ. ಜೈಲಿನಲ್ಲಿದ್ದರೂ ಪರವಾಗಿಲ್ಲ, ಪಕ್ಷವನ್ನು ವಿಲೀನಗೊಳಿಸುವ ಪ್ರಸ್ತಾವ ಬೇಡಬೇ ಬೇಡ ಎಂದಿದ್ದೆ" ಎಂದು ಕವಿತಾ ಮಾಧ್ಯಮಗಳಿಗೆ ತಿಳಿಸಿದರು.

ಇದನ್ನೂ ಓದಿ:  ಮೂವರು ಹೆಂಡತಿಯರು, 9 ಮಕ್ಕಳು: ಸಂಸಾರ ನಡೆಸಲು ಕಳ್ಳತನ, ಮಗನಿಗೆ ತಂದೆಯಿಂದಲೇ ಟ್ರೈನಿಂಗ್​​ | Bengaluru

ಚೂರಿ ಇರಿಯುವ ಬುದ್ಧಿ ನನ್ನದಲ್ಲ!

ನೀವು ಕಾಂಗ್ರೆಸ್​ ಜೊತೆಗೆ ಸಂಪರ್ಕದಲ್ಲಿದ್ದೀರಾ? ನಿಮ್ಮದೇ ಪಕ್ಷ ರಚಿಸಲು ಮುಂದಾಗುತ್ತಿದ್ದೀರಾ? ಎಂಬ ಮಾತುಗಳು ಕೇಳಿಬಂದಿವೆ ಎಂಬ ಪ್ರಶ್ನೆಗೆ ಉತ್ತರಿಸಿದ ಕವಿತಾ, "ಇದನ್ನು ಯಾವುದೇ ಕಾರಣಕ್ಕೂ ಒಪ್ಪುವುದಿಲ್ಲ. ಕಾಂಗ್ರೆಸ್​ ಒಂದು ಮುಳುಗುವ ಹಡಗು. ಇಲ್ಲಿ ಹೊಸ ಪಕ್ಷದ ಮಾತಿಲ್ಲ. ನಾನು ತಂದೆ ಮಾರ್ಗದರ್ಶನದಲ್ಲಿ ನಡೆಯುತ್ತಿರುವವಳು. ಇದನ್ನೇ ಮುಂದುವರಿಸುತ್ತೀನಿ. ನನಗೆ ಚೂರಿ ಇರಿಯುವ ಬುದ್ಧಿಯಿಲ್ಲ. ತಲೆ ಎತ್ತಿ ಬಾಳುವ ಹಾದಿ ನನ್ನದು" ಎಂದಿದ್ದಾರೆ,(ಏಜೆನ್ಸೀಸ್).

https://www.vijayavani.net/due-to-heavy-rains-kerala-state-gets-red-alert