ಭಾನುವಾರ ರಾತ್ರಿ ಪನಾಮದ ಟೊಕುಮೆನ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಮಾನವೊಂದು ತುರ್ತು ಭೂಸ್ಪರ್ಶ ಮಾಡಿದೆ. ವಿಮಾನವು ಫ್ಲೋರಿಡಾದ ಮಿಯಾಮಿಯಿಂದ ಚಿಲಿಯ ಸ್ಯಾಂಟಿಯಾಗೊ ವಿಮಾನ ನಿಲ್ದಾಣಕ್ಕೆ ಪ್ರಯಾಣಿಸುತ್ತಿತ್ತು. ಭಾನುವಾರ ಸಂಜೆ 271 ಪ್ರಯಾಣಿಕರೊಂದಿಗೆ ಲ್ಯಾಥಮ್ ಏರ್ ಲೈನ್ಸ್ ಗೆ ಸೇರಿದ ವಿಮಾನ ಟೇಕಾಫ್ ಆಗಿತ್ತು. ಟೇಕ್ ಆಫ್ ಆದ ಮೂರು ಗಂಟೆಗಳ ನಂತರ, ವಿಮಾನದ ಪೈಲಟ್, 56 ವರ್ಷದ ಕ್ಯಾಪ್ಟನ್ ಇವಾನ್ ಅಂದೂರ್ ಅನಾರೋಗ್ಯಕ್ಕೆ ಒಳಗಾದರು. ಪೈಲಟ್ಗೆ ಸಿಬ್ಬಂದಿ ಪ್ರಥಮ ಚಿಕಿತ್ಸೆ ನೀಡಿದ್ದು ಚೇತರಿಸಿಕೊಂಡಿದ್ದಾರೆ. ನಂತರ, ಕ್ಯಾಪ್ಟನ್ ಐವಾನ್ ಅಂದೂರ್ ಬಾತ್ ರೂಂಗೆ ಹೋದರು. ಆದರೆ ಹೊರಗೆ ಬಂದಿಲ್ಲ. ಇಷ್ಟು ಸಮಯ ಯಾಕೆ ಬರಲಿಲ್ಲ ಎಂದು ಅನುಮಾನಿಸಿದ ಗಗನಸಖಿ ಹೋಗಿ ನೋಡಿದಾಗ ಅವರಲ್ಲಿ ಕುಸಿದು ಬಿದ್ದಿದ್ದಾರೆ.
