ಭಾರತದ ಒಳಗೂ ಅಪಾಯ ಇದೆ. ಕಾಶ್ಮೀರ, ಪಶ್ಚಿಮಬಂಗಾಳ, ಕೇರಳದ ಕೆಲವು ಜಿಲ್ಲೆಗಳಲ್ಲಿ ಅಸುರಕ್ಷತೆ ಇದೆ. ಸೈನ್ಯದ ಬಲದಿಂದಲಾದ್ದರೂ ನಾವು ಅಲ್ಲಿನ ಹಿಂದುಗಳ ರಕ್ಷಣೆ ಮಾಡಬೇಕು. ಹಿಂದುಗಳು ಬಹುಸಂಖ್ಯಾತರಾಗಿ ಉಳಿಯುವವರೆಗೆ ಮಾತ್ರ ಸಂವಿಧಾನ, ಪ್ರಜಾಪ್ರಭುತ್ವ ಉಳಿಯುತ್ತದೆ. ಹೀಗಾಗಿ ನಾವು ಜಾತಿ, ರಾಜಕಾರಣ ಮೀರಿ ಹಿಂದು ಮತ್ತು ದೇಶಕ್ಕಾಗಿ ರಾಜಕಾರಣ ಮಾಡಬೇಕು. ದೇಶ ಮತ್ತು ಸಂವಿಧಾನದ ರಕ್ಷಣೆಗಾಗಿ ರಾಜಕಾರಣ ಮಾಡಬೇಕು ಎಂದ ಅವರು, ವಿನೇಶ್ ಫೋಗಟ್ ವಿಚಾರದಲ್ಲಿ ಭಾರತ ಗೆಲ್ಲುವ ವಿಶ್ವಾಸ ನಮ್ಮಲ್ಲಿತ್ತು. ನಿಯಮಗಳ ಅಡಿಯಲ್ಲಿ ನಮ್ಮ ಅವಕಾಶ ಕಿತ್ತುಕೊಂಡಿದ್ದಾರೆ. ಆಕೆಯೊಂದಿಗೆ ಭಾರತೀಯರಾದ ನಾವೆಲ್ಲರೂ ಇದ್ದೇವೆ. ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಕೂಡ ಧೈರ್ಯ ತುಂಬಿದ್ದಾರೆ ಎಂದು ಹೇಳಿದರು.
