ನಗರದ ಜಿಲ್ಲಾ ಪಂಚಾಯಿತಿ ಕಚೇರಿಯ ಕಾವೇರಿ ಸಭಾಂಗಣದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಎನ್.ಚಲುವರಾಯಸ್ವಾಮಿ ಅಧ್ಯಕ್ಷತೆಯಲ್ಲಿ ಆಯೋಜಿಸಿದ್ದ ಕೆಡಿಪಿ ಸಭೆಯಲ್ಲಿ ಅಕ್ಕಿ ಹಾಗೂ ಭೂಮಿ ದಾಖಲೆ ತಿದ್ದುಪಡಿ ವಿಚಾರವನ್ನು ಪ್ರಸ್ತಾಪಿಸಿ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡರು. ಎಫ್ಸಿಎಯಿಂದ ಹೊರಡುವಾಗ ಇರುವ ತೂಕ ಹಾಗೂ ಟಿಎಪಿಸಿಎಂಎಸ್ಗೆ ಬಂದಾಗ ಇರುವ ತೂಕದ ಬಗ್ಗೆ ನರೇಂದ್ರಸ್ವಾಮಿ ಅವರ ಪ್ರಶ್ನೆಗೆ ಆಹಾರ ಇಲಾಖೆ ಜೆಡಿ ಕೃಷ್ಣಕುಮಾರ್, ತೂಕ ಮತ್ತು ಮಾಪನ ಇಲಾಖೆಯ ಅಧಿಕಾರಿ ಶ್ರೀಧರ್ ಸಮರ್ಪಕ ಉತ್ತರವನ್ನೇ ನೀಡಲಿಲ್ಲ. ಮಾತ್ರವಲ್ಲದೆ ಪ್ರತಿ ಲೋಡ್ನಲ್ಲಿ 60 ರಿಂದ 100 ಕೆಜಿವರೆಗೆ ವ್ಯತ್ಯಾಸವಿದೆ ಎನ್ನುವುದನ್ನು ಅಧಿಕಾರಿಗಳೇ ಬಹಿರಂಗಪಡಿಸಿದರು. ಹಾಗಾದರೆ ಕ್ರಮವೆಂದು ಕೇಳಿದರೆ, ಅಧಿಕಾರಿಗಳು ಗಪ್ಚುಪ್ ಆದರು.
